വൃക്കകൾ തകരാറിലായ ഗൃഹനാഥന്‍ ചികിത്സാസഹായം തേടുന്നു

നേമം: രണ്ട് വൃക്കകള്‍ക്കും തകരാര്‍ ബാധിച്ച ഗൃഹനാഥന്‍ സഹായം തേടുന്നു. പൂജപ്പുര ദേവി നഗര്‍ ടി.സി 19/1311ല്‍ സി. പത്മനാഭന്‍ (67) ആണ് തുടര്‍ചികിത്സക്ക് സഹായം അഭ്യർഥിക്കുന്നത്. പെയിന്റിങ് തൊഴിലാളിയായ പത്മനാഭന് ഏപ്രിലില്‍ കാഴ്ചപ്രശ്‌നത്തെ തുടര്‍ന്ന് നടത്തിയ പരിശോധനയിലാണ് വൃക്കകള്‍ക്ക് തകരാറുള്ളതായി അറിയുന്നത്.

ഡയാലിസിസിനും മരുന്നിനുമായി ഒരുമാസം 15,000 ഓളം രൂപയാണ് ചെലവുവരുന്നത്. ഭാര്യ പി. ബേബിക്കുണ്ടായിരുന്ന ജോലിയും ഉപേക്ഷിക്കേണ്ടി വന്നു.

ഏകമകന്‍ സുനിലിന്റെ ജോലിയില്‍നിന്നുള്ള വരുമാനമാണ് കുടുംബത്തെ മുന്നോട്ടുനയിക്കുന്നത്. ചികിത്സാസഹായത്തിനുവേണ്ടി എസ്.ബി.ഐ പൂജപ്പുര ശാഖയില്‍ അക്കൗണ്ട് തുറന്നിട്ടുണ്ട്. നമ്പര്‍: 67202521267. ഐ.എഫ്.എസ്.സി: SBIN0070032. ഫോണ്‍ നമ്പര്‍: 9567503440.