മു​ട്ടാ​ത്ത വാ​തി​ലു​ക​ളി​ല്ല; ത​ല ചാ​യ്ക്കാ​ൻ മ​ണി​ക്കും കു​ടും​ബ​ത്തി​നും വേ​ണം വീ​ട്

വ​ള്ളി​ക്കു​ന്ന്: ഷീ​റ്റ് പാ​കി​യ ഷെ​ഡി​ൽ​നി​ന്ന് സ്വ​ന്തം വീ​ടെ​ന്ന സ്വ​പ്നം പൂ​വ​ണി​യു​ന്ന​തും കാ​ത്ത് ചാ​ലി​യി​ൽ മ​ണി​യും കു​ടും​ബ​വും. ചേ​ളാ​രി​യി​ലെ കും​ബാ​ര കോ​ള​നി​യി​ൽ ഷീ​റ്റ് പാ​കി​യ വീ​ട്ടി​ൽ ര​ണ്ട് പെ​ണ്മ​ക്ക​ളും ഭാ​ര്യ​യു​മാ​യി അ​ന്തി​യു​റ​ങ്ങു​ന്ന​ത് ഭീ​തി​യോ​ടെ. മൂ​ന്നി​യൂ​ർ ഗ്രാ​മ​പ​ഞ്ചാ​യ​ത്തി​ലെ മൂ​ന്നാം വാ​ർ​ഡി​ലാ​ണ് കു​ടും​ബം താ​മ​സി​ക്കു​ന്ന​ത്.

പാ​ര​മ്പ​ര്യ​മാ​യി മ​ൺ​പ​ാത്രം നി​ർ​മി​ക്കു​ന്ന ജോ​ലി​യാ​യി​രു​ന്നു. മ​ണ്ണ് കി​ട്ടാ​ത്ത​തും ക​ച്ച​വ​ടം കു​റ​ഞ്ഞ​തും വ​രു​മാ​നം ഇ​ല്ലാ​താ​യി. കു​റ​ച്ചു വ​ർ​ഷ​ങ്ങ​ളാ​യി വ​ല്ല​പ്പോ​ഴും ല​ഭി​ക്കു​ന്ന കൂ​ലി​വേ​ല മാ​ത്ര​മാ​ണ് ഉ​പ​ജീ​വ​ന​മാ​ർ​ഗം. ഭാ​ര്യ മി​നി തൊ​ഴി​ലു​റ​പ്പ് ജോ​ലി​ക്കും പോ​വു​ന്നു​ണ്ട്. മൂ​ത്ത മ​ക​ൾ മ​ഞ്ജു​ഷ പ്ല​സ്‌​ ടു പ​ഠ​നം പൂ​ർ​ത്തി​യാ​ക്കി. ഇ​ള​യ മ​ക​ൾ സ​നു​ഷ നാ​ലാം ക്ലാ​സ് വി​ദ്യാ​ർ​ഥി​നി​യാ​ണ്. അ​മ്മ ഇ​ഷ്​​ട​ദാ​ന​മാ​യി ന​ൽ​കി​യ ആ​റു സെൻറ് സ്ഥ​ല​ത്ത് 650 സ്ക്വ​യ​ർ ഫീ​റ്റി​ൽ ത​റ നി​ർ​മി​ച്ചി​ട്ട് വ​ർ​ഷ​ങ്ങ​ളാ​യി. നാ​ല് പ​വ​ൻ സ്വ​ർ​ണം വി​റ്റാ​ണ് ത​റ നി​ർ​മി​ച്ച​ത്.

വീ​ടി​നാ​യി കേ​ന്ദ്ര, സം​സ്ഥാ​ന സ​ർ​ക്കാ​രു​ക​ളു​ടെ വി​വി​ധ പ​ദ്ധ​തി​യി​ൽ അ​പേ​ക്ഷ സ​മ​ർ​പ്പി​ച്ചു. സ്വ​ന്ത​മാ​യി റേ​ഷ​ൻ കാ​ർ​ഡ് ഇ​ല്ലാ​ത്ത​തി​നാ​ൽ ന​ട​ന്നി​ല്ലെ​ന്നാ​ണ് ഇ​വ​ർ പ​റ​യു​ന്ന​ത്. ഒ​ന്ന​ര വ​ർ​ഷം മു​മ്പ്​ റേ​ഷ​ൻ കാ​ർ​ഡ് ല​ഭി​ച്ചെ​ങ്കി​ലും വീ​ടെ​ന്ന സ്വ​പ്നം അ​ക​ലെയാ​ണ്. അ​നി​യ​െൻറ സ്ഥ​ല​ത്ത് നി​ർ​മി​ച്ച ഷെ​ഡി​ലാ​ണ്​ ഇ​പ്പോ​ൾ താ​മ​സം. ഇ​പ്പോ​ൾ താ​മ​സി​ക്കു​ന്ന ഷെ​ഡ്‌ നി​ൽ​ക്കു​ന്ന ഭാ​ഗ​ത്താ​യി​രു​ന്നു മ​ണി​യു​ടെ മ​ൺ​പാ​ത്ര നി​ർ​മാ​ണ​ത്തി​െൻറ ഷെ​ഡ് ഉ​ണ്ടാ​യി​രു​ന്ന​ത്.

ഇ​തു​പൊ​ളി​ച്ചാ​ണ് താ​മ​സി​ക്കാ​ൻ ഷീ​റ്റ് കൊ​ണ്ട് മ​റ​ച്ച താ​ത്കാ​ലി​ക ഷെ​ഡ് നി​ർ​മി​ച്ച​ത്. തൊ​ട്ട​ടു​ത്താ​യി നി​ർ​മി​ച്ച ത​റ നോ​ക്കി നെ​ടു​വീ​ർ​പ്പി​ടു​ക​യാ​ണ് മ​ണി​യും കു​ടും​ബ​വും.