കൃത്യമായ ആസൂത്രണം; മൃതദേഹമടങ്ങിയ ബാഗുകൾ കൊക്കയിൽനിന്നെടുക്കാൻ പെടാപ്പാട്

അ​ഗ​ളി: സ​ന്ധ്യ മ​യ​ങ്ങി​യാ​ൽ വ​ന്യ​മൃ​ഗ​സാ​ന്നി​ധ്യം ഉ​ള്ള​തി​നാ​ൽ കാ​ര്യ​മാ​യ ആ​ൾ​സ​ഞ്ചാ​ര​മി​ല്ലാ​ത്ത വ​ഴി​യാ​ണ് മ​ണ്ണാ​ർ​ക്കാ​ട്-​ചി​ന്ന​ത്ത​ടാ​കം പാ​ത. സി​ദ്ദീ​ഖ് കൊ​ല​പാ​ത​ക​ത്തി​ൽ പ്ര​തി​ക​ൾ നീ​ങ്ങി​യ​തും ഇ​തു മ​ന​സ്സി​ലാ​ക്കി​യാ​ണ്. അ​രും​കൊ​ല​യു​ടെ വാ​ർ​ത്ത​യി​ൽ നാ​ട് ത​രി​ച്ചു​നി​ൽ​ക്കു​ന്ന​തി​നി​ടെ​യാ​യി​രു​ന്നു മൃ​ത​ദേ​ഹം അ​ട്ട​പ്പാ​ടി ചു​ര​ത്തി​ൽ ഉ​പേ​ക്ഷി​ച്ച​താ​യി കൂ​ട്ടു​പ്ര​തി ചി​ക്കു എ​ന്ന ആ​ഷി​ഖ് മൊ​ഴി ന​ൽ​കി​യ​ത്. ഇ​തേ​ത്തു​ട​ർ​ന്ന് വ്യാ​ഴാ​ഴ്ച രാ​ത്രി​ത​ന്നെ ചു​ര​ത്തി​ൽ പൊ​ലീ​സ് നി​രീ​ക്ഷ​ണം ക​ർ​ശ​ന​മാ​ക്കി​യി​രു​ന്നു.

പ്ര​തി​യു​ടെ മൊ​ഴി​യ​നു​സ​രി​ച്ച് ചു​രം​റോ​ഡി​ലെ ഒ​മ്പ​താം വ​ള​വി​ൽ പു​ല​ർ​ച്ച അ​ഞ്ച​ര​യോ​ടെ​യാ​ണ് തി​ര​ച്ചി​ൽ തു​ട​ങ്ങി​യ​ത്. അ​ധി​കം വൈ​കാ​തെ റോ​ഡി​ൽ​നി​ന്ന് 50 അ​ടി​യോ​ളം താ​ഴെ​യു​ള്ള നീ​ർ​ച്ചാ​ലി​ൽ ര​ണ്ട് ട്രോ​ളി ബാ​ഗു​ക​ളി​ലാ​യി വെ​ട്ടി​നു​റു​ക്കി​യ മൃ​ത​ദേ​ഹം ക​​ണ്ടെ​ത്തി. വീ​ഴ്ച​യു​ടെ ആ​ഘാ​ത​ത്തി​ൽ സി​ബു​ക​ൾ വേ​ർ​പെ​ട്ട ബാ​ഗു​ക​ളി​ൽ​നി​ന്ന് അ​വ​യ​വ​ങ്ങ​ൾ ത​ള്ളി​നി​ൽ​ക്കു​ന്നു​ണ്ടാ​യി​രു​ന്നു. മൃ​ത​ദേ​ഹ​ത്തി​ന് ദി​വ​സ​ങ്ങ​ൾ പ​ഴ​ക്ക​മു​ള്ള​തി​നാ​ൽ വെ​ള്ള​ത്തി​ൽ കു​തി​ർ​ന്ന ബാ​ഗു​ക​ളി​ൽ​നി​ന്ന് ദു​ർ​ഗ​ന്ധം വ​മി​ച്ചി​രു​ന്നു.

മ​ല​പ്പു​റം എ​സ്.​പി സു​ജി​ത് ദാ​സ് സം​ഭ​വ സ്ഥ​ല​ത്തെ​ത്തു​ക​യും മൃ​ത​ശ​രീ​ര​മ​ട​ങ്ങി​യ പെ​ട്ടി​ക​ൾ മു​ക​ളി​ലെ​ത്തി​ക്കാ​ൻ തു​ട​ർ​ന്ന് പൊ​ലീ​സ് ഫ​യ​ർ​ഫോ​ഴ്സി​ന്റെ സ​ഹാ​യം തേ​ടു​ക​യും ചെ​യ്തു. പു​ല​ർ​ച്ച 6.30ഓ​ടെ മ​ണ്ണാ​ർ​ക്കാ​ട് ഫ​യ​ർ​സ്റ്റേ​ഷ​ൻ അ​ധി​കൃ​ത​രെ​ത്തി വ​ടം കെ​ട്ടി​യി​റ​ങ്ങി​യാ​ണ് ബാ​ഗു​ക​ൾ പ്ലാ​സ്റ്റി​ക് ഷീ​റ്റി​ൽ പൊ​തി​ഞ്ഞ് ക​യ​ർ വ​ഴി മു​ക​ളി​ലെ​ത്തി​ച്ച​ത്. ഇ​തി​നി​ടെ വാ​ർ​ത്ത​യ​റി​ഞ്ഞ് ചു​ര​ത്തി​ൽ ജ​നം​ത​ടി​ച്ചു​കൂ​ടി​യി​രു​ന്നു. മ​രി​ച്ച സി​ദ്ദീ​ഖി​ന്റെ കു​ടും​ബാം​ഗ​ങ്ങ​ളും മൃ​ത​ദേ​ഹം കൊ​ക്ക​യി​ൽ​നി​ന്ന് എ​ടു​ക്കു​ന്ന​തി​ന് ദൃ​ക്സാ​ക്ഷി​ക​ളാ​യി.

സം​ഭ​വ​ദി​വ​സം പ്ര​തി​ക​ളു​ടെ കാ​ർ ക​ട​ന്നു​പോ​കു​ന്ന​തി​ന്റെ ദൃ​ശ്യ​ങ്ങ​ൾ ആ​ന​മൂ​ളി​യി​ലെ പെ​ട്രോ​ൾ പ​മ്പി​ലെ കാ​മ​റ​യി​ൽ​നി​ന്ന് ക​ണ്ടെ​ത്തി​യി​ട്ടു​ണ്ട്. ഏ​താ​നും മ​ണി​ക്കൂ​റു​ക​ൾ​ക്ക​കം പ്ര​തി​ക​ൾ അ​തേ​വ​ഴി​യെ ത​ന്നെ തി​രി​ച്ചു​പോ​യ​താ​യും പൊ​ലീ​സ് സ്ഥി​രീ​ക​രി​ച്ചി​ട്ടു​ണ്ട്. ഇ​തേ വ​ഴി​ത​ന്നെ ചെ​​ന്നൈ​യി​ലേ​ക്ക് പോ​കാ​മെ​ന്നി​രി​ക്കെ ഇ​വ​ർ തി​രി​ച്ചു​പോ​യ​ത് അ​ട​ക്ക​മു​ള്ള കാ​ര്യ​ങ്ങ​ളി​ൽ കൂ​ടു​ത​ൽ വ്യ​ക്ത​ത വ​രു​ത്ത​ണ​മെ​ങ്കി​ൽ പ്ര​തി​ക​ളെ വി​ശ​ദ​മാ​യി ചോ​ദ്യം ചെ​യ്യേ​ണ്ട​തു​ണ്ടെ​ന്ന് പൊ​ലീ​സ് അ​റി​യി​ച്ചു.