ഹോട്ടൽ ജീവനക്കാരൻ വഴിയരികിൽ മരിച്ച നിലയിൽ

അടിമാലി: ആനച്ചാൽ ടൗണിലെ ഹോട്ടൽ ജീവനക്കാരനെ വഴിയരികിൽ മരിച്ച നിലയിൽ കണ്ടെത്തി. ചെങ്കുളം പുത്തൻ പുരക്കൽ ചന്ദ്രനെ(46)യാണ് ചെങ്കുളം അണക്കെട്ടിനോട് ചേർന്ന് മരിച്ച നിലയിൽ കണ്ടെത്തിയത്.

ബൈക്കിൽനിന്ന് വീണ് മരിച്ചതാണെന്നാണ് പൊലീസ് നിഗമനം. റോഡിൽ തലയിടിച്ചുണ്ടായ പരിക്കാണ് മരണ കാരണമെന്ന് പൊലീസ് പറഞ്ഞു. ചൊവ്വാഴ്ച രാത്രി ചന്ദ്രൻ മറ്റൊരാളുടെ ബൈക്കിൽ കയറി പോകുന്നത് കണ്ടവരുണ്ട്. ഇയാളെ കുറിച്ച് വിവരം ലഭിച്ചതയി പൊലീസ് പറഞ്ഞു. ഇടുക്കി മെഡിക്കൽ കോളജിൽ പോസ്റ്റുമോർട്ടം നടത്തി. വെള്ളത്തൂവൽ പൊലീസ് മേൽ നടപടി സ്വീകരിച്ചു.