തിളപ്പിച്ചാറിയ വെള്ളം നൽകാത്ത ഹോട്ടലുകൾക്ക് പിടിവീഴും

കൊ​ച്ചി: സം​സ്ഥാ​ന​ത്ത് എ​ലി​പ്പ​നി പ​ട​രു​ന്ന സാ​ഹ​ച​ര്യ​ത്തി​ൽ കു​ടി​വെ​ള്ള പ​രി​ശോ​ധ​ന ക​ർ​ശ​ന​മാ​ക്കാ​ൻ ഭ​ക്ഷ്യ​സു​ര​ക്ഷ​വ​കു​പ്പ്. ഹോ​ട്ട​ലു​ക​ളി​ലും ത​ട്ടു​ക​ട​ക​ളി​ലും തി​ള​പ്പി​ച്ചാ​റി​യ വെ​ള്ളം മാ​ത്രം ന​ൽ​കാ​ൻ അ​ധി​കൃ​ത​ർ നി​ർ​ദേ​ശം ന​ൽ​കി. പ്ര​ള​യ​ശേ​ഷം മി​ക്ക കു​ടി​വെ​ള്ള സ്രോ​ത​സ്സു​ക​ളും മ​ലി​ന​മാ​ണ്.

വീ​ടു​ക​ളി​ലെ​യും മ​റ്റും കു​ടി​വെ​ള്ള സ്രോ​ത​സ്സു​ക​ൾ ആ​രോ​ഗ്യ​വ​കു​പ്പി​​െൻറ നേ​തൃ​ത്വ​ത്തി​ൽ ക്ലോ​റി​നേ​ഷ​ൻ ചെ​യ്ത് ശു​ദ്ധീ​ക​രി​ച്ചി​ട്ടു​ണ്ട്. എ​ന്നാ​ൽ, ടാ​ങ്ക​റു​ക​ളി​ൽ ഹോ​ട്ട​ലു​ക​ളി​ലേ​ത​ട​ക്കം കൊ​ണ്ടു​വ​രു​ന്ന വെ​ള്ള​ത്തി​​െൻറ സ്രോ​ത​സ്സു​ക​ൾ പ​ല​തും ഇ​പ്പോ​ഴും മ​ലി​ന​മാ​ണ്. അ​തി​നാ​ൽ ഹോ​ട്ട​ലു​ക​ളി​ൽ എ​ത്തു​ന്ന കു​ടി​വെ​ള്ള​ത്തി​​​െൻറ ഗു​ണ​നി​ല​വാ​രം ഉ​റ​പ്പാ​ക്കാ​ൻ ഉ​ട​മ​ക​ളോ​ട് നി​ർ​ദേ​ശി​ച്ചി​ട്ടു​ണ്ട്.

പ​രി​ശോ​ധ​ന​ഫ​ല​ത്തി​​െൻറ പ​ക​ർ​പ്പും ഹോ​ട്ട​ലു​ക​ളി​ൽ സൂ​ക്ഷി​ക്ക​ണം. ഭ​ക്ഷ്യ​സു​ര​ക്ഷ ഉ​ദ്യോ​ഗ​സ്ഥ​ർ എ​ത്തു​മ്പോ​ൾ ഇ​ത്​ കാ​ണി​ക്ക​ണം. ഗു​രു​ത​ര​പ്ര​ശ്ന​ങ്ങ​ൾ ക​ണ്ടെ​ത്തു​ന്ന വെ​ള്ള​ത്തി​​െൻറ സാ​മ്പി​ളു​ക​ൾ ഉ​ദ്യോ​ഗ​സ്ഥ​രെ​ത്തി പ​രി​ശോ​ധ​ന​ക്ക് അ​യ​ക്കും.

ഹോ​ട്ട​ലു​ക​ൾ​ക്ക് പു​റ​മെ ജ്യൂ​സ് ക​ട​ക​ൾ ന​ട​ത്തു​ന്ന​വ​രും കു​ടി​വെ​ള്ളം ശു​ദ്ധ​മാ​ണെ​ന്ന് ഉ​റ​പ്പാ​ക്ക​ണം. എ​ലി​പ്പ​നി മ​ലി​ന ജ​ല​ത്തി​ലൂ​ടെ പ​ക​രു​ന്ന​തി​നാ​ൽ അ​തി​ജാ​ഗ്ര​ത​യാ​ണ് എ​ടു​ത്തി​ട്ടു​ള്ള​തെ​ന്ന് ഭ​ക്ഷ്യ​സു​ര​ക്ഷ​വ​കു​പ്പ് ഉ​ദ്യോ​ഗ​സ്ഥ​ർ അ​റി​യി​ച്ചു. തി​ള​പ്പി​ച്ചാ​റി​യ വെ​ള്ളം ന​ൽ​കു​ന്ന​തി​ൽ വീ​ഴ്ച​വ​രു​ത്തി​യാ​ൽ ക​ർ​ശ​ന ന​ട​പ​ടി​യെ​ടു​ക്കും.