Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightആശുപത്രി ഓർഡിനൻസ്:...

ആശുപത്രി ഓർഡിനൻസ്: ‘വാക്കാലുള്ള അപമാന’ത്തിന് മൂന്നുമാസം തടവ്

text_fields
bookmark_border
doctor
cancel

തി​രു​വ​ന​ന്ത​പു​രം: ആ​രോ​ഗ്യ​പ്ര​വ​ർ​ത്ത​ക​ർ​ക്കെ​തി​രെ ‘വാ​ക്കാ​ലു​ള്ള അ​പ​മാ​ന​വും’ മൂ​ന്നു​മാ​സം വ​രെ ത​ട​വു​ശി​ക്ഷ ല​ഭി​ക്കാ​വു​ന്ന കു​റ്റം. ആ​ശു​പ​ത്രി സം​ര​ക്ഷ​ണ നി​യ​മം ഭേ​ദ​ഗ​തി ചെ​യ്തു​ള്ള ഓ​ർ​ഡി​ന​ൻ​സി​ലാ​ണ് ഇ​ക്കാ​ര്യം പ​രാ​മ​ർ​ശി​ക്കു​ന്ന​ത്. ഓ​ർ​ഡി​ന​ൻ​സ് പു​റ​ത്തി​റ​ക്കി​യ ഘ​ട്ട​ത്തി​ൽ മ​ന്ത്രി ന​ൽ​കി​യ വി​ശ​ദീ​ക​ര​ണ​ത്തി​ലോ മു​ഖ്യ​മ​ന്ത്രി​യു​ടെ ഓ​ഫി​സ്​ ന​ൽ​കി​യ വാ​ർ​ത്താ​കു​റി​പ്പി​ലോ ഇ​ക്കാ​ര്യം പ​രാ​മ​ർ​ശി​ച്ചി​രു​ന്നി​ല്ല. ക​ഴി​ഞ്ഞ​ദി​വ​സം ഗ​വ​ർ​ണ​ർ ഒ​പ്പു​വെ​ച്ച​ശേ​ഷം ഓ​ർ​ഡി​ന​ൻ​സ് പു​റ​ത്തി​റ​ങ്ങി​യ​പ്പോ​ഴാ​ണ് ഇ​ക്കാ​ര്യം വ്യ​ക്ത​മാ​യ​ത്.

‘വാ​ക്കാ​ലു​ള്ള അ​പ​മാ​ന​മെ​ന്നാ​ൽ അ​ധി​ക്ഷേ​പി​ക്ക​ണ​മെ​ന്നോ അ​വ​ഹേ​ളി​ക്ക​ണ​മെ​ന്നോ ത​രം​താ​ഴ്ത്ത​ണ​മെ​ന്നോ ഉ​ള്ള ഉ​ദ്ദേ​ശ്യ​ത്തോ​ടെ ഉ​പ​യോ​ഗി​ക്കു​ന്ന വാ​ക്കു​ക​ൾ’ എ​ന്നാ​ണ് ഓ​ർ​ഡി​ന​ൻ​സി​ൽ പ​റ​ഞ്ഞി​രി​ക്കു​ന്ന​ത്. ഇ​ത്ത​ര​ത്തി​ലു​ള്ള കു​റ്റ​ത്തി​ന് മൂ​ന്നു​മാ​സം​വ​രെ ത​ട​വി​നും അ​ല്ലെ​ങ്കി​ൽ 10,000 രൂ​പ​വ​രെ പി​ഴ​ക്കും അ​ല്ലെ​ങ്കി​ൽ ഇ​വ ര​ണ്ടി​നും​കൂ​ടി ശി​ക്ഷി​ക്ക​പ്പെ​ടാം.ആ​രോ​ഗ്യ​പ്ര​വ​ർ​ത്ത​ക​ർ​ക്ക് നേ​രെ​യു​ള്ള ആ​ക്ര​മ​ണ​വും ആ​ക്ര​മ​ണ​ത്തി​ന് പ്രേ​രി​പ്പി​ക്ക​ലു​മാ​ണ് ത​ട​വും പി​ഴ​യും കി​ട്ടാ​വു​ന്ന കു​റ്റ​ങ്ങ​ളി​ൽ ഉ​ൾ​പ്പെ​ടു​ത്തി​യി​രു​ന്ന​താ​യി മ​ന്ത്രി​സ​ഭ യോ​ഗ​ത്തി​ന് ശേ​ഷ​മു​ള്ള കു​റി​പ്പി​ൽ സൂ​ചി​പ്പി​ച്ചി​രു​ന്ന​ത്. അ​ക്ര​മം ന​ട​ത്തു​ക​യോ അ​ക്ര​മ​ത്തി​ന് ശ്ര​മി​ക്കു​ക​യോ പ്രേ​രി​പ്പി​ക്കു​ക​യോ പ്ര​ചോ​ദ​നം ന​ൽ​കു​ക​യോ ചെ​യ്താ​ൽ ആ​റു മാ​സ​ത്തി​ൽ കു​റ​യാ​തെ​യും പ​ര​മാ​വ​ധി അ​ഞ്ചു​വ​ർ​ഷം വ​രെ​യും ത​ട​വ് കി​ട്ടാ​മെ​ന്ന​താ​യി​രു​ന്നു ഭേ​ദ​ഗ​തി. ഒ​പ്പം കു​റ​ഞ്ഞ​ത് 50,000 രൂ​പ​യും പ​ര​മാ​വ​ധി ര​ണ്ട് ല​ക്ഷം രൂ​പ​വ​രെ​യും പി​ഴ വി​ധി​ക്കാം. ആ​രോ​ഗ്യ പ്ര​വ​ർ​ത്ത​ക​ർ​ക്കെ​തി​രെ​യു​ള്ള ക​ഠി​ന​മാ​യ ദേ​ഹോ​പ​ദ്ര​വ​ത്തി​നാ​ക​ട്ടെ ഒ​രു വ​ർ​ഷ​ത്തി​ൽ കു​റ​യാ​തെ​യും പ​ര​മാ​വ​ധി ഏ​ഴു​വ​ർ​ഷം വ​രെ​യും ത​ട​വ്. ഒ​പ്പം ല​ക്ഷം രൂ​പ​യി​ൽ കു​റ​യാ​തെ​യും പ​ര​മാ​വ​ധി അ​ഞ്ചു​ല​ക്ഷം രൂ​പ​വ​രെ പി​ഴ​യു​മെ​ന്നാ​യി​രു​ന്നു ഇ​തു​വ​രെ​യു​ള്ള വി​ശ​ദീ​ക​ര​ണം. ഇ​തി​ന് പു​റ​മെ​യാ​ണ് ദു​രു​പ​യോ​ഗ സാ​ധ്യ​ത ഏ​റെ​യു​ള്ള വാ​ക്കാ​ലു​ള്ള അ​പ​മാ​നം ഉ​ൾ​പ്പെ​ടു​ത്തി​യി​രി​ക്കു​ന്ന​ത്.

സു​ര​ക്ഷ ജീ​വ​ന​ക്കാ​രെ ആ​രോ​ഗ്യ​പ്ര​വ​ർ​ത്ത​ക​രി​ൽ ഉ​ൾ​പ്പെ​ടു​ത്തി​യാ​ണ് പു​തി​യ നി​യ​മ​ഭേ​ദ​ഗ​തി. പാ​ർ​ക്കി​ങ് മു​ത​ൽ പ്ര​വേ​ശ​നം വി​ല​ക്കു​ന്ന​തു​വ​രെ​യു​ള്ള കാ​ര​ണ​ങ്ങ​ളു​ടെ പേ​രി​ൽ സു​ര​ക്ഷ ജീ​വ​ന​ക്കാ​രു​മാ​യു​ള്ള അ​ഭി​പ്രാ​യ വ്യ​ത്യാ​സ​ങ്ങ​ളും ത​ർ​ക്ക​ങ്ങ​ളും പ​തി​വാ​ണ്. ഇ​ത്ത​രം സാ​ധാ​ര​ണ ത​ർ​ക്ക​ങ്ങ​ൾ​പോ​ലും വാ​ക്കാ​ലു​ള്ള അ​പ​മാ​ന​ത്തി​ൽ പ​രി​ഗ​ണി​ക്ക​പ്പെ​ടു​ന്ന​തോ​ടെ സാ​ധാ​ര​ണ​ക്കാ​രാ​യ രോ​ഗി​ക​ളും കൂ​ട്ടി​രി​പ്പു​കാ​രു​മാ​ണ് ശി​ക്ഷി​ക്ക​പ്പെ​ടു​ക.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:imprisonmentHospital Ordinance'verbal abuse'
News Summary - Hospital Ordinance: Three months imprisonment for 'verbal abuse'
Next Story