മ​ഴ മു​ന്ന​റി​യി​പ്പി​ല്‍ പ്ര​തീ​ക്ഷ: വൈദ്യുതി നിയന്ത്രണം ഉടനില്ല -മന്ത്രി

തി​രു​വ​ന​ന്ത​പു​രം: വൈ​ദ്യു​തി നി​യ​ന്ത്ര​ണം ഏ​ര്‍പ്പെ​ടു​ത്തേ​ണ്ടി​വ​രു​മെ​ന്ന കെ.​എ​സ്.​ഇ.​ബി വാ​ദം ത​ള്ളി വൈ​ദ്യു​തി മ​ന്ത്രി കെ. ​കൃ​ഷ്ണ​ന്‍കു​ട്ടി. നി​ല​വി​ലെ മ​ഴ മു​ന്ന​റി​യി​പ്പി​ല്‍ പ്ര​തീ​ക്ഷ​യു​ള്ള​തി​നാ​ല്‍ നി​യ​ന്ത്ര​ണം ഉ​ട​ന്‍ ഏ​ര്‍പ്പെ​ടു​ത്തി​ല്ലെ​ന്നും ഉ​പ​ഭോ​ക്താ​ക്ക​ള്‍ വൈ​ദ്യു​തി ഉ​പ​യോ​ഗം സ്വ​യം നി​യ​ന്ത്രി​ക്ക​ണ​മെ​ന്നും മ​ന്ത്രി ആ​വ​ശ്യ​പ്പെ​ട്ടു. ഡാ​മു​ക​ളി​ല്‍ ജ​ല​നി​ര​പ്പ് കു​റ​ഞ്ഞ​ത് ഉ​ല്‍പാ​ദ​ന​ത്തെ ബാ​ധി​ച്ചി​ട്ടു​ണ്ട്. 48 ശ​ത​മാ​നം മ​ഴ​യു​ടെ കു​റ​വാ​ണ് അ​നു​ഭ​വ​പ്പെ​ടു​ന്ന​ത്. വൈ​കു​ന്നേ​രം ഗ്രൈ​ൻ​ഡ​റും വാ​ഷി​ങ് മെ​ഷീ​നും ഉ​പ​യോ​ഗി​ക്കാ​തെ​യി​രു​ന്നാ​ൽ ത​ന്നെ വ​ലി​യ മാ​റ്റ​മു​ണ്ടാ​ക്കാ​നാ​കും. പ​വ​ര്‍ക​ട്ടോ ലോ​ഡ്ഷെ​ഡി​ങ്ങോ ത​ൽ​ക്കാ​ലം പ​രി​ഗ​ണ​ന​യി​ലി​ല്ല. മ​ഴ​ക്കു​റ​വി​നൊ​പ്പം വൈ​ദ്യു​തി വി​നി​യോ​ഗ നി​യ​ന്ത്ര​ണം അ​ട​ക്കം വി​ല​യി​രു​ത്താ​ൻ സെ​പ്റ്റം​ബ​ര്‍ നാ​ലി​ന് വീ​ണ്ടും അ​വ​ലോ​ക​ന​യോ​ഗം ചേ​രു​മെ​ന്നും മ​ന്ത്രി വ്യ​ക്ത​മാ​ക്കി.

വൈ​ദ്യു​തി നി​യ​ന്ത്ര​ണം ഒ​ഴി​വാ​ക്കാ​ന്‍ ഉ​പ​യോ​ഗം കു​റ​യ്ക്ക​ണ​മെ​ന്ന് കെ.​എ​സ്.​ഇ.​ബി​യും അ​ഭ്യ​ർ​ഥി​ച്ചി​രു​ന്നു. വൈ​കീ​ട്ട് ആ​റ് മു​ത​ല്‍ രാ​ത്രി 11 വ​രെ വൈ​ദ്യു​തി ഉ​പ​യോ​ഗം കു​റ​യ്ക്ക​ണ​മെ​ന്നാ​ണ് ആ​വ​ശ്യം. സം​സ്ഥാ​ന​ത്ത് സെ​പ്റ്റം​ബ​ർ നാ​ലു​വ​രെ വൈ​ദ്യു​തി നി​യ​ന്ത്ര​ണം ഉ​ണ്ടാ​കി​ല്ലെ​ന്ന് നേ​ര​ത്തെ മു​ഖ്യ​മ​ന്ത്രി​യു​ടെ നേ​തൃ​ത്വ​ത്തി​ൽ ചേ​ർ​ന്ന ഉ​ന്ന​ത​ത​ല​യോ​ഗം തീ​രു​മാ​ന​മെ​ടു​ത്തി​രു​ന്നു. പു​റ​ത്തു​നി​ന്നും വൈ​ദ്യു​തി വാ​ങ്ങി പ്ര​തി​സ​ന്ധി പ​രി​ഹ​രി​ക്കു​ന്ന​ത് തു​ട​രാ​നാ​ണ് തീ​രു​മാ​നം. അ​തേ​സ​മ​യം അ​ടു​ത്ത മാ​സ​വും വൈ​ദ്യു​തി​ക്ക് സ​ർ​ചാ​ർ​ജ് ഈ​ടാ​ക്കും. യൂ​നി​റ്റി​ന്​ ആ​കെ 19 പൈ​സ ആ​ണ് സ​ർ​ചാ​ർ​ജ് ഈ​ടാ​ക്കു​ന്ന​ത്. കെ.​എ​സ്.​ഇ.​ബി നി​ശ്ച​യി​ച്ച സ​ർ​ചാ​ർ​ജ് 10 പൈ​സ​യും റെ​ഗു​ലേ​റ്റ​റി ക​മീ​ഷ​ൻ ന​വം​ബ​ർ വ​രെ നി​ശ്ച​യി​ച്ച ഒ​മ്പ​ത് പൈ​സ​യും ചേ​ർ​ത്താ​ണ് 19 പൈ​സ ഈ​ടാ​ക്കു​ക.