ഹുദ്​ഹുദ്​ നാട്ടിലുണ്ട്​, പക്ഷിനിരീക്ഷകർക്ക്​ നല്ലകാലം

കൊ​ച്ചി: ഹു​ദ്​​ഹു​ദ്​ എ​ന്ന്​ വി​ളി​പ്പേ​രു​ള്ള യു​റേ​ഷ്യ​ൻ ഹൂ​പി​നെ ചു​റ്റു​വ​ട്ട​ത്ത്​ ക​ണ്ടി​ട്ടു​ണ്ടോ?. യൂ​റോ​പ്പ്, ​വ​ട​ക്ക​നേ​ഷ്യ​ൻ രാ​ജ്യ​ങ്ങ​ളി​ലെ മ​ഞ്ഞു​കാ​ല​ത്തി​ൽ​നി​ന്ന്​ ര​ക്ഷ​തേ​ടി കേ​ര​ള​ത്തി​​ൽ​ വി​രു​ന്നു​കാ​രാ​യി എ​ത്തി​യ​താ​ണ്​​ തൂ​വ​ൽ​കി​രീ​ടം വെ​ച്ച ഹൂ​പ്​ പ​ക്ഷി​ക​ൾ. പ​ശ്ചി​മ​ഘ​ട്ട​ത്തി​ൽ സാ​ധാ​ര​ണ​യാ​യി എ​ത്തി​യി​രു​ന്ന ഇ​വ ഇ​ക്കു​റി പെ​രു​മ്പാ​വൂ​രും ആ​ല​പ്പു​ഴ​യു​മ​ട​ക്കം പ​ല​ഭാ​ഗ​ങ്ങ​ളി​ലും ക​ണ്ടു.

ഇ​സ്രാ​യേ​ലി​െൻറ ദേ​ശീ​യ​പ​ക്ഷി​യാ​യ ചു​വ​പ്പു​ക​ല​ർ​ന്ന ഓ​റ​ഞ്ച്​ നി​റ​മു​ള്ള ഇ​വ​യു​ടെ ചി​റ​കി​ലും വാ​ലി​ലും വെ​ളു​പ്പും ക​റു​പ്പും ഇ​ട​വി​ട്ട വ​ര​ക​ളു​ണ്ട്. ചി​ത്ര​ശ​ല​ഭ​ത്തി​​േ​ൻ​റ​തു​പോ​ലെ മ​നോ​ഹ​ര ചി​റ​കു​ക​ൾ വി​ട​ർ​ത്തി പ​റ​ന്നെ​ത്തി​യ ഇ​വ​യെ​ പ​ക്ഷെ, നാ​ട്ടി​ലെ കാ​ക്ക​ക​ൾ​ക്ക്​ അ​ത്ര പി​ടി​ച്ചി​ട്ടി​ല്ല. മി​ക്ക​വാ​റും പ​ക്ഷി​ക​ളെ കൊ​ത്തി​യോ​ടി​ക്കും. ഹൂ​പി​െൻറ നീ​ണ്ടു​മെ​ലി​ഞ്ഞ കൊ​ക്കി​െൻറ അ​റ്റം വ​ള​ഞ്ഞ​താ​ണ്. തു​റ​സ്സാ​യ കാ​ടു​ക​ളി​ലും കൃ​ഷി​യി​ട​ങ്ങ​ളി​ലും ഇ​റ​ങ്ങി മ​ണ്ണി​ൽ​നി​ന്ന്​ കീ​ട​ങ്ങ​ളെ​യാ​ണ്​ ഇ​വ ഭ​ക്ഷി​ക്കു​ന്ന​ത്.

ഇ​വ​യെ​ക്കൂ​ടാ​തെ ആ​യി​ര​ക്ക​ണ​ക്കി​ന്​ കി​ലോ​മീ​റ്റ​റു​ക​ൾ പ​റ​ന്ന്​ കേ​ര​ള​ത്തി​ലേ​ക്ക്​ അ​നേ​കം ദേ​ശാ​ട​ന​ക്കി​ളി​ക​ൾ വ​ന്നു​തു​ട​ങ്ങി​യി​ട്ടു​ണ്ട്. ശീ​ത​കാ​ലം ഭൂ​മ​ധ്യ​രേ​ഖ പ്ര​ദേ​ശ​ത്ത്​ ക​ഴി​ച്ചു​കൂ​ട്ടു​ന്ന നാ​ക​മോ​ഹ​നാ​ണ്​ മ​റ്റൊ​ന്ന്. ജ​നു​വ​രി, ഫെ​ബ്രു​വ​രി മാ​സ​ങ്ങ​ളി​ലാ​ണ്​ സാ​ധാ​ര​ണ കേ​ര​ള​ത്തി​ൽ ക​ണ്ടു​വ​രു​ന്ന​ത്. ഇ​ക്കു​റി നേ​ര​ത്തേ എ​ത്തി. വെ​ള്ളാ​യ​ണി, ത​​ട്ടേ​ക്കാ​ട്, അ​ഷ്​​ട​മു​ടി, ശാ​സ്​​താം​കോ​ട്ട, വേ​മ്പ​നാ​ട്​-​കു​ട്ട​നാ​ട്, തൃ​ശൂ​ർ കോ​ൾ​നി​ല​ങ്ങ​ൾ, ക​ട​ലു​ണ്ടി, ക​ണ്ണൂ​ർ കാ​ട്ടാ​മ്പ​ള്ളി എ​ന്നി​വ​യാ​ണ്​ ദേ​ശാ​ട​ന​ക്കി​ളി​ക​ളു​ടെ ഇ​ഷ്​​ട​കേ​ന്ദ്ര​ങ്ങ​ൾ.

പ​രു​ന്തു​ക​ളി​ലെ സു​ന്ദ​ര​നാ​യ 'വെ​ള്ള​ക്ക​റു​പ്പ​ൻ മേ​ടു​ത​പ്പി' (പൈ​ഡ്​ ഹാ​രി​യ​ർ) തൃ​ശൂ​രി​ലെ കോ​ൾ​പാ​ട​ങ്ങ​ളി​ൽ കാ​ഴ്​​ച​ക്ക്​ വി​രു​ന്നേ​കു​ന്നു. വ​ട​ക്കു​കി​ഴ​ക്ക​ൻ ഏ​ഷ്യ​യി​ലും അ​സ​മി​ലും പ്ര​ജ​ന​നം ന​ട​ത്തി കേ​ര​ള​ത്തി​ലേ​ക്ക്​ എ​ത്തി​യ​താ​ണ്​ പൈ​ഡ് ഹാ​രി​യ​ർ.

ഒ​ക്ടോ​ബ​റി​ൽ പ​ക്ഷി നി​രീ​ക്ഷ​ക​ൻ സി​ഗ്​​ന​ൻ വ​ർ​ഗീ​സ്​ വെ​ള്ള​ക്ക​റു​പ്പ​ൻ മേ​ടു​ത​പ്പി​യെ കാ​മ​റ​യി​ലാ​ക്കി​യി​രു​ന്നു. മം​ഗോ​ളി​യ​ൻ മ​ണ​ൽ​കോ​ഴി, ത​വി​ട്ടു​ത​ല​യ​ൻ ക​ട​ൽ​കാ​ക്ക എ​ന്നി​വ​യൊ​ക്കെ എ​ത്തി​യി​ട്ടു​ണ്ട്. 152 ഇ​നം ദേ​ശാ​ട​ന​പ്പ​ക്ഷി​ക​ൾ കേ​ര​ള​ത്തി​ൽ എ​ത്തു​ന്നു​ണ്ടെ​ന്നാ​ണ്​ ക​ണ​ക്ക്. ഇ​തി​ൽ 80 ഇ​ന​വും ജ​ല​പ​ക്ഷി​ക​ളാ​ണ്. ജ​നു​വ​രി, ഫെ​ബ്രു​വ​രി മാ​സ​ങ്ങ​ളോ​ടെ വ​ര​വ്​ പൂ​ർ​ണ​മാ​കും.