ഭാര്യാ വീട്ടുകാർ തട്ടിക്കൊണ്ടു പോയ നവവരൻ കൊല്ലപ്പെട്ട നിലയിൽ

പുനലൂർ/കോട്ടയം: പ്രണയ വിവാഹശേഷം വധുവി​​െൻറ ബന്ധുക്കളടങ്ങുന്ന സംഘം വീട് ആക്രമിച്ച് തട്ടിക്കൊണ്ടുവന്ന നവവര​െന കൊലപ്പെടുത്തി ആറ്റിൽ തള്ളിയ സംഭവം ദുരഭിമാനക്കൊല. കോട്ടയം നട്ടാശ്ശേരി എസ്.എച്ച്. മൗണ്ട് നട്ടാശേരി വട്ടപ്പാറ വീട്ടിൽ വാടകക്ക്​ താമസിക്കുന്ന ജോസഫി​​​െൻറ (രാജൻ) മകൻ കെവിൻ പി. ജോസഫാണ് (23) കൊല്ലപ്പെട്ടത്. മൃതദേഹം പുനലൂർ ചാലിയക്കര ആറ്റിലെ പത്തുപറ ഭാഗത്ത് കണ്ടെത്തി. നിരവധി പരിക്കുകളുള്ള മൃതദേഹത്തി​​​െൻറ വലതുകണ്ണ് ഭാഗികമായി തകർന്നിരുന്നു. കെവിനെ കൊലപ്പെടുത്തി മൃതദേഹം ആറ്റിൽ തള്ളുകയായിരു​െന്നന്നാണ് പ്രാഥമിക നിഗമനം.

 കെവി​​​െൻറ ദലിത്​ പശ്ചാത്തലത്തെ തുടർന്ന് പെൺകുട്ടിയുടെ വീട്ടുകാർ വിവാഹത്തിൽനിന്ന്​ പിന്മാറാൻ നടത്തിയ ശ്രമം പരാജയപ്പെട്ടതാണ്​ ദുരഭിമാനക്കൊലയിലേക്ക്​ നയിച്ചതെന്നാണ്​ സൂചന. സംഘത്തിലെ മൂന്നുപേ​െരയും ഇവർ സഞ്ചരിച്ച കാറുടമയേയും അന്വേഷണ സംഘം കസ്​റ്റഡിയിലെടുത്തു. കാറുടമ ഇടമൺ സ്വദേശി ഇബ്രാഹീംകുട്ടി,  ഇടമൺ സ്വദേശി ഇഷാൻ ഇസ്മയിൽ, നിയാസ്​, റിയാസ് എന്നിവരാണ്​ കസ്​റ്റഡിയിലുള്ളത്​. നിയാസ്​, റിയാസ്​ എന്നിവരെ തമിഴ്​നാട്ടിൽനിന്നാണ്​ കസ്​റ്റഡിയിലെടുത്തത്​. സംഘത്തിലെ മറ്റുള്ളവർ ഒളിവിലാണ്.

തെന്മല ഒറ്റക്കൽ സാനുഭവനിൽ ചാക്കോ-രഹന ദമ്പതികളുടെ മകൾ നീനുവി​​െൻറ (20) ഭർത്താവാണ് കൊല്ലപ്പെട്ട കെവിൻ. ഇലക്ട്രീഷ്യനായ െകവിനും കോട്ടയത്ത് ഫാർമസ്യൂട്ടിക്കൽ കോഴ്സ് അവസാന വർഷ വിദ്യാർഥിയായ നീനുവും പ്രണയത്തിലായിരുന്നു. നീനു റോമൻ കത്തോലിക്ക വിഭാഗക്കാരിയാണ്​. സാമ്പത്തികമായി പിന്നാക്കം നില്‍ക്കുന്നവരും ചേരമര്‍ വിഭാഗത്തില്‍പെടുന്നവരുമായ കെവി​​​െൻറ കുടുംബം ക്രിസ്​തുമതം സ്വീകരിച്ചവരാണ്​. ഇരുവരെയും വിവാഹത്തിൽനിന്ന് പിന്മാറ്റാൻ നീനുവി​​െൻറ കുടുംബം ശ്രമിച്ചെങ്കിലും വിജയിച്ചില്ല. തുടർന്ന് മറ്റൊരു വിവാഹത്തിന്​ വീട്ടുകാർ തീരുമാനിച്ചതോടെ കഴിഞ്ഞ വെള്ളിയാഴ്ച ഏറ്റുമാനൂർ സബ് രജിസ്ട്രാർ ഓഫിസിൽ ഇവർ വിവാഹം രജിസ്​റ്റർ ചെയ്​തിരുന്നു. സംഭവം അറിഞ്ഞ് കോട്ടയത്തെത്തിയ നീനുവി​​െൻറ ബന്ധുക്കൾ നീനുവിനെ മോചിപ്പിച്ചുകൊണ്ടുവരാൻ ശ്രമിച്ചെങ്കിലും വിജയിച്ചില്ല. 

തുടർന്ന് ഇവരുടെ പരാതിയിൽ ഇരുവരെയും ഗാന്ധിനഗ‌ർ പൊലീസ്​ വിളിച്ചുവരുത്തി. വിവാഹ രേഖകൾ കാണിച്ചെങ്കിലും പിതാവിനൊപ്പം പോകാൻ പൊലീസ്​ യുവതിയെ നിർബന്ധിച്ചു. വിസമ്മതിച്ച പെൺകുട്ടിയെ ബന്ധുക്കൾ സ്​റ്റേഷൻ മുറ്റത്ത് വെച്ച് മർദിക്കുകയും വലിച്ചിഴച്ച്​ വാഹനത്തിൽ കയറ്റാൻ ശ്രമിക്കുകയും ചെയ്​തു. തുടർന്ന് കെവിനൊപ്പം ജീവിക്കാൻ താൽപര്യമെന്ന്​ അറിയിച്ച യ​ുവതിയെ അമലഗിരി ഹോസ്​റ്റലിലേക്ക്​ മാറ്റി.

എന്നാൽ, ഞായറാഴ്‌ച പുലർച്ച​ മാന്നാനം പള്ളിത്താഴത്തെ വീട്ടിൽ മൂന്നുവാഹനത്തിലായി എത്തിയ നീനുവി​​െൻറ സഹോദരൻ ഷാനു ചാക്കോയുടെ നേതൃത്വത്തിലുള്ള പത്തംഗ ക്വട്ടേഷൻ സംഘം കെവിനെയും അമ്മാവ​​​െൻറ മകനായ മാന്നാനം കളമ്പുകാട്ടുചിറ അനീഷ്​ സെബാസ്​റ്റ്യനെയും (30) തട്ടിക്കൊണ്ടുപോകുകയായിരുന്നു. തെന്മയിലേക്കുപോയ സംഘം ഇരുവരെയും ക്രൂരമായി മർദിച്ചു. പൊലീസ് ഇടപെടലിനെ തുടർന്ന് സംഘം ഞായറാഴ്​ച രാവിലെ 11ന്​ പത്തനാപുരം ഭാഗത്ത്​ അനീഷിനെ ഇറക്കിവിട്ടു. 
ഇതിനിടെ, അനീഷിനെയും കെവിനെയും കാണാനില്ലെന്ന്​ ബന്ധുക്കൾ ഗാന്ധിനഗർ പൊലീസിൽ പരാതിയുമായെത്തി. സ്​റ്റേഷനി​െലത്തിയ നീനുവിനോട്​ പൊലീസ്​ അപമര്യാദയായി പെരുമാറി. ജില്ലയിൽ  മുഖ്യമന്ത്രിയുടെ പരിപാടിയുണ്ട്​, അതി​​​െൻറ തിരക്കിലാണെന്നും അതുകഴിഞ്ഞുനോക്കാമെന്ന നിലപാടിലുമായിരുന്നു പൊലീസ്​. തുടർന്ന്​​ ആറുമണിക്കൂർ നീനു സ്​റ്റേഷനിൽ കുത്തിയിരുന്ന്​ പ്രതിഷേധിച്ചു. പിതാവ്​ ജോസഫിനോടും മോശമായാണ് പൊലീസ്​ പെരുമാറിയത്​. പിന്നീട്​ മാധ്യമങ്ങളുടെയും ജനപ്രതിനിധികളുടെയും ഇടപെടലിലാണ് ​ വൈക​ീ​േട്ടാടെ എഫ്​.​െഎ.ആർ രജിസ്​റ്റർ ചെയ്​ത്​ അന്വേഷണം ആരംഭിക്കാൻ പൊലീസ്​ തയാറായത്​.

ഗാന്ധിനഗർ പൊലീസ് അറിയിച്ചതിനെത്തുടർന്ന്​ സംഘം സഞ്ചരിച്ച കാറി​​​െൻറ ഉടമ  ഇബ്രാഹീംകുട്ടിയെ  തെന്മല പൊലീസ്​ ഞായറാഴ്ച രാത്രി കസ്​റ്റഡിയിലെടുത്തു. തുടർന്ന് ഗാന്ധിനഗർ പൊലീസെത്തി നീനുവി​​െൻറ ബന്ധുകൂടിയായ ഇഷാൻ ഇസ്മയിലിനെ കസ്​റ്റഡിയിലെടുത്തു. ഇയാളിൽനിന്നാണ് കെവി​​െൻറ മൃതദേഹം തള്ളിയയിടം സംബന്ധിച്ച്​ വിവരം ലഭിച്ചത്. തിങ്കളാഴ്ച രാവിലെ ഒമ്പതോടെ പൊലീസ് ആറ്റിൽനിന്ന്​ മൃതദേഹം കരയിലെത്തിച്ചു.

ഉച്ചക്ക് രണ്ടോടെ കെവി​​െൻറ ബന്ധുക്കൾ എത്തി മൃതദേഹം തിരിച്ചറിഞ്ഞു. തുടർന്ന് പുനലൂർ തഹസിൽദാർ പി. ഗിരീഷ്കുമാറി‍​​െൻറ മേൽനോട്ടത്തിൽ  പൊലീസ് ഇൻക്വസ്​റ്റ്​ നടത്തി പോസ്​റ്റ്​മോർട്ടത്തിനായി കോട്ടയം മെഡിക്കൽ കോളജ് ആശുപത്രിയിലേക്ക് മാറ്റി. കൊല്ലം റൂറൽ എസ്.പി ബി. അശോകൻ, പുനലൂർ ഡിവൈ.എസ്.പി അനിൽകുമാർ എന്നിവർ  നടപടികൾക്ക് നേതൃത്വം നൽകി. ഡോഗ്സ്ക്വാഡും ഫോറൻസിക് സംഘവും തെളിവെടുത്തു. കെവി‍​​െൻറ മാതാവ്​: മേരി (ഒാമന), സഹോദരി: കൃപ (സ്​കൂൾ മാസ്​റ്റർ ഒാഫിസ്,​ കോട്ടയം​).