Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഹണി ​ട്രാപ്പ്​​: രാഖി...

ഹണി ​ട്രാപ്പ്​​: രാഖി യുവാക്കളെ വലയിൽ വീഴ്​ത്തിയത്​ വ്യാജ ഫേസ്​ബുക്ക് ഐ.ഡിയുണ്ടാക്കി

text_fields
bookmark_border
couple arrest for honey trap
cancel
camera_alt

രാഖി, രതീഷ്​

ചെങ്ങന്നൂർ (ആലപ്പുഴ): ഹണി ട്രാപ്പ്​ കേസിൽ അറസ്റ്റിലായ ദമ്പതികളുടെ തട്ടിപ്പിനിരയായ നിരവധി പേർ ചെങ്ങന്നൂരിൽ പരാതികളുമായി എത്തുന്നു. ഹണി ട്രാപ്പിലൂടെ സ്വർണവും ഫോണും നഷ്​ടപ്പെട്ട ചേർത്തല സ്വദേശി വിവേകിനെ ഫേസ്​ബുക്കിലൂടെ സൗഹൃദം സ്ഥാപിച്ച് രാഖി ചെങ്ങന്നൂരിലെത്തിച്ചത് ഒന്നര മാസം കൊണ്ടാണ്​.

വിവേകി​െൻറ വിവാഹം കഴിഞ്ഞതും​ ഒന്നര മാസം മുമ്പായിരുന്നു​. വിവേകിന്‍റെ ജൂനിയറായി സ്കൂളിൽ പഠിച്ചതാണെന്നും കാണാൻ താൽപര്യമുണ്ടെന്നും പറഞ്ഞാണ് ഫേസ്​ബുക്കിലൂടെ രാഖി ചാറ്റിങ്​ നടത്തിയത്. ചെങ്ങന്നൂരിൽ ബന്ധുവിന്‍റെ വിവാഹ പാർട്ടിയുണ്ടെന്നും അവിടെവെച്ച്​ കാണണമെന്നും ഇവർ ആവശ്യപ്പെട്ടു.

തുടർന്ന് മാർച്ച്​ 18ന്​ ഉച്ചയോടെ വിവേക് ചെങ്ങന്നൂരിലെത്തി. അതിന് മുമ്പായി ചെങ്ങന്നൂർ ഗവ. ആശുപത്രിക്ക് സമീപമുള്ള ലോഡ്ജിൽ രാഖി ഭർത്താവ് രതീഷിനൊപ്പം എത്തി മുറിയെടുത്തിരുന്നു. ഇവിടേക്ക്​ വിളിച്ചുവരുത്തിയാണ്​​ മദ്യത്തിൽ മയക്കുമരുന്ന്​ നൽകി വിവേകിന്‍റെ സ്വർണവും പണവുമെല്ലാം അപഹരിച്ചത്​.

ശാരദ ബാബു, അമയ അയ്യർ തുടങ്ങിയ പല പേരുകളിൽ ഫേസ്ബുക്ക് വ്യാജ ഐ.ഡി തയാറാക്കിയാണ്​ മുളക്കുഴ സ്വദേശിയായ രാഖി ഇരകളെ വലയിലാക്കിയിരുന്നത്. ഭർത്താവ് രതീഷിനെയും കൂട്ടി ഹോട്ടലിൽ മുറിയെടുത്തശേഷം ഇരുവരും ചേർന്ന് പദ്ധതി തയാറാക്കും.

ഇരവലയിൽ വീണുവെന്നുറപ്പായ ശേഷം രതീഷ് തൽസ്ഥലത്തുനിന്നും പുറത്തേക്ക്​ പോകും. തുടർന്ന് ലഹരിമരുന്ന് കലർത്തിയ പാനീയം കുടിക്കുന്ന ഇര മയക്കത്തിലേക്ക് വീണു എന്ന് സ്ഥിരീകരിച്ചശേഷമാണ് ഭർത്താവിനെ വിളിച്ചുവരുത്തുക. പിന്നീട്​ മോഷണം നടത്തി സ്ഥലം വിടുകയാണ് പതിവ്.

രാഖിയും കുരമ്പാല സ്വദേശിയായ രതീഷും തമ്മിൽ പ്രണയവിവാഹമായിരുന്നു. പ്ലസ്ടു വിദ്യാഭ്യാസത്തിനുശേഷം മംഗലാപുരത്ത് ഫയർ ആൻഡ്​ സേഫ്റ്റി പഠിച്ചുകൊണ്ടിരിക്കുമ്പോഴാണ് അവിടെ ഹോട്ടൽ ജീവനക്കാരനായ രതീഷിനെ രാഖി പരിചയപ്പെടുന്നത്. തുടർന്ന് ഇരുവരും പ്രണയത്തിലാവുകയും വിവാഹിതരാവുകയും ചെയ്തു. പിന്നീട് ഇവർ നാഗർകോവിലിൽ വീട് വാടകക്ക്​ എടുത്ത്​ താമസിച്ചുവരികയായിരുന്നു.

രണ്ടുപേർക്കും ദീർഘകാലം വീട്ടുകാരുമായി ബന്ധമുണ്ടായിരുന്നില്ല. ഇതിനിടയിലാണ് ഫേസ് ബുക്കിലൂടെ ഹണിട്രാപ്പ്​ ആരംഭിക്കുന്നത്. എറണാകുളം, ഓച്ചിറ, മാവേലിക്കര സ്വദേശികളായ യുവാക്കളെ സമാനമായ രീതിയിൽ മയക്കുമരുന്ന്​ നൽകി സ്വർണാഭരണങ്ങളും പണവും വില കൂടിയ മൊബൈൽ ഫോണുകളും കവർന്നിട്ടുണ്ട്. തട്ടിപ്പിന് ഇരയായവർ ഞായറാഴ്​ച ചെങ്ങന്നൂർ പൊലീസ് സ്റ്റേഷനിൽ പരാതിയുമായി എത്തി. കൂടുതൽ പേർ ഇനിയും പരാതിയുമായി വരുമെന്നാണ്​ കരുതുന്നതെന്ന്​ പൊലീസ്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:arrestCrime NewsHoney Trap
News Summary - Honey Trap: Rakhi lures youths into fake Facebook ID
Next Story