Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമാവോവാദികളുടെ പേരിൽ...

മാവോവാദികളുടെ പേരിൽ ഭീഷണി; ഇരകളിൽ മുൻ മന്ത്രിമാരും

text_fields
bookmark_border
മാവോവാദികളുടെ പേരിൽ ഭീഷണി; ഇരകളിൽ മുൻ മന്ത്രിമാരും
cancel

കോഴിക്കോട്‌: പണമാവശ്യപ്പെട്ട്​ മാവോവാദികളുടെ പേരിൽ വ്യവസായികൾക്ക്​ ഭീഷണിക്കത്തയച്ച കേസിലെ പ്രതികൾ നേരത്തേയും നിരവധിപേരെ തട്ടിപ്പിനിരയാക്കി. ഇവരുടെ കെണിയിൽ കുടുങ്ങിയത്​ രണ്ടു കേന്ദ്രമന്ത്രിമാരടക്കം മൂന്നു​ മുൻമന്ത്രിമാരും വ്യവസായികളുമാണ്​. കേസിൽ അറസ്​റ്റിലായ പാറോപ്പടിയിലെ ഹബീബ്​ റഹ്​മാനെയും കട്ടിപ്പാറയിലെ ഷാജഹാനെയും കസ്​റ്റഡിയിൽ വാങ്ങി ചോദ്യംചെയ്​തപ്പോഴാണ്​ നിർണായക വിവരങ്ങൾ ലഭിച്ചത്​.

ഹബീബ്‌ റഹ്​മാനായിരുന്നു ഇതി​‍െൻറയും സൂത്രധാരൻ. നിലവിൽ എം.പിയായ മുൻ കേന്ദ്രമന്ത്രി വർഷങ്ങൾക്കുമുമ്പ്​ കോഴിക്കോ​ട്ടെത്തി​ ഹോട്ടലിൽ താമസിച്ചപ്പോൾ മുറിയിലേക്ക്​ രണ്ടു യുവാക്കളെ എത്തിച്ചായിരുന്നു കെണിയിൽ കുരുക്കിയത്‌. പിന്നീട്​ ഇദ്ദേഹം മന്ത്രിയാവുമെന്ന ഘട്ടം വന്നതോടെ ഭീഷണിപ്പെടുത്തി വൻതുക കൈക്കലാക്കുകയായിരുന്നു. ഒരുകോടി രൂപയോളം തട്ടിയെന്ന്​ പറയുന്നുണ്ടെങ്കിലും 15 ലക്ഷമാണ്​ ലഭിച്ച​െതന്നും ബാക്കി ഇടനിലക്കാരെടുത്തെന്നുമാണ്​ മൊഴി. മഞ്ചേരി സ്വദേശിനിയായ യുവതിയെ ഉപയോഗിച്ചാണ്​ മറ്റൊരു മുൻ കേന്ദ്രമന്ത്രിയെയും മുൻ സംസ്​ഥാന മന്ത്രിയെയും കുടുക്കിയത്​. ഇപ്പോൾ ജീവിച്ചിരിപ്പില്ലാത്ത ഇവരെയും ഭീഷണിപ്പെടുത്തി പലതവണയായി വൻതുക കൈക്കലാക്കുകയായിരുന്നുവത്രെ. വർഷങ്ങൾക്ക്​ മുമ്പ്​ നടന്ന സംഭവങ്ങളിൽ ആരും പരാതി നൽകാത്തതിനാൽ കേസോ മറ്റു നടപടിയോ ഉണ്ടായില്ല.

അവസാനം 11 കോടി രൂപ ആവശ്യപ്പെട്ട്​ സ്വർണവ്യാപാരിക്കും ​നിർമാണകരാറുകാരനും ഭക്ഷ്യ എണ്ണ കമ്പനി മുതലാളിക്കുമൊപ്പം മലപ്പുറത്തെ പ്രമുഖ രാഷ്​ട്രീയ നേതാവുകൂടിയായ മുൻ മന്ത്രിക്കും സംഘം ഭീഷണിക്കത്തയച്ചിരുന്നു. എന്നാൽ, കത്ത്​ ലഭിച്ചില്ലെന്നാണ്​ ഈ മുൻമന്ത്രി അന്വേഷണ സംഘത്തെ അറിയിച്ചത്​. ചില വ്യവസായികളിൽനിന്നും പണം തട്ടിയതായി വിവരമുണ്ട്​. ഇവർ ആരൊക്കെയാണെന്ന്​​ കണ്ടെത്താനായിട്ടില്ല. ലഭിച്ച മൊഴികളിൽനിന്നും സംഘം പലരെയും തട്ടിപ്പിനിരയാക്കിയതായി വ്യക്​തമായിട്ടുണ്ടെന്നും മൊഴി വിശദമായി പരിശോധിച്ചശേഷം കൂടുതൽ ചോദ്യം ​െചയ്യാൻ പ്രതികളെ വീണ്ടും കസ്​റ്റഡിയിൽ വാങ്ങുമെന്നുമാണ്​ സി -ബ്രാഞ്ച്​ പറയുന്നത്​.

Show Full Article
TAGS:honey trap maoist 
News Summary - honey trap; Among the victims were former ministers
Next Story