Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഹണിട്രാപ്: ​ഓട്ടോ...

ഹണിട്രാപ്: ​ഓട്ടോ ഡ്രൈവറുടെ പണം തട്ടിയ കേസിൽ അഭിഭാഷകൻ അറസ്​റ്റിൽ

text_fields
bookmark_border
ഹണിട്രാപ്: ​ഓട്ടോ ഡ്രൈവറുടെ പണം തട്ടിയ കേസിൽ അഭിഭാഷകൻ അറസ്​റ്റിൽ
cancel

അടിമാലി: ഹണിട്രാപ്പിൽപെടുത്തി ഓ​േട്ടാ ഡ്രൈവറുടെ 70,000 രൂപ തട്ടിയ സംഭവത്തിൽ അടിമാലി ബാറിലെ അഭിഭാഷകൻ ചാറ്റുപാറ മറ്റപ്പിള്ളിൽ അഡ്വ.ബെന്നി മാത്യു (50) അറസ്​റ്റിൽ. അടിമാലി മന്നാങ്കാല ലക്ഷം വീട് കോളനിയിൽ കളംപാട്ട്കുടി സിജുവി​​​െൻറ പരാതിയിൽ തിങ്കളാഴ്ച രാവിലെയാണ് ഇൻസ്പെക്ടർ അനിൽ ജോർജി​​​െൻറ നേതൃത്വത്തിൽ അറസ്​റ്റ്​ ചെയ്തത്.


അടിമാലിയിലെ വ്യാപാരിയെ ഹണി ട്രാപ്പിൽപെടുത്തി പണം തട്ടിയ ഇതേ അഭിഭാഷകൻ ഉൾപ്പെട്ട കേസിൽ റിമാൻഡിൽ കഴിയുന്ന കല്ലാർകുട്ടി കത്തിപ്പാറ പഴക്കാളിയിൽ ലതാദേവി (32), പടിക്കപ്പ് പരിശകല്ല് ചവറ്റുകുഴിയിൽ ഷൈജൻ (43) എന്നിവർ ഈ കേസിലും പ്രതികളാണ്. സംഭവത്തെക്കുറിച്ച് പൊലീസ്​ പറയുന്നത്​: ലതാദേവി സിജുവിനെ കൂമ്പൻപാറയിലേക്ക് ഓട്ടം വിളിച്ചു.

ഇവിടേക്ക് പോകുന്നതിനിടെ സിജുവുമായി അടുത്തിടപഴകുകയും സൗഹൃദം സ്ഥാപിക്കുകയും ചെയ്​തു. രണ്ടുദിവസത്തിനുശേഷം മാധ്യമ പ്രവർത്തകൻ എന്ന വ്യാജേന ​ൈഷജൻ ഓട്ടോഡ്രൈവറെ ഫോണിൽ വിളിക്കുകയും ആദിവാസിയായ ലതാദേവിയെ കയറിപ്പിടിച്ചതിന് കേസിൽ കുടുക്കി ജയിലിലാക്കുമെന്ന് ഭീഷണിപ്പെടുത്തുകയും ചെയ്​തു. 
തുടർന്ന്,​ ഓ​ട്ടോക്കാരൻ​ ലതാദേവിയുടെ അക്കൗണ്ടിൽ 40,000 രൂപ നിക്ഷേപിച്ചു. പിന്നീട് അഭിഭാഷകൻ വിളിക്കുകയും മാധ്യമ പ്രവർത്തകൻ പറഞ്ഞ 30,000 രൂപ ഓഫിസിൽ വരുത്തി വാങ്ങുകയും ചെയ്​തു. തിങ്കളാഴ്ച സ്​റ്റേഷനിലേക്ക് വിളിച്ചുവരുത്തിയാണ് ബെന്നി മാത്യുവിനെ അറസ്​റ്റ്​ ചെയ്തത്.

സമാന സംഭവത്തിൽ ഇവർക്കെതിരെ മൂന്നുകേസാണ്​ അടിമാലി സ്​റ്റേഷനിൽ മാത്രം രജിസ്​റ്റർ ചെയ്തിരിക്കുന്നത്​. ചെരിപ്പുകട വ്യാപാരി വിജയ​​​െൻറ പരാതിയിലാണ് ആദ്യ അറസ്​റ്റ്​.  ഷൈജനും ലതാദേവിയും 2017ൽ കത്തിപ്പാറയിലെ പോസ്​റ്റ്​മാനെ കെണിയിൽപെടുത്തി പണം തട്ടിയിരുന്നു. ഈ കേസി​​​െൻറ വിചാരണ നടക്കുന്നതിനിടെയാണ്​ വീണ്ടും പിടിയിലായത്. ഷൈജനെതിരെ ചാരായം വിറ്റതിന്​ അടക്കം ഒമ്പത്​ കേസ്​ അടിമാലിയിൽ മാത്രമുണ്ട്. ദേവികുളം കോടതിയിൽ ഹാജരാക്കിയ ബെന്നി മാത്യുവിനെ രണ്ടുദിവസത്തേക്ക് പൊലീസ്​ കസ്​റ്റഡിയിൽ വിട്ടു.

LATEST VIDEO

Show Full Article
TAGS:honey trap arrest adimali 
News Summary - honey trap advocate arrested-kerala news
Next Story