അടച്ചിരിക്കേണ്ടത്​ വീട്ടിനകത്തല്ല, മുറിയിൽ

പേര്​ ഹോം ക്വാറ​ൈൻറൻ എന്നാണെങ്കിലും റൂം ക്വാറ​ൈൻറൻ ആണെന്ന്​ പലർക്കും അറിയില്ല. വിദേശത്തനിന്നും എത്തുന്നത്​ ഒരാളാണെങ്കിൽ അവരുടെ വീട്ടുകാരും ഇയാളിൽ നിന്നും അകലം പാലിക്കാൻ ശ്രദ്ധിക്കണം. ഒരുപക്ഷേ ഇവരിൽ രോഗം കടന്നുകൂടിയിട്ടുണ്ടെങ്കിൽ അത്​ വീട്ടുകാരിലേക്ക്​ കൂടി പകരുന്നത്​ ഇതുവഴി ഒഴിവാക്കാം. അതിനായി വീട്ടുനിരീക്ഷണത്തൽ ശ്രദ്ധിക്കേണ്ട കുറച്ച്​ കാര്യങ്ങളുണ്ട്​. വീട്ടുനിരീക്ഷണം എന്താണെന്നും അതിൽ ശ്രദ്ധിക്കേണ്ട കാര്യങ്ങൾ എ​െന്താ​ല്ലാമാണെന്നും ​ നോക്കാം.

1. നിരീക്ഷണത്തിലുള്ളവർ അവരുടെ മുറിയിൽ തന്നെ കഴിയണം. മാസ്​ക്​ ധരിക്കണം. അവരുപയോഗിക്കുന്ന സോപ്പ്​, തോർത്ത്​, ഗ്ലാസ്​, പാത്രങ്ങൾ, കിടക്ക തുടങ്ങിയ വസ്​തുക്കൾ മറ്റുള്ളവരുമായി പങ്കുവെക്കരുത്​.
2. കുടുംബത്തിലെ മറ്റംഗങ്ങളുമായി കുറഞ്ഞത്​ ഒരു മീറ്റർ എങ്കിലും അകലം പാലിക്കാൻ ശ്രദ്ധിക്കണം.
3. ആവശ്യത്തിന്​ വായു സഞ്ചാരമുള്ള മുറി തിരഞ്ഞെടുക്കണം.
4. നിരീക്ഷണത്തിലുള്ളവരെ കഴിവതും ഒരാൾ തന്നെ പരിചരിക്കാൻ ശ്രമിക്കണം. ഇവരെ ശുശ്രൂഷിക്കു​ന്നവർ മാസ്​ക്​, കയ്യുറ എന്നിവ ധരിക്കണം.
5. നിരീക്ഷണത്തിലുള്ളവരെ പരിചരിക്കുന്നതിന്​ മുമ്പും ശേഷവും ആൽക്കഹോൾ അടങ്ങിയ സാനിറ്റൈസർ അല്ലെങ്കിൽ സോപ്പും വെള്ളവും കൊണ്ട്​ കൈകൾ ശുചിയാക്കണം.
6. വസ്​ത്രങ്ങൾ, കിടക്കവിരി, ടവൽ എന്നിവ ഉപയോഗശേഷം റൂമിൽ തയാറാക്കി വെക്കുന്ന ബ്ലീച്ചിങ്​ ലായനിയിൽ നിക്ഷേപിക്കണം. ഇവ അലക്കി ഉണങ്ങിയതിന്​ ശേഷം മാത്രം ഉപയോഗിക്കുക.
7. രോഗിക്ക്​ വേണ്ട ഭക്ഷണം മുറിയിൽ എത്തിച്ച്​ നൽകണം. മറ്റുള്ളവരോടൊപ്പം ഭക്ഷണം കഴിക്കാൻ ഇരിക്കരുത്​.
8. കടുത്ത ചുമയോ വയറിളക്കമോ ഉള്ള രോഗിയാണെങ്കിൽ കൈയുറ കൂടി ധരിക്കാൻ സാധിച്ചാൽ നല്ലത്​. ഉപയോഗിച്ചശേഷം കൈയുറ ബ്ലീച്ചിങ്​ പൗഡർ ലായനിയിൽ നിക്ഷേപിക്കണം.