കുവൈത്തിൽ ഹോം നഴ്​സി​െൻറ മരണം: സഹോദരൻ പരാതി നൽകി

കോട്ടയം: കുവൈത്തിൽ മരിച്ച കോട്ടയം പെരുമ്പായിക്കാട്​ പള്ളിപ്പുറം സ്വദേശിയായ ഹോം നഴ്​സ്​ സുമിയുടെ (37) മൃതദേഹം നാട്ടിലെത്തിക്കണമെന്നും മരണം സംബന്ധിച്ച ദുരൂഹതകൾ നീക്കണമെന്നും ആവശ്യപ്പെട്ട്​ കുടുംബാംഗങ്ങൾ കേന്ദ്ര-സംസ്ഥാന സർക്കാറുകൾക്ക്​ പരാതി നൽകി.

 ഭർത്താവ്​ ഉപേക്ഷിച്ച സുമിക്ക്​ 14ഉം 12ഉം വയസ്സുള്ള രണ്ട്​ കുട്ടികളുണ്ട്​​. എറണാകുളത്തുള്ള ഏജൻസി വഴിയാണ് ജോലിക്ക്​ പോയത്​. മേയ്​ രണ്ടിന്​ ഇന്ത്യൻ എംബസി ഷെൽട്ടറിൽ ഹൃദയാഘാതം മൂലം മരിച്ചതായി ഉദ്യോഗസ്ഥൻ മനോജ്​ കുര്യൻ സഹോദരി സീമയെ വിളിച്ചറിയിക്കുകയായിരുന്നു​. ആറാംതീയതി കാർഗോ വിമാനത്തിൽ മൃതദേഹം അയക്കുമെന്നാണ്​ അറിയിച്ചിരുന്നത്​. 

കുവൈത്തിൽനിന്ന്​ പോസ്​റ്റ്​മോർട്ടം റിപ്പോർട്ടും അയച്ചുകൊടുത്തു. ശ്വാസം മുട്ടിയുണ്ടായ ഹൃദയാഘാതം എന്നാണ്​ പോസ്​റ്റ്​മോർട്ടം റി​േപ്പാർട്ട്​. എന്നാൽ, നാലാം തീയതി വിളിച്ച്​ കോവിഡ്​ മൂലമാണ്​ മരിച്ചതെന്നും ​മൃതദേഹം നാട്ടിലേക്ക്​ അയക്കാൻ കഴിയില്ലെന്നും അറിയിച്ചു. പരിശോധനഫലമോ സുമിയുടെ കൈവശമുണ്ടായിരുന്ന പണമോ മറ്റ്​ വസ്തുക്കളോ നൽകിയില്ലെന്നും പരാതിയിൽ പറയുന്നു. ഹാവല്ലിയിലെ ഹോം കെയറിൽ കഴിയ​വെ ഏപ്രിൽ 28നാണ്​ സുമിയുമായി കുടുംബാംഗങ്ങൾ അവസാനമായി സംസാരിച്ചത്​. അന്ന്​ സംസാരിച്ചുകൊണ്ടിരിക്കു​േമ്പാൾ മറ്റൊരാൾ ഫോൺ പിടിച്ചുവാങ്ങിയിരുന്നു. മൃതദേഹം ഫർവാനിയ-ഡജീജ്​ മോർച്ചറിയിൽ സൂക്ഷിച്ചിരിക്കുന്നു എന്നാണ്​ വിവരമെന്നും സഹോദരൻ ജെ. സന്തോഷ്​​ കുമാർ പരാതിയിൽ പറയുന്നു.