ഹി​ന്ദു​വി​ന്‍റെ വീ​ട്ടി​ൽ മൂ​ന്നി​ൽ കു​റ​യാ​തെ മ​ക്ക​ൾ വേ​ണം, ന​ല്ല പ്രാ​യ​ത്തി​ൽ ക​ല്യാ​ണം ക​ഴി​ക്ക​ണം -ചിദാനന്ദപുരി

കോട്ടയം: കാസർകോടുനിന്ന്​ തിരുവനന്തപുരത്തേക്ക്​ സന്യാസിമാരുടെ നേതൃത്വത്തിൽ നടക്കുന്ന ധർമ്മസന്ദേശ യാത്രയിൽ ഹിന്ദു ജനസംഖ്യാ വർധനക്ക്​​ ആഹ്വാനം. കോട്ടയം തിരുനക്കര ക്ഷേത്രമൈതാനിയിൽ നടന്ന വിരാട്​ ഹിന്ദുസംഗമത്തിലാണ്​ യാത്രാ നായകനായ മാർഗദർശക മണ്ഡലം അധ്യക്ഷൻ സ്വാമി ചിദാനന്ദപുരി ഹിന്ദുക്കൾ ജനസംഖ്യ വർധിപ്പിക്കണമെന്ന്​ ആവശ്യപ്പെട്ടത്​.

ഹിന്ദുവിന്‍റെ വീട്ടിൽ മൂന്നിൽ കുറയാതെ മക്കൾ വേണം. അതിനായി നല്ല പ്രായത്തിൽ കല്യാണം കഴിക്കണം. നാല്​ കുട്ടികൾ ഉണ്ടായാൽ ഒരു കുട്ടിയെ സന്യാസിയാക്കണം. ഹിന്ദുധർമ്മ പരിപാലനം തുടരാൻ അത് ആവശ്യമാണ്. രണ്ട്​ പേർക്ക്​ ഒരുകുട്ടി എന്ന്​ തീരുമാനിച്ചാൽ അത്​ ജനസംഖ്യ പകുതിയായി കുറക്കും.

ഇന്ത്യയിൽ ഹിന്ദു ജനസംഖ്യ 4.5 ശതമാനം കുറഞ്ഞു. മുസ്‌ലിം ജനസംഖ്യ 24.6 ശതമാനം കൂടി. ഹിന്ദുക്കളിൽ മാത്രം രാഷ്ട്രീയ ഭേദത്തിന്റെ പേരിൽ ഭിന്നത നിലനിൽക്കുകയാണ്​. എന്നാൽ ക്രിസ്ത്യാനികളും മുസ്‌ലിംകളും അവരുടെ മതത്തിന്റെ കാര്യത്തിൽ ഒന്നാണ് -അദ്ദേഹം പറഞ്ഞു. ധർമ്മസന്ദേശ യാ​ത്ര 21ന്​ തിരുവനന്തപുരത്ത്​ സമാപിക്കും.