സീസണിൽ കണ്ണുവെച്ച്​ വിമാനക്കമ്പനികൾ നിരക്കുയർത്തി

തി​രു​വ​ന​ന്ത​പു​രം: ഗ​ൾ​ഫ്​ രാ​ജ്യ​ങ്ങ​ളി​ലെ അ​വ​ധി​ക്കാ​ലം ക​ഴി​ഞ്ഞ​ത്​ ലാ​ക്കാ​ക്കി വി​മാ​ന​ക്ക​മ്പ​ നി​ക​ൾ ടി​ക്ക​റ്റ്​ നി​ര​ക്ക്​ കു​ത്ത​നെ ഉ​യ​ർ​ത്തി. ഇൗ ​മാ​സം അ​വ​സാ​നം മു​ത​ല്‍ ഗ​ള്‍ഫി​ലെ പ്ര​ധാ​ന ന​ഗ​ര​ങ്ങ​ളി​ലേ​ക്കു​ള്ള ടി​ക്ക​റ്റു​ക​ള്‍ക്ക് 300 മു​ത​ൽ 500 ശ​ത​മാ​നം വ​രെ നി​ര​ക്കു​യ​ർ​ത്തി​യാ​ണ്​ വി​മാ​ന​ക്ക​മ്പ​നി​ക​ൾ പ്ര​വാ​സി​ക​െ​ള പി​ഴി​യാ​നൊ​രു​ങ്ങു​ന്ന​ത്. യാ​ത്ര​ക്കാ​ർ ഏ​റെ​യു​ള്ള ഗ​ൾ​ഫ്​​രാ​ഷ്​​ട്ര​ങ്ങ​ളി​േ​ല​ക്കു​ള്ള ടി​ക്ക​റ്റ്​​നി​ര​ക്കാ​ണ്​ ക​മ്പ​നി​ക​ൾ വ​ർ​ധി​പ്പി​ച്ച​ത്. നാ​ട്ടി​ൽ അ​വ​ധി​യാ​ഘോ​ഷി​ച്ച്​ മ​ട​ങ്ങു​ന്ന 80 ശ​ത​മാ​ന​ത്തോ​ളം സാ​ധാ​ര​ണ​ക്കാ​രാ​യ പ്ര​വാ​സി​ക​െ​ള​യാ​ണ്​ ക​ഴു​ത്ത​റു​പ്പ​ൻ നി​ര​ക്ക്​ വെ​ട്ടി​ലാ​ക്കി​യ​ത്. അ​വ​ധി​ക്കാ​ലം ക​ഴി​ഞ്ഞ്​ സെ​പ്​​റ്റം​ബ​ർ ഒ​ന്നോ​ടെ​യാ​ണ്​ ഗ​ൾ​ഫ്​ രാ​ജ്യ​ങ്ങ​ളി​ലെ വി​ദ്യാ​ഭ്യാ​സ​സ്ഥാ​പ​ന​ങ്ങ​ൾ തു​റ​ക്കു​ന്ന​ത്.

4500 ​മു​ത​ൽ 13,000 രൂ​പ വ​രെ​യു​ണ്ടാ​യി​രു​ന്ന നി​ര​ക്കു​ക​ളാ​ണ് സീ​സ​ൺ ക​ണ​ക്കി​ലെ​ടു​ത്ത്​ വ​ർ​ധി​പ്പി​ച്ച​ത്. എ​യ​ർ​ഇ​ന്ത്യ​യും എ​യ​ർ ഇ​ന്ത്യ എ​ക്​​സ്​​പ്ര​സും നി​ര​ക്കു​വ​ർ​ധ​ന​യി​ൽ ഒ​ട്ടും പി​ന്നി​ല​ല്ല. ക​ഴി​ഞ്ഞ​വ​ർ​ഷ​വും സ​മാ​ന​രീ​തി​യി​ൽ നി​ര​ക്കു​യ​ർ​ത്തി​യി​രു​ന്നു. ആ​ഗ​സ്​​റ്റ്​ 22ന്​ ​ബ​ലി​പെ​രു​ന്നാ​ളും ആ​ഗ​സ്​​റ്റ്​ 25ന്​ ​ഒാ​ണ​വും ക​ഴി​ഞ്ഞാ​യി​രു​ന്നു വേ​ന​ല​വ​ധി​ക്ക്​ ശേ​ഷം ക​ഴി​ഞ്ഞ​വ​ർ​ഷം ഗ​ൾ​ഫ്​ രാ​ജ്യ​ങ്ങ​ളി​ൽ സ്​​കൂ​ളു​ക​ൾ തു​റ​ന്ന​ത്. എ​ന്നാ​ൽ, ഇ​ക്കു​റി സെ​പ്​​റ്റം​ബ​റി​ലാ​ണ്​ ഒാ​ണ​മെ​ന്ന​തി​നാ​ൽ ഇൗ ​സ​മ​യ​ത്തെ തി​ര​ക്ക്​ ക​ണ​ക്കി​ലെ​ടു​ത്ത്​ വീ​ണ്ടും ക​മ്പ​നി​ക​ൾ നി​ര​ക്ക്​ വ​ർ​ധി​​പ്പി​ച്ചേ​ക്കു​മെ​ന്നാ​ണ്​ ഇൗ ​രം​ഗ​ത്തു​ള്ള​വ​ർ ന​ൽ​കു​ന്ന സൂ​ച​ന.

യാ​ത്ര​ക്കാ​രു​ടെ തി​ര​ക്ക്​ പ​രി​ഹ​രി​ക്കു​ന്ന​തി​നും അ​മി​ത​നി​ര​ക്ക്​ കു​റ​ക്കു​ന്ന​തി​നും എ​യ​ർ ഇ​ന്ത്യ അ​ധി​ക സ​ർ​വി​സു​ക​ൾ ന​ട​ത്ത​ണ​മെ​ന്ന​ത്​​ വ​ർ​ഷ​ങ്ങ​ളാ​യു​ള്ള ആ​വ​ശ്യ​മാ​ണ്. മ​റ്റ്​ വി​മാ​ന​ക്ക​മ്പ​നി​ക​ൾ​ക്ക്​ അ​ധി​ക സ​ർ​വി​സ്​ ആ​രം​ഭി​ക്കു​ന്ന​തി​നു​ള്ള അ​നു​മ​തി​ക്ക്​ നി​ര​വ​ധി ക​ട​മ്പ​ക​ളു​ണ്ട്. ​