സ്വാതന്ത്ര്യത്തിന് മുമ്പ് പാകിസ്താനുവേണ്ടി ഏറ്റവും കൂടുതൽ ആവശ്യം ഉന്നയിച്ചത് മലപ്പുറം ജില്ലയിൽനിന്ന് -പാലോളി മുഹമ്മദ് കുട്ടി

മലപ്പുറം: സ്വാതന്ത്ര്യത്തിന് മുമ്പ് പാകിസ്താനുവേണ്ടി ഇന്ത്യയിൽ ഏറ്റവും കൂടുതൽ ആവശ്യം ഉന്നയിച്ചത് മലപ്പുറം ജില്ലയിൽ നിന്നായിരുന്നുവെന്ന് സി.പി.എമ്മിന്റെ മു​തിർന്ന നേതാവും പാർട്ടിയുടെ ആദ്യ ജില്ല സെക്രട്ടറിയുമായ പാലോളി മുഹമ്മദ് കുട്ടി. സി.പി.എം ജില്ലാസമ്മേളനത്തോടനുബന്ധിച്ച് പ്രസിദ്ധീകരിച്ച മതേതര മലപ്പുറം മുന്നോട്ട് എന്ന സ്മരണികയിലെ അഭിമുഖത്തിൽ മുസ്‍ലിം ലീഗിന് വലിയ അപ്രമാദിത്വം വരാനുണ്ടായ കാരണമെന്തെന്ന ചോദ്യത്തിന് മറുപടി പറയുകയായിരുന്നു പാലോളി.

അന്ന് മുസ്‌ലിം സമുദായത്തിലെ പ്രമാണിമാരായ ആളുകൾ ബ്രിട്ടീഷ് അനുകൂലികളായിരുന്നു. അതുകൊണ്ട് തന്നെ അവർ ഉന്നയിച്ച പാകിസ്താൻ വാദത്തിന് അനുകൂലമായ നിലപാട് ബ്രിട്ടീഷുകാരിൽ നിന്ന് ലഭിച്ചു. അന്ന് മലബാറിലെ മുസ്‍ലിം ലീഗ് പ്രവർത്തനത്തിന് നേതൃത്വം കൊടുത്തിരുന്നത് കെ.എം. സീതി സാഹിബ്, സത്താർ സേട്ട് എന്നിവരായിരുന്നു. ഇന്ത്യക്ക് സ്വാതന്ത്ര്യം കിട്ടുന്ന പക്ഷം പിന്നീട് ഭരിക്കാൻ പോകുന്നത് ഹിന്ദുക്കളാണെന്നും അവരുടെ ഭരണത്തിൽ മുസ്‍ലിംകൾക്ക് ജീവിക്കാൻ കഴിയില്ല എന്നായിരുന്നു സീതി സാഹിബ് മലപ്പുറത്ത് നടന്ന മുസ്‍ലിം ലീഗിന്റെ ​സമ്മേളനത്തിൽ പറഞ്ഞത്.

‘‘അ​ന്ന് മ​ല​ബാ​റി​ലെ മു​സ്‍ലിം ലീ​ഗ് പ്ര​വ​ർ​ത്ത​ന​ത്തി​ന് നേ​തൃ​ത്വം ന​ൽ​കി​യി​രു​ന്ന​ത് കെ.​എം. സീ​തി സാ​ഹി​ബ്, സ​ത്താ​ർ സേ​ട്ട് എ​ന്നി​വ​രാ​യി​രു​ന്നു. ഇ​ന്ത്യ​ക്ക് സ്വാ​ത​ന്ത്ര്യം കി​ട്ടി​യാ​ൽ ഭ​രി​ക്കാ​ൻ പോ​കു​ന്ന​ത് ഹി​ന്ദു​ക്ക​ളാ​ണെ​ന്നും അ​വ​രു​ടെ ഭ​ര​ണ​ത്തി​ൽ മു​സ്‍ലിം​ക​ൾ​ക്ക് ജീ​വി​ക്കാ​ൻ ക​ഴി​യി​ല്ലെ​ന്നു​മാ​ണ് സീ​തി സാ​ഹി​ബ് മ​ല​പ്പു​റ​ത്ത് ന​ട​ന്ന മു​സ്‍ലിം ലീ​ഗ് സ​മ്മേ​ള​ന​ത്തി​ൽ പ​റ​ഞ്ഞ​ത്.’’

‘‘മു​സ്‍ലിം​ക​ൾ ഇ​ട​ത്തോ​ട്ട് മു​ണ്ടു​ടു​ക്കു​ന്ന​വ​രാ​ണ്. ഹി​ന്ദു​ക്ക​ളാ​ണെ​ങ്കി​ൽ വ​ല​ത്തോ​ട്ടും. മു​സ്‍ലിം​ക​ൾ​ക്ക് ചാ​ണ​കം ന​ജ​സ്സ് (അ​ശു​ദ്ധം) ആ​ണ്. ഹി​ന്ദു​ക്ക​ൾ​ക്ക് പു​ണ്യ​വും. ഇ​ങ്ങ​നെ വൈ​രു​ധ്യ​മു​ള്ള​വ​ർ എ​ങ്ങ​നെ ഒ​രു​മി​ച്ച് ഭ​ര​ണം ന​ട​ത്തു​മെ​ന്ന ചോ​ദ്യ​മാ​യി​രു​ന്നു സീ​തി സാ​ഹി​ബി​നു​ണ്ടാ​യി​രു​ന്ന​ത്’’ -പാ​ലോ​ളി പ​റ​യു​ന്നു.