‘ഘർവാപസി’ കേന്ദ്രത്തിലെ പീ​ഡ​നം: വിശദ റിപ്പോർട്ട് നൽകാൻ ഹൈകോടതി നിർദേശം

കൊച്ചി: ഇ​ത​ര​മ​ത​സ്​​ഥ​നെ വി​വാ​ഹം ചെ​യ്​​ത​തിന്‍റെ പേ​രി​ൽ വ​നി​ത ആ​യു​ർ​വേ​ദ ഡോ​ക്​​ട​ർ​ക്ക്​ കൊ​ടുംപീ​ഡ​നം നേ​രി​ടേ​ണ്ടി​വ​ന്ന യോ​ഗ കേ​ന്ദ്ര​ത്തെ കുറിച്ച് വിശദ റിപ്പോർട്ട് നൽകാൻ ഹൈകോടതി നിർദേശം. ഒക്ടോബർ പത്തിനകം റിപ്പോർട്ട് നൽകണമെന്നാണ് കോടതി ഉത്തരവിട്ടത്. യോ​ഗ കേ​ന്ദ്ര​ത്തിനെതിരായ പരാതി ഞെട്ടിപ്പിക്കുന്നതാണെന്നും ഹൈകോടതി വ്യക്തമാക്കി.

അതേസമയം, കേസിലെ എതിർകക്ഷികൾക്കെല്ലാം നോട്ടീസ് അയക്കാനും ഹൈകോടതി നിർദേശം നൽകി. ശിവശക്തി യോഗ ആൻഡ് ചാരിറ്റബ്ൾ ട്രസ്റ്റ്, ഡി.ജി.പി, കൊച്ചി സിറ്റി പൊലീസ് കമീഷണർ, തൃപ്പൂണിത്തുറ ഹിൽപാലസ് സി.ഐ, ഉദയംപേരൂർ എസ്.ഐ, ഉദയംപേരൂർ ഗ്രാമപഞ്ചായത്ത് പ്രസിഡന്‍റ് എന്നിവർക്കാണ് നോട്ടീസ് നൽകുന്നത്. 

പരാതിക്കാരായ യുവതിയും ഭർത്താവും ഹൈകോടതിക്ക് മുമ്പാകെ നേരിട്ടു ഹാജരായി മൊഴി നൽകി. ഡിവിഷൻ ബെഞ്ചിലെ ജഡ്ജിമാർ യുവതിയുടെ വിശദമായ മൊഴി രേഖപ്പെടുത്തി. കേസ് ഒക്ടോബർ പത്തിന് വീണ്ടും പരിഗണിക്കും. 

ഉ​ദ​യം​പേ​രൂ​ർ ക​ണ്ട​നാ​െ​ട്ട യോ​ഗ ആ​ൻ​ഡ്​​ ചാ​രി​റ്റ​ബി​ൾ ട്ര​സ്​​റ്റി​​ന്‍റെ (ഘ​ർ​വാ​പ്പ​സി കേ​ന്ദ്രം) ന​ട​ത്തി​പ്പു​കാ​ര​ൻ മ​നോ​ജ്​ ഗു​രു​ജി​യു​ടെ പ്ര​ധാ​ന സ​ഹാ​യി​യും സ്​​ഥാ​പ​ന​ത്തി​ലെ പ്ര​ധാ​നി​ക​ളി​ൽ ഒ​രാ​ളു​മാ​യ ​ശ്രീ​ജേ​ഷി​നെ​ തിങ്കളാഴ്ച രാത്രി അ​ന്വേ​ഷ​ണ​സം​ഘം പി​ടി​കൂ​ടി​യിരുന്നു. സം​ഭ​വം ‘മീഡിയവൺ’ ചാനൽ പുറത്തു വിട്ടതോ​ടെ മ​നോ​ജ്​ ഗു​രു​ജി ഒ​ളി​വി​ലാ​ണ്. മ​നോ​ജിനായി അദ്ദേഹത്തിന്‍റെ ആലപ്പുഴ പെരുംമ്പളം കവലയിലെ വീട്ടിൽ പൊലീസ് സംഘം പരിശോധന നടത്തി. കൂടാതെ മൊബൈൽ ഫോൺ ടവർ ലൊക്കേഷൻ കേന്ദ്രീകരിച്ചുള്ള അന്വേഷണവും സംഘം നടത്തുന്നുണ്ട്. 

ഇതിനിടെ, കേ​​ന്ദ്രം അ​ട​ച്ചു​പൂ​ട്ടാ​ൻ ഉ​ദ​യം​പേ​രൂ​ർ പ​ഞ്ചാ​യ​ത്ത്​ നോ​ട്ടീ​സ്​ പു​റ​പ്പെ​ടു​വി​ച്ചു. എന്നാൽ, 28 സ്ത്രീകളും 16 പുരുഷന്മാരും ആണ് കേന്ദ്രത്തിൽ ഉണ്ടായിരുന്നത്. 11 താഴെ ആളുകളാണ് നിലവിൽ യോഗ കേന്ദ്രത്തിൽ അവശേഷിക്കുന്നത്. ഇവരിൽ അഞ്ചു പേർ കർണാടക സ്വദേശികളാണ്. അന്തേവാസികൾ ഒഴിഞ്ഞു പോയ ശേഷം കേന്ദ്രം അടച്ചുപൂട്ടും. 

ക്രി​സ്​​ത്യ​ൻ യു​വാ​വി​നെ വി​വാ​ഹം ചെ​യ്​​ത​തി​ന്​ വീ​ട്ടു​കാ​ർ യോ​ഗ​ കേ​ന്ദ്ര​ത്തി​ലെ​ത്തി​ച്ച വ​നി​ത ഡോ​ക്​​ട​റെ 22 ദി​വ​സം ഇ​വി​ടെ ത​ട​ങ്ക​ലി​ൽ പാ​ർ​പ്പി​ച്ച് മ​ർ​ദി​ക്കു​ക​യും ഭീ​ഷ​ണി​പ്പെ​ടു​ത്തു​ക​യും ചെ​യ്​​തെ​ന്നാ​ണ്​ പ​രാ​തി. സ്​​ത്രീ​ത്വ​ത്തെ അ​പ​മാ​നി​ക്ക​ൽ, ഭീ​ഷ​ണ​ി​പ്പെ​ടു​ത്ത​ൽ, മ​ർ​ദ​നം തു​ട​ങ്ങി​യ വ​കു​പ്പു​ക​ളെ​ല്ലാം ചേ​ർ​ത്താ​ണ്​ പൊ​ലീ​സ്​ കേ​െ​സ​ടു​ത്തി​രി​ക്കു​ന്ന​ത്.