പത്​മനാഭസ്വാമി ക്ഷേത്രത്തിൽ ചുരിദാർ ധരിച്ച്​ പ്രവേശിക്കേണ്ട– ഹൈകോടതി

കൊച്ചി: തിരുവനന്തപുരം ശ്രീപത്​മനാഭസ്വാമി ക്ഷേത്രത്തിൽ ചുരിദാർ ധരിച്ച്​ പ്രവേശിക്കരുതെന്ന്​ ​ ഹൈകോടതി. ചുരിദാർ ധരിച്ച്​ ക്ഷേത്രദർശനം നടത്താൻ അനുവദിക്കണമെന്ന സ്വകാര്യ ഹരജി പരിഗണിച്ചാണ്​ ഡിവിഷൻ ബെഞ്ചി​െൻറ വിധി.

ചുരിദാർ ആചാരവിരുദ്ധമാണെന്നാണ്​ ക്ഷേത്ര ഭരണസമിതിയുടെ  നിലപാട്​. ക്ഷേത്രത്തിൽ നിലവിലുള്ള ആചാരങ്ങൾ തുടരണം. ക്ഷേത്രദർശനത്തിന്​ വസ്​ത്രധാരണം സംബന്ധിച്ച കാര്യത്തിൽ അന്തിമ തീരുമാനം തന്ത്രിയുടേതാണ്​. എക്​സിക്യുട്ടീവ്​ ഒാഫീസർക്ക്​ ക്ഷേത്ര ആചാരങ്ങളിൽ ഇടപെടാൻ അധികാരമില്ലെന്നും ഹൈകോടതി ചൂണ്ടിക്കാട്ടി.
അതേസമയം, കോടതി ഉത്തരവ്​ അംഗീകരിക്കുന്നതായി എക്​സിക്യുട്ടീവ്​ ഒാഫീസർ അറിയിച്ചു. വിധിക്കെതിരെ അപ്പീൽ പോകുമെന്ന്​ പരാതിക്കാരി വ്യക്തമാക്കി.

തിരുവനന്തപുരം സ്വദേശിനി റിയ ഹൈകോടതിയിൽ നൽകിയ പരാതിയെ തുടർന്ന്​ ക്ഷേത്രത്തിൽ  ചുരിദാർ ധരിക്കാൻ എക്​സിക്യുട്ടീവ്​ ഒാഫീസർ അനുവദിക്കുകയായിരുന്നു. ക്ഷേത്രദർശനത്തിന്​ ചുരിദാറിനു മുകളിൽ മുണ്ട്​ ധരിക്കേണ്ടതില്ല. എന്നാൽ ജീൻസ്,​ ലഗ്ഗിൻസ്​ എന്നിവ അനുവദിക്കില്ല എന്നായിരുന്നു ഉത്തരവ്​.

ഉത്തരവിനെ തുടർന്ന്​ സ്​ത്രീകൾ ചുരിദാർ ധരിച്ചെത്തുകയും ഇതിനെതിരെ ഒരു വിഭാഗം ഹെന്ദവ സംഘടനകൾ പ്രതിഷേധവുമായി എത്തുകയുമായിരുന്നു. എക്​സിക്യൂട്ടീവ്​ ഒാഫീസറുടെ ഏകപക്ഷീയമായ നിലപാട്​ അടിച്ചേൽപ്പിക്കാൻ അനുവദിക്കില്ലെന്നായിരുന്നു ഹൈന്ദവസംഘടനകളുടെ നിലപാട്​.
ത​െൻറ  തീരുമാനത്തില്‍ എതിര്‍പ്പുള്ളവര്‍ക്ക് ഹൈകോടതിയെ സമീപിക്കാമെന്ന്​ എക്‌സിക്യൂട്ടിവ് ഓഫീസർ വ്യക്തമാക്കി. ഇതു സംബന്ധിച്ച ഹരജിയില്‍ വാദം കേൾക്കവെയാണ്​ ചുരിദാർ ധരിച്ച്​ ക്ഷേത്രത്തിൽ പ്രവേശിക്കേണ്ടതെന്ന്​ കോടതി ഉത്തരവിട്ടത്​.