വി​ഴി​ഞ്ഞം തു​റ​മു​ഖ പ്ര​ദേ​ശ​ത്തേ​ക്കു​ള്ള വഴി തടയുന്ന സമരപ്പന്തൽ ​നീക്കണമെന്ന്​ ​ഹൈകോടതി

കൊ​ച്ചി: വി​ഴി​ഞ്ഞം തു​റ​മു​ഖ നി​ർ​മാ​ണ പ​ദ്ധ​തി പ്ര​ദേ​ശ​ത്തേ​ക്കു​ള്ള വ​ഴി ത​ട​യു​ന്ന വി​ധം നി​ർ​മി​ച്ച സ​മ​ര​പ്പ​ന്ത​ൽ ​നീ​ക്ക​ണ​മെ​ന്ന്​ ​ഹൈ​കോ​ട​തി. മാ​ർ​ഗം ത​ട​സ്സ​പ്പെ​ടു​ത്തു​ന്ന പ​ന്ത​ൽ നീ​ക്കം ചെ​യ്യാ​നാ​യി​ട്ടി​ല്ലെ​ന്ന്​ അ​ദാ​നി ഗ്രൂ​പ്പും സ​ർ​ക്കാ​റും അ​റി​യി​ച്ച​തി​നെ​ത്തു​ട​ർ​ന്നാ​ണ്​ ജ​സ്റ്റി​സ്​ അ​നു ശി​വ​രാ​മ​ന്‍റെ ഉ​ത്ത​ര​വ്. പ​ന്ത​ൽ നീ​ക്കാ​ൻ ഉ​ചി​ത ന​ട​പ​ടി എ​തി​ർ​ക​ക്ഷി​ക​ൾ സ്വീ​ക​രി​ക്ക​ണ​മെ​ന്നാ​ണ്​ നി​ർ​ദേ​ശം. മ​ത്സ്യ​ത്തൊ​ഴി​ലാ​ളി​ക​ളു​​ടെ സ​മ​ര​ത്തെ തു​ട​ർ​ന്ന് തു​റ​മു​ഖ നി​ർ​മാ​ണം ത​ട​സ്സ​പ്പെ​ട്ടെ​ന്ന്​ ചൂ​ണ്ടി​ക്കാ​ട്ടി ന​ൽ​കി​യ ഹ​ര​ജി​യി​ൽ മ​തി​യാ​യ സം​ര​ക്ഷ​ണ​ത്തി​ന്​ ഉ​ത്ത​ര​വി​ട്ടി​ട്ടും പൊ​ലീ​സും സ​ർ​ക്കാ​റും പാ​ലി​ച്ചി​ട്ടി​ല്ലെ​ന്ന്​ കാ​ട്ടി അ​ദാ​നി ഗ്രൂ​പ് ന​ൽ​കി​യ കോ​ട​തി​യ​ല​ക്ഷ്യ ഹ​ര​ജി​യാ​ണ്​ കോ​ട​തി പ​രി​ഗ​ണി​ച്ച​ത്.

നി​ർ​മാ​ണ പ്ര​വ​ർ​ത്ത​ന​ങ്ങ​ൾ ത​ട​സ്സ​പ്പെ​ടാ​തി​രി​ക്കാ​ൻ പൊ​ലീ​സും സ​ർ​ക്കാ​റു​മ​ട​ക്കം എ​തി​ർ​ക​ക്ഷി​ക​ൾ ആ​വ​ശ്യ​മാ​യ എ​ല്ലാ ന​ട​പ​ടി​ക​ളും സ്വീ​ക​രി​ക്ക​ണ​മെ​ന്നും ഗ​താ​ഗ​തം ത​ട​സ്സ​പ്പെ​ടു​ന്നി​ല്ലെ​ന്ന് ഉ​റ​പ്പാ​ക്ക​ണ​മെ​ന്നും കോ​ട​തി ഉ​ത്ത​ര​വി​ട്ടി​രു​ന്നു. തൊ​ഴി​ലാ​ളി​ക​ൾ​ക്കും ജീ​വ​ന​ക്കാ​ർ​ക്കും ത​ട​സ്സ​മി​ല്ലാ​തെ പ്ര​വേ​ശി​ക്കാ​ൻ ന​ട​പ​ടി സ്വീ​ക​രി​ക്കു​മെ​ന്ന്​ സ​ർ​ക്കാ​റും അ​റി​യി​ച്ചു. എ​ന്നാ​ൽ, വെ​ള്ളി​യാ​ഴ്ച ഹ​ര​ജി വീ​ണ്ടും പ​രി​ഗ​ണി​ക്ക​വേ​യാ​ണ്​ സ​മ​ര​പ്പ​ന്ത​ൽ പൊ​ളി​ച്ചി​ട്ടി​ല്ലെ​ന്ന്​ ഹ​ര​ജി​ക്കാ​രും സ​ർ​ക്കാ​റി​ന്​ വേ​ണ്ടി സ്​​റ്റേ​റ്റ്​ അ​റ്റോ​ണി​യും അ​റി​യി​ച്ച​ത്.

മ​തി​യാ​യ പൊ​ലീ​സ് സം​ര​ക്ഷ​ണം ന​ൽ​കാ​ൻ സെ​പ്റ്റം​ബ​ർ ഒ​ന്നി​നാ​ണ്​ ഇ​ട​ക്കാ​ല ഉ​ത്ത​ര​വ് ന​ൽ​കി​യ​ത്. എ​ന്നാ​ൽ, ഉ​ത്ത​ര​വി​നു​ശേ​ഷ​വും സ​മ​ര​ക്കാ​രു​ടെ ഇ​ട​പെ​ട​ൽ മൂ​ലം നി​ർ​മാ​ണം ത​ട​സ്സ​പ്പെ​ട്ടി​രി​ക്കു​ക​യാ​ണെ​ന്നും അ​ധി​കൃ​ത​ർ ന​ട​പ​ടി സ്വീ​ക​രി​ക്കു​ന്നി​ല്ലെ​ന്നും ചൂ​ണ്ടി​ക്കാ​ട്ടി​യാ​ണ്​ കോ​ട​തി​യ​ല​ക്ഷ്യ ഹ​ര​ജി. വാ​ഹ​ന​ങ്ങ​ൾ​ക്ക്​ പോ​കാ​നാ​വാ​ത്ത ത​ര​ത്തി​ലാ​ണ് റോ​ഡി​ൽ സ​മ​ര​പ്പ​ന്ത​ലെ​ന്നും ഹ​ര​ജി​ക്കാ​ർ വാ​ദി​ച്ചു. ഹ​ര​ജി വീ​ണ്ടും ഈ​മാ​സം 12ന്​ ​പ​രി​ഗ​ണി​ക്കാ​ൻ മാ​റ്റി.

പൊളിച്ചുമാറ്റില്ല -സമരസമിതി

വി​ഴി​ഞ്ഞം: വി​ഴി​ഞ്ഞ​ത്തെ സ​മ​ര​പ്പ​ന്ത​ൽ പൊ​ളി​ച്ചു​മാ​റ്റി​ല്ലെ​ന്ന് സ​മ​ര​സ​മി​തി. ഹൈ​കോ​ട​തി നി​ർ​ദേ​ശ​ത്തെ നി​യ​മ​പ​ര​മാ​യി​ത്ത​ന്നെ നേ​രി​ടു​മെ​ന്ന് ല​ത്തീ​ൻ അ​തി​രൂ​പ​ത. സം​സ്ഥാ​ന സ​ർ​ക്കാ​റും അ​ദാ​നി​യും ത​ങ്ങ​ളു​ടെ സ​മ​ര​പ്പ​ന്ത​ൽ റോ​ഡി​ലാ​ണ് എ​ന്ന് ഹൈ​കോ​ട​തി​യെ തെ​റ്റി​ദ്ധ​രി​പ്പി​ച്ചി​രി​ക്കു​ക​യാ​ണെ​ന്ന് സം​യു​ക്ത സ​മ​ര​സ​മി​തി ക​ൺ​വീ​ന​ർ ഫാ. ​തി​യോ​ഡേ​ഷ്യ​സ് പ​റ​ഞ്ഞു.

ത​ങ്ങ​ളു​ടെ സ​മ​ര​പ്പ​ന്ത​ൽ അ​ല്ല മ​റി​ച്ച് ബി.​ജെ.​പി​യു​ടെ നേ​തൃ​ത്വ​ത്തി​ൽ ജ​ന​കീ​യ സ​മി​തി സ്ഥാ​പി​ച്ച സ​മ​ര​പ്പ​ന്ത​ൽ ആ​ണ് റോ​ഡി​ൽ ഉ​ള്ള​ത്. കോ​ട​തി​യെ തെ​റ്റി​ദ്ധ​രി​പ്പി​ച്ചാ​ണ് വി​ധി സ​മ്പാ​ദി​ച്ച​ത്. ത​ങ്ങ​ളു​ടേ​ത് അ​തി​ജീ​വ​ന സ​മ​രം ആ​ണ്. ത​ങ്ങ​ളെ കേ​ൾ​ക്കാ​ത്ത​വ​രെ ത​ങ്ങ​ൾ​ക്കും കേ​ൾ​ക്കാ​ൻ താ​ൽ​പ​ര്യ​മി​ല്ലെ​ന്ന് ഫാ. ​തി​യോ​ഡേ​ഷ്യ​സ് പ​റ​ഞ്ഞു.

കോ​ട​തി​യെ തെ​റ്റി​ദ്ധ​രി​പ്പി​ക്കാ​ൻ വേ​ണ്ടി​യാ​ണ് വ്യാ​ഴാ​ഴ്ച ലോ​റി​ക​ൾ ബാ​രി​ക്കേ​ഡി​ന് മ​റു​വ​ശം വ​രെ കൊ​ണ്ടു​വ​ന്ന് തി​രി​കെ കൊ​ണ്ടു​പോ​യ​ത് ഉ​ൾ​പ്പ​ടെ​യു​ള്ള നാ​ട​കീ​യ സം​ഭ​വ​ങ്ങ​ൾ അ​ര​ങ്ങേ​റി​യ​ത്. അ​ദാ​നി കൊ​ടു​ക്കു​ന്ന എ​ല്ലാ മൊ​ഴി​ക​ൾ​ക്കും ത​ങ്ങ​ൾ​ക്ക് നി​ന്നു​കൊ​ടു​ക്കാ​ൻ സാ​ധ്യ​മ​ല്ല എ​ന്നും ല​ത്തീ​ൻ അ​തി​രൂ​പ​ത വി​കാ​രി ജ​ന​റ​ൽ യൂ​ജി​ൻ പെ​രേ​ര പ​റ​ഞ്ഞു.