രണ്ടു പ്രതികളുടെ വധശിക്ഷ പുനഃപരിശോധിക്കാൻ ഹൈകോടതി

കൊച്ചി: വധശിക്ഷക്കു വിധിക്കപ്പെട്ട രണ്ടു പ്രതികളുടെ ശിക്ഷ ഉറപ്പാക്കും മുമ്പ് ശിക്ഷ ലഘൂകരിക്കേണ്ടതുണ്ടോയെന്ന അന്വേഷണം (മിറ്റിഗേഷൻ അന്വേഷണം) നടത്താൻ ഹൈകോടതി ഉത്തരവിട്ടു.

സംസ്ഥാനത്തെ നീതിന്യായ ചരിത്രത്തിൽ ആദ്യമായാണ് ഇത്തരമൊരു നടപടി. ആറ്റിങ്ങൽ ഇരട്ടക്കൊലക്കേസ് പ്രതി നിനോ മാത്യു, പെരുമ്പാവൂരിൽ നിയമ വിദ്യാർഥിനിയെ പീഡിപ്പിച്ചു കൊലപ്പെടുത്തിയ കേസിലെ പ്രതി മുഹമ്മദ് അമീറുൽ ഇസ്ലാം എന്നിവരുടെ കാര്യത്തിലാണ് ജസ്റ്റിസ് അലക്‌സാണ്ടർ തോമസ്, ജസ്റ്റിസ് സി. ജയചന്ദ്രൻ എന്നിവർ ഉൾപ്പെട്ട ഡിവിഷൻ ബെഞ്ചിന്റെ സുപ്രധാന ഉത്തരവ്. ജയിലിൽ കഴിയുന്ന ഇരുവരുടെയും സാമൂഹിക-സാമ്പത്തിക -കുടുംബപശ്ചാത്തലം, മനോനില, ക്രിമിനൽ പശ്ചാത്തലം, പീഡനം, അവഗണന തുടങ്ങിയവ നേരിട്ടതിന്റെ ചരിത്രം തുടങ്ങിയവ പരിശോധിക്കാനാണ് സ്വതന്ത്ര അന്വേഷണത്തിന് ഉത്തരവിട്ടത്. ഡൽഹിയിലെ നാഷനൽ ലോ യൂനിവേഴ്‌സിറ്റിയുടെ ഭാഗമായ ‘പ്രോജക്ട് 39 എ’ എന്ന ഏജൻസിയാണ് അന്വേഷണം നടത്തുന്നത്.

പൂജപ്പുര സെൻട്രൽ ജയിലിൽ കഴിയുന്ന നിനോ മാത്യുവിന്റെ റിപ്പോർട്ട് നൽകാൻ ഏജൻസി അംഗമായ സി.പി. ശ്രുതിയെയും വിയ്യൂർ ജയിലിൽ കഴിയുന്ന അമീറുൾ ഇസ്ലാമിന്റെ റിപ്പോർട്ട് നൽകാൻ മറ്റൊരു അംഗമായ നൂരിയ അൻസാരിയെയുമാണ് ചുമതലപ്പെടുത്തിയത്. ഇവർ രണ്ടു മാസത്തിനകം റിപ്പോർട്ട് നൽകണം. ഇവർക്ക് പ്രതികളെ ജയിലിൽ സന്ദർശിക്കാനും അഭിമുഖം നടത്താനും ആരോഗ്യവിവരങ്ങൾ ഉൾപ്പെടെയുള്ള രേഖകൾ പരിശോധിക്കാനും ജയിൽ അധികൃതർ അനുമതി നൽകണമെന്ന് നിർദേശിച്ചിട്ടുണ്ട്. ഹരജികളിൽ നേരത്തേ രണ്ടു അമിക്കസ് ക്യൂറിമാരെയും നിയോഗിച്ചിരുന്നു.

മി​റ്റി​ഗേ​ഷ​ൻ അ​ന്വേ​ഷ​ണം എ​ന്നാ​ൽ

വ​ധ​ശി​ക്ഷ ഇ​ള​വ്​ ചെ​യ്യാ​ൻ മ​തി​യാ​യ മ​റ്റു കാ​ര​ണ​ങ്ങ​ളു​ണ്ടോ​യെ​ന്ന അ​ന്വേ​ഷ​ണ​മാ​ണി​ത്. പ്ര​തി എ​ങ്ങ​നെ ക്രി​മി​ന​ലാ​യി മാ​റി​യെ​ന്ന​ത​ട​ക്ക​മു​ള്ള വ​സ്തു​ത​ക​ൾ പ​രി​ശോ​ധി​ക്കും. ആ​റ്റി​ങ്ങ​ൽ, പെ​രു​മ്പാ​വൂ​ർ കേ​സു​ക​ളി​ൽ പ്ര​തി​ക​ളു​ടെ സാ​ഹ​ച​ര്യ​മെ​ന്തെ​ന്ന അ​ന്വേ​ഷ​ണം ന​ട​ന്നി​ട്ടി​ല്ലെ​ന്ന്​ ഹൈ​കോ​ട​തി വി​ല​യി​രു​ത്തി.

വ​ധ​ശി​ക്ഷ ന​ട​പ്പാ​ക്കു​ന്ന​തി​ൽ ഹൈ​കോ​ട​തി തീ​രു​മാ​ന​മെ​ടു​ക്കു​ന്ന​തു​വ​രെ പ്രോ​ജ​ക്ട് 39 എ ​അം​ഗ​ങ്ങ​ൾ ന​ൽ​കി​യ റി​പ്പോ​ർ​ട്ടു​ക​ൾ ഹൈ​കോ​ട​തി ര​ജി​സ്ട്രി മു​ദ്ര​വെ​ച്ച ക​വ​റി​ൽ സൂ​ക്ഷി​ക്ക​ണം. പ​ക​ർ​പ്പു​ക​ൾ പ്രോ​സി​ക്യൂ​ഷ​നും പ്ര​തി​ഭാ​ഗ​ത്തി​നും ന​ൽ​ക​ണം. അ​വ​രും റി​പ്പോ​ർ​ട്ട് ര​ഹ​സ്യ​മാ​ക്കി വെ​ക്ക​ണം. അ​പ്പീ​ൽ തീ​രു​മാ​നി​ക്കു​ന്ന അ​ന്തി​മ​ഘ​ട്ട​ത്തി​ൽ കോ​ട​തി ഈ ​റി​പ്പോ​ർ​ട്ടു​ക​ൾ പ​രി​ഗ​ണി​ക്കും. ഇ​തി​നു പു​റ​മെ പ്ര​തി​ക​ളു​ടെ മ​നോ​നി​ല, തൊ​ഴി​ൽ, ജ​യി​ലി​ലെ പെ​രു​മാ​റ്റം തു​ട​ങ്ങി​യ കാ​ര്യ​ങ്ങ​ളി​ൽ സ​ർ​ക്കാ​റും റി​പ്പോ​ർ​ട്ടു​ക​ൾ ന​ൽ​ക​ണം. ഹൈ​കോ​ട​തി​യു​ടെ അ​നു​മ​തി​യോ​ടെ​യാ​ണ് വ​ധ​ശി​ക്ഷ ന​ട​പ്പാ​ക്കേ​ണ്ട​ത്. പ്ര​തി​ക​ൾ ന​ൽ​കി​യ അ​പ്പീ​ലു​ക​ളും കോ​ട​തി​യി​ലെ​ത്തും.