തൃശൂർ പൂരം അലങ്കോലമാക്കിയവർക്കെതിരെ നടപടി: ഹൈകോടതി വിശദീകരണം തേടി

കൊച്ചി: തൃശൂർ പൂരം അലങ്കോലമാക്കിയവർക്കെതിരെ നടപടിയെടുക്കണമെന്നാവശ്യപ്പെടുന്ന ഹരജിയിൽ ഹൈകോടതി സർക്കാറിന്റെ വിശദീകരണം തേടി. ബി.ജെ.പി നേതാവ് ബി. ഗോപാലകൃഷ്ണൻ നൽകിയ ഹരജിയാണ്​ കോടതി പരിഗണിച്ചത്​.

തൃശൂർ പൂരത്തിനിടെയുണ്ടായ സംഭവത്തിൽ ജുഡീഷ്യൽ അന്വേഷണവും സിറ്റി പൊലീസ് കമീഷണർ ഉൾപ്പെടെയുള്ളവർക്കെതിരെ വകുപ്പുതല അന്വേഷണവും നടത്താൻ ഉത്തരവിടണമെന്നതടക്കം ചൂണ്ടിക്കാട്ടിയാണ് ഹരജി.

സംഭവത്തിനുപിന്നിൽ അദൃശ്യ കരങ്ങൾ പ്രവർത്തിച്ചിട്ടു​ണ്ടെന്നും പൊലീസ് അന്വേഷണം ഇക്കാര്യത്തിൽ മതിയാവില്ലെന്നും ഹരജിയിൽ പറയുന്നു. ഹരജി വീണ്ടും മേയ്​ 22ന്​ പരിഗണിക്കും.