Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightവിമാനങ്ങളിൽ ഇന്ധനം...

വിമാനങ്ങളിൽ ഇന്ധനം നിറക്കുന്ന യുവഎൻജിനീയർമാരെ കഞ്ചാവ്​ കേസിൽ കുടുക്കി; വിവാഹം മുടങ്ങി, ഒടുവിൽ നിരപരാധികളെന്ന്​​ ഹൈകോടതി

text_fields
bookmark_border
വിമാനങ്ങളിൽ ഇന്ധനം നിറക്കുന്ന യുവഎൻജിനീയർമാരെ കഞ്ചാവ്​ കേസിൽ കുടുക്കി; വിവാഹം മുടങ്ങി, ഒടുവിൽ നിരപരാധികളെന്ന്​​ ഹൈകോടതി
cancel

കൊച്ചി: നെടുമ്പാശ്ശേരി വിമാനത്താവളത്തി​െല മൂന്ന്​ യുവ എൻജിനീയർമാർക്കെതിരെ രജിസ്​റ്റർ ചെയ്ത കഞ്ചാവുകേസ് ഹൈകോടതി റദ്ദാക്കി. വിമാനങ്ങളിൽ ഇന്ധനം നിറക്കുന്ന ചുമതലയിലുണ്ടായിരുന്ന ബംഗളൂരു സ്വദേശി റിഷ്വന്ത് റെഡ്‌ഡി, തമിഴ്നാട് സ്വദേശികളായ എസ്. ജഗദീശൻ, ഭരത് എന്നിവർക്കെതിരെ ആലുവയിലെ എക്സൈസ് സർക്കിൾ ഒാഫിസ് രജിസ്​റ്റർ ചെയ്​ത കേസാണ്​ വ്യാജമെന്ന് കണ്ടെത്തി ജസ്​റ്റിസ്​ കെ. ഹരിപാൽ റദ്ദാക്കിയത്​.

ജോലിക്കുവേണ്ടി നെടുമ്പാശ്ശേരിയിലെത്തിയ മൂന്നുയുവാക്കളെ കള്ളക്കേസിൽ കുടുക്കിയത് ദൗർഭാഗ്യകരമായ സംഭവമാണെന്ന് കോടതി ചൂണ്ടിക്കാട്ടി. കേസെടുത്തതോടെ വിവാഹാലോചന മുടങ്ങിയതടക്കം ഇവർക്കും കുടുംബത്തിനുണ്ടായ നഷ്​ടവും മാനസികാഘാതവും പരിഹരിക്കാനാവാത്തതാണെന്നും സിംഗിൾ ബെഞ്ച് അഭിപ്രായപ്പെട്ടു.

2019 ജൂൺ 15ന് 13 ഗ്രാം കഞ്ചാവുമായി മൂന്നുപേരെയും പിടികൂടിയെന്നാണ് കേസ്. എന്നാൽ, ഇന്ധനം നിറക്കാൻ നിയോഗിച്ച കരാറുകാരെ മാറ്റി തങ്ങളെ നിയമിച്ചതിനെത്തുടർന്ന്​ ഗൂഢാലോചനയുടെ ഫലമായി എടുത്ത കള്ളക്കേസാണിതെന്ന്​ ചൂണ്ടിക്കാട്ടി എൻജിനീയർമാർ ഹൈകോടതിയെ സമീപിച്ചു. ഇത്​ കള്ളക്കേസാണെന്നും കുറ്റക്കാർക്കെതിരെ നടപടി ആരംഭിച്ചെന്നും അഡീഷനൽ എക്സൈസ് കമീഷണറും റിപ്പോർട്ട് നൽകി. ഇൗ വാദങ്ങൾ കണക്കിലെടുത്താണ് റദ്ദാക്കിയത്.

ഹൈകോടതി നിർദേശം പാലിക്കാതെ വിചാരണക്കോടതിയിൽ കുറ്റപത്രം നൽകിയ മുൻ അസിസ്​റ്റൻറ്​ എക്സൈസ് കമീഷണർ (എൻഫോഴ്സ്‌മെൻറ്​) ടി.എസ്. ശശികുമാറിന് കോടതിയലക്ഷ്യ നടപടിയുടെ ഭാഗമായി കാരണം കാണിക്കൽ നോട്ടീസ് നൽകാനും ഉത്തരവിട്ടു. സർവിസിൽനിന്ന് വിരമിച്ച ശശികുമാറിന് നിലവിലെ അസിസ്​റ്റൻറ്​ എക്സൈസ് കമീഷണർ വഴി നോട്ടീസ് നൽകാനും 15 ദിവസത്തിനകം മറുപടി ലഭ്യമാക്കാനുമാണ് നിർദേശം. കേസ് ഈ മാസം​ 25ന്​ വീണ്ടും പരിഗണിക്കാൻ മാറ്റി.

Show Full Article
TAGS:cannabis Marijuna fake case 
News Summary - High court rules cannabis case against young engineers is baseless
Next Story