വനിത മജിസ്​​േ​ട്രറ്റിനെ തടഞ്ഞുവെച്ച സംഭവം: റിപ്പോർട്ടുകൾ ചീഫ്​ ജസ്​റ്റി​സിെൻറ പരിഗണനയിൽ

െ​കാച്ചി: തിരുവനന്തപുരം വഞ്ചിയൂർ ജുഡീഷ്യൽ ഒന്നാം ക്ലാസ്​ മജിസ്​​േ​ട്രറ്റ്​ കോടതിയിൽ വനിത മജിസ്​​േ​ട്രറ്റ ിനെ അഭിഭാഷകനേതാക്കൾ തടഞ്ഞുവെച്ച സംഭവത്തിൽ ചീഫ്​ ജുഡീഷ്യൽ മജിസ്​ട്രേറ്റി​​​െൻറ റിപ്പോർട്ടുകൾ ഹൈകോടതി ചീഫ് ​ ജസ്​റ്റിസി​​െൻറ പരിഗണനയിൽ.

പ്രതിയുടെ ജാമ്യം റദ്ദാക്കി റിമാൻഡ്​ ചെയ്​ത മജിസ്​​േ​ട്രറ്റ്​ കോടതി ഉത്ത രവുമായി ബന്ധപ്പെട്ട പ്രശ്​നം മജിസ്​​േ​ട്രറ്റിനെ തടഞ്ഞുവെക്കലടക്കം നടപടികളിലേക്ക്​ നീണ്ടതിനെപറ്റി ചീഫ്​ ജു ഡീഷ്യൽ മജിസ്​ട്രേറ്റും ജുഡീഷ്യൽ ഒന്നാം ക്ലാസ്​ മജിസ്​​േ​ട്രറ്റും റിപ്പോർട്ടുകൾ നൽകിയിരുന്നു. മജിസ്​ട്രേറ് റുമാരുടെ സംഘടനയായ കേരള ജുഡീഷ്യൽ ഓഫിസേഴ്​സ്​ അസോസിയേഷൻ നൽകിയ പരാതിയും ചീഫ്​ ജസ്​റ്റിസി​​െൻറ പരിഗണനയിലുണ്ട് ​.
സംഭവത്തി​​െൻറ വിശദാംശങ്ങളാണ്​ മജിസ്​​േട്രറ്റുമാരുടെ റിപ്പോർട്ടിലുള്ളത്​.

മുറിക്കകത്ത്​ പൂട്ടിയി​ട്ടെന്നും പിന്നാലെ വന്ന്​ ആക്ഷേപി​െച്ചന്നും ​ൈകചൂണ്ടി ഭീഷണിപ്പെടുത്തിയെന്നുമുൾപ്പെടെയുള്ള ആരോപണങ്ങൾ ഇതിലുണ്ട്​. അതേസമയം, സ്വതന്ത്രവും ഭയരഹിതവുമായ നീതിനിർവഹണവും ഔദ്യോഗിക കൃത്യനിർവഹണവും സാധ്യമാകുന്ന തരത്തി​െല അന്തരീക്ഷം ഉറപ്പുവരുത്താൻ ​ൈഹകോടതി ഇടപെടണമെന്നാണ്​ അസോസിയേഷ​​െൻറ ആവശ്യം. തിരുവനന്തപുരം ബാർ അസോസിയേഷൻ ഭാരവാഹികളും അംഗങ്ങളുമാണ്​ മജിസ്​ട്രേറ്റിനെ തടഞ്ഞുവെച്ചതെന്നാണ്​​ ആരോപണം​. റിപ്പോർട്ടുകളും പരാതികളും പരിശോധിച്ച്​ ചീഫ്​ ജസ്​റ്റിസ്​ തുടർ നടപടി സ്വീകരിക്കും.

12 അഭിഭാഷകർക്കെതിരെ ജാമ്യമില്ലാ കേസ്​
തിരുവനന്തപുരം: വഞ്ചിയൂര്‍ കോടതിയില്‍ മജിസ്‌ട്രേറ്റിനെ തടഞ്ഞുെവക്കുകയും അപഹസിക്കുകയും ചെയ്​ത സംഭവത്തിൽ ബാർ അസോസിയേഷൻ ഭാരവാഹികൾ ഉൾപ്പെടെ കണ്ടാലറിയാവുന്ന 12 അഭിഭാഷകർക്കെതിരെ ജാമ്യമില്ലാ വകുപ്പുകൾ പ്രകാരം കേസെടുത്തു. ബാർ അസോസിയേഷൻ പ്രസിഡൻറ്​ അഡ്വ. കെ.പി. ജയചന്ദ്രൻ, സെക്രട്ടറി പാച്ചല്ലൂർ ജയകൃഷ്​ണൻ എന്നിവർ ഉൾപ്പെടെയുള്ളവർക്കെതിരെയാണ്​ കേസ്. തന്നെ തടഞ്ഞു​െവച്ച സംഭവത്തിൽ മജിസ്‌ട്രേറ്റ്​ ദീപ മോഹന്‍ കഴിഞ്ഞദിവസം തന്നെ ചീഫ് ജുഡീഷ്യല്‍ മജിസ്‌ട്രേറ്റിന്​ പരാതി നല്‍കിയിരുന്നു. ഈ പരാതി സി.ജെ.എം വഞ്ചിയൂർ പൊലീസിന്​ കൈമാറിയതിനെ തുടർന്നാണ്​ കേസെടുത്തത്​. കൃത്യനിർവഹണം തടസ്സപ്പെടുത്തൽ, തടഞ്ഞുവെക്കൽ, മോശമായ പദ​പ്രയോഗം നടത്തൽ തുടങ്ങിയ ജാമ്യമില്ലാ വകുപ്പുകൾ പ്രകാരമാണ്​ കേസ്​​.

അതേസമയം, വഞ്ചിയൂർ കോടതിയിൽ അഭിഭാഷകർ പ്രതിഷേധിച്ച സംഭവത്തില്‍ ഹൈകോടതിയും സ്വമേധയാ കേസെടുത്തു. ജുഡീഷ്യല്‍ ഓഫിസേഴ്‌സ് അസോസിയേഷന്‍ കത്ത് നല്‍കിയതിന് പിന്നാലെയാണ് ഹൈകോടതി കേസെടുത്തത്. ജുഡീഷ്യല്‍ ഓഫിസേഴ്‌സ് അസോസിയേഷ​​െൻറ കത്ത് ഹൈകോടതി വെള്ളിയാഴ്ച പരിഗണിക്കും.

കഴിഞ്ഞദിവസമാണ് വഞ്ചിയൂര്‍ കോടതിയില്‍ നാടകീയസംഭവങ്ങള്‍ അരങ്ങേറിയത്. സാക്ഷിയെ ഭീഷണിപ്പെടുത്തിയെന്ന മൊഴിയുടെ അടിസ്ഥാനത്തിൽ വാഹനാപകട കേസിലെ പ്രതിയായ കെ.എസ്​.ആർ.ടി.സി ഡ്രൈവറുടെ ജാമ്യം കോടതി റദ്ദാക്കിയതാണ്​ പ്രതിഷേധത്തിന്​ കാരണമായത്​. പ്രതിഭാഗം അഭിഭാഷകനെ വാദിക്കാൻ പോലും അനുവദിച്ചില്ലെന്നാരോപിച്ച്​ ബാർ അസോസി​േയഷൻ ഭാരവാഹികളുടെ നേതൃത്വത്തിൽ ഒരുസംഘം അഭിഭാഷകര്‍ മജിസ്‌ട്രേറ്റി​​െൻറ ചേംബറില്‍ കയറി പ്രതിഷേധിക്കുകയായിരുന്നു. തുടര്‍ന്ന് മജിസ്‌ട്രേറ്റ് ചേംബര്‍ വിട്ടിറങ്ങുകയും ചീഫ് ജുഡീഷ്യല്‍ മജിസ്‌ട്രേറ്റിന് പരാതി നല്‍കുകയുമായിരുന്നു.

തുടർന്ന്​, ചീഫ്​ ജുഡീഷ്യൽ മജിസ്​ട്രേറ്റ്​​ കോടതി അഭിഭാഷകരുമായി ചർച്ചനടത്തുകയും അതിന്​ ശേഷം പ്രതിക്ക്​ ജാമ്യം അനുവദിക്കുകയും ചെയ്​തു. എന്നാൽ മജിസ്​ട്രേറ്റിനെതിരെ ശക്​തമായ നിലപാടാണ്​ ബാർ അസോസിയേഷൻ ഭാരവാഹികൾ കൈക്കൊണ്ടത്​. അതി​​െൻറ അടിസ്​ഥാനത്തിൽ വ്യാഴാഴ്​ചയും അഭിഭാഷകര്‍ മജിസ്​ട്രേറ്റി​​െൻറ കോടതി ബഹിഷ്​കരിച്ചു. കോടതി ബഹിഷ്​​കരിക്കണമെന്ന്​ ആഹ്വാനംചെയ്​തുള്ള ബാനറുകളും വഞ്ചിയൂർ കോടതി വളപ്പിൽ സ്​ഥാപിച്ചിരുന്നു.