സ്ത്രീ വിവേചനം ഒഴിവാക്കാൻ സർക്കാറിന്​ ബാധ്യത -ഹൈകോടതി

കൊച്ചി: സ്ത്രീ വിവേചനപരമായ നിയമങ്ങള്‍ ഇല്ലാതാക്കാനുള്ള ഉത്തരവാദിത്തത്തി​െനാപ്പം സ്ത്രീ -പുരുഷ സമത്വം ഉറപ്പാക്കാനുള്ള നടപടികളും സർക്കാർ സ്വീകരിക്കണമെന്ന്​ ഹൈകോടതി. സ്ത്രീകള്‍ക്കെതിരായ എല്ലാ വിവേചനവും ഒഴിവാക്കുന്നത് സംബന്ധിച്ച ഐക്യരാഷ്​ട്ര സഭാ ഉടമ്പടിക്ക്​ (സി.ഇ.ഡി.എ.ഡബ്ല്യു) 1993ല്‍ ഇന്ത്യ  അംഗീകാരം നൽകിയ സാഹചര്യത്തിൽ വിവിധ തലങ്ങളിൽ സ്ത്രീകൾ നേരിടുന്ന വിവേചനം ഒഴിവാക്കാന​ുള്ള ബാധ്യതയും സർക്കാറിനു​ണ്ടെന്ന്​ കോടതി വ്യക്​തമാക്കി.

സ്ത്രീകളെ പാലസ് അഡ്മിനിസിട്രേറ്റീവ് ബോര്‍ഡ് ട്രസ്​റ്റിയാകാന്‍ അനുവദിക്കാത്ത വലിയമ്മ തമ്പുരാന്‍ കോവിലകം എസ്‌റ്റേറ്റ് ആൻറ്​ ദ പാലസ് ഫണ്ട് (പാര്‍ടിഷന്‍) ആക്ടിലെ നാലാം വകുപ്പ്​ ചോദ്യം ചെയ്ത് കൊച്ചി രാജകുടുംബത്തിലെ കൊച്ചമ്മിണി തമ്പുരാന്‍, മങ്കുട്ടി തമ്പുരാന്‍ തുടങ്ങി 10 പേര്‍ സമര്‍പ്പിച്ച ഹരജിയിലാണ് സിംഗിൾബെഞ്ചി​​​​െൻറ നിരീക്ഷണം. വിവേചനപരമെന്ന്​ ഹരജിക്കാര്‍ ചൂണ്ടിക്കാട്ടിയ വകുപ്പ് ഭരണഘടനാവിരുദ്ധമാണെന്ന് പ്രഖ്യാപിച്ച കോടതി ഒരു മാസത്തിനകം ബോര്‍ഡ് പുനസംഘടിപ്പിക്കാനും നിർദേശിച്ചു.

വിവേചനം അവസാനിപ്പിക്കുന്ന രീതിയില്‍ നിയമഭേഗതി ലക്ഷ്യമിട്ടിരുന്നതായി സര്‍ക്കാര്‍ കോടതിയെ അറിയിച്ചു. മുമ്പ് രണ്ടു തവണ ബില്‍ കൊണ്ടുവന്നെങ്കിലും ലാപ്‌സായി. ഇൗ സാഹചര്യത്തിൽ കൂടുതല്‍ സമയം വേണമെന്ന്​ സര്‍ക്കാര്‍ ആവശ്യപ്പെട്ടു. ബില്‍ ലാപ്‌സായതു ​േപാലും വിവേചനമാണെന്ന് കോടതി ചൂണ്ടിക്കാട്ടി. ഹരജിക്കാരുടെ നിവേദനം പോലുമില്ലാതെ സർക്കാർ നടപടികള്‍ സ്വീകരിക്കണ​മായിരുന്നു. ലിംഗ വിവേചനം ഒഴിവാക്കേണ്ട സര്‍ക്കാര്‍ കൂടുതല്‍ സമയം തേടുകയാണ് ചെയ്യുന്നത്. സര്‍ക്കാര്‍ വിഭാവനം ചെയ്യുന്ന നിയമ ഭേദഗതി പ്രകാരം ഒരു സ്ത്രീക്ക്​ ബോര്‍ഡ് അംഗമാവാം. പുരുഷ അംഗം സ്ത്രീ അംഗത്തെ നാമനിര്‍ദേശം ചെയ്യണമെന്നും പറയുന്നു. ഇത് മാറ്റി രാജ കുടുംബത്തിലെ അംഗങ്ങള്‍ നാമനിര്‍ദേശം ചെയ്താല്‍ മതിയെന്നാക്കണം.

അംഗങ്ങളെ നാമനിര്‍ദേശം ചെയ്യാനുള്ള അധികാരം നിലവില്‍ കുടുംബത്തിലെ മുതിര്‍ന്ന പുരുഷനാണുള്ളത്. ഇന്ത്യന്‍ ഭരണഘടന പ്രാബല്യത്തില്‍ വന്നിട്ടും ഈ സ്​ഥിതി തുടരുകയാണ്. 69 വര്‍ഷമായിട്ടും ഭരണത്തില്‍ പങ്കില്ലാത്ത അവസ്​ഥയിലാണ്​ കൊച്ചി മഹാരാജാവി​​​​െൻറ കുടുംബാംഗങ്ങളായ സ്ത്രീകൾ. വനിത രാഷ്​ട്രപതിയും പ്രധാനമന്ത്രിയുമൊക്കെ രാജ്യത്തിനുണ്ടാവുകയും രാജ്യത്തെ സ്ത്രീകള്‍ വിവിധ മേഖലകളില്‍ നേട്ടമുണ്ടാക്കുകയും പല നിയമങ്ങൾ നിലവിൽ വരികയും ചെയ്​തിട്ടും വിവേചനം തുടരുകയാണെന്ന്​ കോടതി അഭിപ്രായപ്പെട്ടു.