Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightനീതി വീണ്ടും ഡോ....

നീതി വീണ്ടും ഡോ. ജാനറ്റിനൊപ്പം; പ്രിൻസിപ്പൽ നിയമന അപേക്ഷ നിരസിച്ച നടപടി ഹൈകോടതി റദ്ദാക്കി

text_fields
bookmark_border
kerala High court
cancel
Listen to this Article

കൊച്ചി: കോടതി ശരിവെച്ചിട്ടും എക്‌സ്‌പീരിയൻസ് സർട്ടിഫിക്കറ്റിലെ സംശയം ചൂണ്ടിക്കാട്ടി നഴ്‌സിങ്​ കോളജ്​ പ്രിൻസിപ്പൽ നിയമനത്തിനുള്ള അപേക്ഷ നിരസിച്ച നടപടി ഹൈകോടതി റദ്ദാക്കി. പെരിന്തൽമണ്ണ സ്വദേശിനി ഡോ. ജാനറ്റിന്‍റെ അപേക്ഷ നിരസിച്ച സി-മെറ്റ് (സ്റ്റേറ്റ് ഇൻസ്റ്റിറ്റ‌്യൂട്ട് ഒഫ് മെഡിക്കൽ എജുക്കേഷൻ ആൻഡ് ടെക്‌നോളജി) അധികൃതരുടെ നടപടിയാണ്​ ജസ്റ്റിസ്​ ദേവൻ രാമചന്ദ്രൻ റദ്ദാക്കിയത്​. ജാനറ്റിന്റെ അപേക്ഷ വീണ്ടും പരിഗണിച്ച് ഒരു മാസത്തിനകം ഉചിതമായ നടപടിയെടുക്കാനും കോടതി നിർദേശിച്ചു. അപേക്ഷക്കൊപ്പം ഹാജരാക്കിയ പ്രവൃത്തിപരിചയ സർട്ടിഫിക്കറ്റ് വ്യാജമല്ലെന്ന് ഹൈകോടതി നേരത്തേ ഉത്തരവിട്ടിരുന്നതാണ്​.

മംഗലാപുരത്തെ ഒരു നഴ്‌സിങ്​ കോളജിൽ പഠിച്ചുകൊണ്ടിരിക്കുമ്പോഴാണ് ജാനറ്റ് സർക്കാർ സർവിസിൽ നഴ്‌സായി ജോലിക്കു പ്രവേശിച്ചത്. കോളജിൽ ഒരുവർഷത്തെ സർവിസ് ബോണ്ട് പൂർത്തിയാക്കി സർട്ടിഫിക്കറ്റും ഹാജരാക്കിയിരുന്നു. പിന്നീട് സി-മെറ്റിനു കീഴിലെ നഴ്‌സിങ്​ കോളജിൽ പ്രിൻസിപ്പലായി നിയമനം ലഭിച്ചെങ്കിലും പ്രവൃത്തിപരിചയ സർട്ടിഫിക്കറ്റ് വ്യാജമാണെന്ന്​ ചൂണ്ടിക്കാട്ടി പുറത്താക്കി.

തുടർന്ന്​ നൽകിയ ഹരജിയിൽ നഴ്‌സിങ്​ പഠനം പൂർത്തിയാകുന്നതിനു മുമ്പ് സർക്കാർ സർവിസിൽ ജോലി ലഭിച്ചതിനാൽ അടുത്ത അഞ്ചു വർഷത്തിനിടെ തനിക്കു സൗകര്യപ്രദമായ രീതിയിൽ സർവിസ് ബോണ്ട് പൂർത്തിയാക്കാൻ മംഗലാപുരത്തെ കോളജ് അധികൃതർ അനുവദിച്ചതാണെന്നും സാമ്പത്തിക നേട്ടമില്ലാതെ പലപ്പോഴായാണ് സർവിസ് പൂർത്തിയാക്കിയതെന്നും വിശദീകരിച്ചിരുന്നു. ഈ വാദം അംഗീകരിച്ചാണ്​ എക്സ്പീരിയൻസ്​ സർട്ടിഫിക്കറ്റ് വ്യാജമല്ലെന്ന്​ സിംഗിൾ ബെഞ്ചും ഡിവിഷൻ ബെഞ്ചും ഉത്തരവിട്ടത്​.

സമാന ഒഴിവുണ്ടാകുമ്പോൾ ഹരജിക്കാരിയുടെ അപേക്ഷ പരിഗണിക്കണമെന്നും നിർദേശിച്ചിരുന്നു. എന്നാൽ, മലമ്പുഴ കോളജിലെ പ്രിൻസിപ്പൽ ഒഴിവിലേക്ക് നൽകിയ അപേക്ഷ സർട്ടിഫിക്കറ്റ് വ്യാജമെന്ന് പറഞ്ഞു നിരസിച്ചതിനെ തുടർന്നാണ് ഹരജിക്കാരി വീണ്ടും കോടതിയെ സമീപിച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:High CourtDr Janetprincipal post
News Summary - High Court quashed the order rejecting the principal's appointment application of Dr. Janet
Next Story