ഡെ. രജിസ്ട്രാർ നിയമനം സാധുവാക്കിയ കേന്ദ്ര സർവകലാശാല ഉത്തരവ്​ ഹൈകോടതി റദ്ദാക്കി

കൊ​ച്ചി: കാ​സ​ർ​കോ​ട് കേ​ന്ദ്ര സ​ർ​വ​ക​ലാ​ശാ​ല ഡെ​പ്യൂ​ട്ടി ര​ജി​സ്ട്രാ​ർ വി.​എ​സ്. പ്ര​ദീ​പ്​ കു​മാ​റി​ന്‍റെ നി​യ​മ​നം സാ​ധു​വാ​ണെ​ന്ന സ​ർ​വ​ക​ലാ​ശാ​ല ഉ​ത്ത​ര​വ്​ ഹൈ​കോ​ട​തി റ​ദ്ദാ​ക്കി. ഡെ​പ്യൂ​ട്ടി ര​ജി​സ്ട്രാ​ർ നി​യ​മ​ന​ത്തി​നെ​തി​രെ കോ​യ​മ്പ​ത്തൂ​ർ സ്വ​ദേ​ശി​നി വി. ​പ്രി​യ​ദ​ർ​ശി​നി ന​ൽ​കി​യ ഹ​ര​ജി​യി​ലാ​ണ് ജ​സ്റ്റി​സ് സി.​പി. മു​ഹ​മ്മ​ദ്​ നി​യാ​സി​ന്‍റെ ഉ​ത്ത​ര​വ്. വി​ജ്ഞാ​പ​ന പ്ര​കാ​ര​മു​ള്ള ഉ​യ​ർ​ന്ന​ പ്രാ​യ​പ​രി​ധി ലം​ഘി​ച്ചും മ​തി​യാ​യ വി​ദ്യാ​ഭ്യാ​സ, പ്ര​വൃ​ത്തി​പ​രി​ച​യ യോ​ഗ്യ​ത​ക​ൾ പ​രി​ഗ​ണി​ക്കാ​​തെ​യു​മാ​ണ്​ നി​യ​മ​ന​മെ​ന്നാ​രോ​പി​ച്ചാ​ണ്​ ഹ​ര​ജി ന​ൽ​കി​യ​ത്.

യോ​ഗ്യ​ത​ക​ളു​ടെ അ​ടി​സ്ഥാ​ന​ത്തി​ൽ നി​യ​മ​നം പു​നഃ​പ​രി​ശോ​ധി​ക്കാ​നും ഉ​ചി​ത​മാ​യ തീ​രു​മാ​ന​മെ​ടു​ക്കാ​നും സ​ർ​വ​ക​ലാ​ശാ​ല​ക്ക്​ കോ​ട​തി നി​ർ​ദേ​ശം ന​ൽ​കി​യി​രു​ന്നു. നി​യ​മ​ന​ത്തി​നു​ള്ള പ്രാ​യ​പ​രി​ധി 50 വ​യ​സ്സ് ആ​ണെ​ന്നി​രി​ക്കെ വി.​എ​സ്. പ്ര​ദീ​പ്​ കു​മാ​റി​ന്​ നി​യ​മ​ന​സ​മ​യ​ത്ത് 52 വ​യ​സ്സു​ണ്ടാ​യി​രു​ന്നു​​വെ​ന്ന​താ​യി​രു​ന്നു ഹ​ര​ജി​യി​ലെ ആ​രോ​പ​ണം. 55 ശ​ത​മാ​നം മാ​ർ​ക്കോ​ടെ​യു​ള്ള ബി​രു​ദാ​ന​ന്ത​ര ബി​രു​ദ​മാ​ണ്​ വി​ദ്യാ​ഭ്യാ​സ യോ​ഗ്യ​ത.

എ​ന്നാ​ൽ, വി.​എ​സ്. പ്ര​ദീ​പ്​ കു​മാ​റി​ന് യു.​ജി.​സി അം​ഗീ​കൃ​ത ബി​രു​ദാ​ന​ന്ത​ര ബി​രു​ദം ഉ​ണ്ടാ​യി​രു​ന്നി​ല്ല. വി​ദൂ​ര വി​ദ്യാ​ഭ്യാ​സ​ത്തി​ലൂ​ടെ നേ​ടി​യ ബി​രു​ദാ​ന​ന്ത​ര ബി​രു​ദ​ത്തി​ന്​ ല​ഭി​ച്ച​ത്​ 54.5 ശ​ത​മാ​നം മാ​ർ​ക്കാ​ണ്. ഈ ​സാ​ഹ​ച​ര്യ​ത്തി​ൽ മ​തി​യാ​യ പ്ര​വൃ​ത്തി പ​രി​ച​യം അ​വ​കാ​ശ​പ്പെ​ടാ​നാ​വി​ല്ലെ​ന്നും ഹ​ര​ജി​ക്കാ​രി ചൂ​ണ്ടി​ക്കാ​ട്ടി. തു​ട​ർ​ന്നാ​ണ്​ ഇ​ക്കാ​ര്യം പു​നഃ​പ​രി​ശോ​ധി​ച്ച്​ തീ​രു​മാ​ന​മെ​ടു​ക്കാ​ൻ സിം​ഗി​ൾ ബെ​ഞ്ച്​ ഉ​ത്ത​ര​വി​ട്ട​ത്. ഉ​ത്ത​ര​വി​നെ​ത്തു​ട​ർ​ന്ന്​ നി​യ​മ​നം പു​നഃ​പ​രി​ശോ​ധി​ക്കാ​ൻ സ​ർ​വ​ക​ലാ​ശാ​ല ഒ​രു സ​മി​തി രൂ​പ​വ​ത്​​ക​രി​ച്ചു. നി​യ​മ​ന​ത്തി​ൽ​ മാ​ന​ദ​ണ്ഡ​ങ്ങ​ൾ പാ​ലി​ച്ചി​ട്ടു​ണ്ടെ​ന്ന സ​മി​തി​യു​ടെ ക​ണ്ടെ​ത്ത​ലി​ന്‍റെ അ​ടി​സ്ഥാ​ന​ത്തി​ൽ​ നി​യ​മ​നം ശ​രി​വെ​ച്ച്​ സ​ർ​വ​ക​ലാ​ശാ​ല വൈ​സ് ചാ​ൻ​സ​ല​ർ ഉ​ത്ത​ര​വ് പു​റ​​പ്പെ​ടു​വി​ച്ചു. ഇ​തി​നെ​തി​രെ​ ഹ​ര​ജി​ക്കാ​രി വീ​ണ്ടും ഹൈ​കോ​ട​തി​യെ സ​മീ​പി​ക്കു​ക​യാ​യി​രു​ന്നു.

പ്ര​ദീ​പ്​ കു​മാ​റി​ന്‍റെ വി​ദ്യാ​ഭ്യാ​സ യോ​ഗ്യ​ത​യും പ്ര​വൃ​ത്തി​പ​രി​ച​യ​വു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ പ​രി​ശോ​ധി​ക്ക​പ്പെ​ട്ട​താ​യി കാ​ണു​ന്നി​ല്ലെ​ന്നും നി​യ​മ​ന ന​ട​പ​ടി​ക്ര​മ​ങ്ങ​ളി​ൽ പ്രാ​യ​പ​രി​ധി ഇ​ള​വ്​ അ​നു​വ​ദി​ച്ച​തി​ന്​ കാ​ര​ണ​മൊ​ന്നും പ​റ​യു​ന്നി​ല്ലെ​ന്നും വി​ല​യി​രു​ത്തി​യ കോ​ട​തി വീ​ണ്ടും നി​യ​മ​നം പു​നഃ​പ​രി​ശോ​ധി​ക്കാ​ൻ സ​ർ​വ​ക​ലാ​ശാ​ല​ക്ക് നി​ർ​ദേ​ശം ന​ൽ​കി. ഇ​തി​ലും പ്ര​ദീ​പി​ന്​ അ​നു​കൂ​ല​മാ​യ ഉ​ത്ത​ര​വാ​ണ്​ സ​ർ​വ​ക​ലാ​ശാ​ല പു​റ​പ്പെ​ടു​വി​ച്ച​ത്. ഇ​തി​നെ​തി​രാ​യ ഹ​ര​ജി​യാ​ണ്​ ഇ​​പ്പോ​ൾ കോ​ട​തി പ​രി​ഗ​ണി​ച്ച​ത്.

പ്ര​ദീ​പി​ന്റെ നി​യ​മ​നം മാ​ന​ദ​ണ്ഡം മ​റി​ക​ട​ന്നു കൊ​ണ്ടാ​ണോ എ​ന്നും മ​തി​യാ​യ വി​ദ്യാ​ഭ്യാ​സ യോ​ഗ്യ​ത​യും പ്ര​വൃ​ത്തി​പ​രി​ച​യ​വു​മു​ണ്ടോ​യെ​ന്നും പൊ​തു​നി​യ​മ​ന​ത്തി​ന്​ പ​രി​ഗ​ണി​ച്ച വി​ജ്ഞാ​പ​ന പ്ര​കാ​രം വീ​ണ്ടും പ​രി​ശോ​ധി​ക്കാ​ൻ സ​ർ​വ​ക​ലാ​ശാ​ല​ക്ക്​ കോ​ട​തി നി​ർ​ദേ​ശം ന​ൽ​കി. മാ​ന​ദ​ണ്ഡ​ങ്ങ​ൾ പാ​ലി​ക്കാ​ത്ത നി​യ​മ​ന​മാ​​ണെ​ന്ന്​ ക​ണ്ടെ​ത്തി​യാ​ൽ നി​യ​മ​പ​ര​മാ​യ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും ആ​വ​ശ്യ​പ്പെ​ട്ടു.