നെടുങ്കണ്ടം കസ്​റ്റഡി മരണക്കേസ്​: മെഡിക്കൽ രേഖകൾ ഹാജരാക്കണമെന്ന്​ ഹൈകോടതി

കൊച്ചി: നെടുങ്കണ്ടം കസ്​റ്റഡി മരണക്കേസുമായി ബന്ധപ്പെട്ട എല്ലാ മെഡിക്കൽ രേഖകളും വ്യാഴാഴ്ചക്കകം ഹാജരാക്കണമ െന്ന്​ ഹൈകോടതി. മജിസ്‌​േട്രറ്റ്​ കോടതി നടപടികളുടെ വിശദാംശങ്ങൾ ഹാജരാക്കാനും ജസ്​റ്റിസ്​ ബി. സുധീന്ദ്രകുമാർ സർക്കാറിനോട്​ നിർദേശിച്ചു. കേസിലെ ഒന്നാം പ്രതി എസ്.ഐ കെ.എ. സാബു നൽകിയ ജാമ്യഹരജിയാണ്​ കോടതി പരിഗണിച്ചത്​. കസ്​ റ്റഡിയിൽ മരിച്ച രാജ്കുമാറിനെ അതിക്രൂരമായി മർദിച്ചതായി സർക്കാർ കോടതിയെ അറിയിച്ചു.

നെടുങ്കണ്ടം പൊലീസ് സാമ്പത്തിക തട്ടിപ്പുകേസിൽ കസ്​റ്റഡിയിലെടുത്ത രാജ്കുമാർ ജൂൺ 21 നാണ് മരിച്ചത്. പൊലീസി​​െൻറ ക്രൂരമർദനത്തെത്തുടർന്നാണ് മരണമെന്ന് വിലയിരുത്തി എസ്.ഐ സാബുവടക്കമുള്ളവർക്കെതിരെ പൊലീസ് കേസെടുത്തിരുന്നു. ജൂലൈ മൂന്നിന് അറസ്​റ്റിലായതിനെ തുടർന്ന് ജുഡീഷ്യൽ കസ്​റ്റഡിയിലാണെന്നും അന്വേഷണം ഏറക്കുറേ പൂർത്തിയായ സാഹചര്യത്തിൽ ജാമ്യം അനുവദിക്കണമെന്നും ആവശ്യപ്പെട്ടാണ്​ സാബു കോടതിയെ സമീപിച്ചത്​.

പൊലീസ് രാജ്​കുമാറിനെ ക്രൂരമായി മർദിച്ചെന്നും നടക്കാൻ പോലും സാധിക്കാത്ത അവസ്ഥയായിരുന്നുവെന്നും സർക്കാർ അറിയിച്ചതിനെ തുടർന്നാണ്​ മെഡിക്കൽ രേഖകളും മജിസ്​ട്രേറ്റ്​ കോടതി നടപടികളുടെ വിശദാംശങ്ങളും ഹാജരാക്കാൻ കോടതി നിർദേശിച്ചത്​. തുടർന്ന്​ ഹരജി വ്യാഴാഴ്​ച പരിഗണിക്കാനായി മാറ്റി. കേസന്വേഷണം സി.ബി.ഐക്ക്​ വിടണമെന്നാവശ്യപ്പെട്ട് രാജ്കുമാറി​​െൻറ മാതാവും ഭാര്യയും മക്കളും നൽകിയ ഹരജിയിൽ പോസ്​റ്റ്മോർട്ടം റിപ്പോർട്ടടക്കം കോടതി ആവശ്യപ്പെട്ടിട്ടുണ്ട്​.