അയൽസംസ്​ഥാനങ്ങളിൽനിന്ന്​ വരുന്നവരെ തടഞ്ഞ സംഭവം: ഹൈകോടതി ഇടപെടുന്നു

കൊച്ചി: അയൽ സംസ്ഥാനങ്ങളിൽനിന്ന്​ എത്തിയവരെ അതിർത്തിയിൽ തടഞ്ഞ സംഭവത്തിൽ ഹൈകോടതി ഇടപെടുന്നു. ലോക്ഡൗണുമായി ബന്ധപ്പെട്ട് ഇപ്പോൾ പരിഗണനയിലുള്ള സ്വമേധയാ ഹരജി വിളിച്ചുവരുത്തി ഇക്കാര്യം പരിഗണിക്കാൻ ഞായറാഴ്ച ഡിവിഷൻ ബെഞ്ച്​ സ്പെഷൽ സിറ്റിങ്​ നടത്തും. 

ജസ്​റ്റിസ് ഷാജി പി. ചാലി, ജസ്​റ്റിസ് എം.ആർ. അനിത എന്നിവരടങ്ങുന്ന ഡിവിഷൻ ബെഞ്ച് ഞായറാഴ്ച വിഡിയോ കോൺഫറൻസിങ്ങിലൂടെ രാവിലെ 11ന് ഹരജി പരിഗണിക്കും.