പാലാരിവട്ടം പാലത്തിൽ ഭാരപരിശോധന നടത്തി റിപ്പോർട്ട്​ നൽകണം -ഹൈകോടതി

കൊച്ചി: പാലാരിവട്ടം പാലം പൊളിക്കുന്നതിന്​ മുമ്പ്​ ഭാരപരിശോധന നടത്തി സർക്കാർ റിപ്പോർട്ട്​ സമർപ്പിക്കണമ െന്ന്​ ഹൈകോടതി. മൂന്നു മാസത്തിനകം പരിശോധന നടത്തണമെന്നും ഹൈകോടതി നിർദേശിച്ചു.

സര്‍ക്കാരിന് ഇഷ്ടമുള്ള ഏജന്‍സിയെക്കൊണ്ട് ബലപരിശോധന നടത്താമെന്നും ഇതി​​​െൻറ ചെലവ് കരാര്‍ കമ്പനിയായ ആർ.ഡി.എസില്‍ നിന്നും ഈടാക്കണമെന്നും കോടതി നിര്‍ദേശിച്ചു. പാലം പൊളിക്കാനുള്ള സർക്കാർ ഉത്തരവ്​ ചോദ്യം ചെയ്​ത്​ ഹരജികൾ പരിഗണിക്കവെയാണ്​ കോടതിയുടെ നിർദേശം.

വിദഗ്ധ സംഘത്തി​​​െൻറ പരിശോധനയുടെ അടിസ്ഥാനത്തിലാണ് പാലം പൊളിച്ചു പണിയാന്‍ തീരുമാനിച്ചത്​. ബലപരിശോധന നടത്തുന്നതില്‍ സുരക്ഷാപ്രശ്‌നമുണ്ടെന്നാണ് സര്‍ക്കാര്‍ ഹൈകോടതിയില്‍ നേരത്തേ അറിയിച്ചിരുന്നത്.