ഷുഹൈബ് വധം: സി.ബി.ഐ വേണ്ടെന്ന് ഹൈകോടതി; സുപ്രീംകോടതിയെ സമീപിക്കുമെന്ന് കുടുംബം

കൊച്ചി: മട്ടന്നൂർ ഷുഹൈബ്​ വധക്കേസിൽ സി.ബി.ഐ അന്വേഷണം വേണ്ടെന്ന്​ ഹൈകോടതി ഡിവിഷൻ ബെഞ്ച്​. അന്വേഷണം സി.ബി.ഐക്ക്​ വിട്ട സിംഗിൾ ബെഞ്ച്​ ഉത്തരവ്​ റദ്ദാക്കിയാണ്​ ചീഫ്​ ജസ്​റ്റിസ്​ ഋഷി​േകശ്​ റോയ്​, ജസ്​റ്റിസ്​ എ.കെ. ജയശങ്കരൻ നമ്പ്യാർ എന്നിവരടങ്ങുന്ന ബെഞ്ചി​​െൻറ വിധി​. സിംഗിൾ ബെഞ്ച്​ ഉത്തരവിനെതിരെ സംസ്​ഥാന സർക്കാറി​​െൻറ അപ്പീലാണ്​ കോടതി​ പരിഗണിച്ചത്​.​ പൊലീസ്​ അന്വേഷണത്തിലുള്ള ക്രിമിനൽ കേസ്​ സി.ബി.ഐക്കോ മറ്റ്​ ഏജൻസികൾക്കോ കൈമാറാനുള്ള ഹരജികളിൽ ജാഗ്രത കാട്ടണമെന്നും അസാധാരണ സാഹചര്യ​മോ നിലവിലെ അന്വേഷണത്തി​ൽ വീഴ്​ചയോ കൃത്യമായി ബോധ്യപ്പെടണമെന്ന​ുമുള്ള സുപ്രീംകോടതി നിർദേശം പാലിക്കാതെ നിഗമനങ്ങളുടെ അടിസ്​ഥാനത്തിൽ ധൃതിപിടി​ച്ച​ുള്ള ഉത്തരവാണ്​​ സിംഗിൾ ബെഞ്ചി​േൻറതെന്ന്​ ഡിവിഷൻ ബെഞ്ച്​ നിരീക്ഷിച്ചു.

2010 ഫെബ്രുവരി 12നാണ്​ ഷുഹൈബ് കൊല്ലപ്പെട്ടത്. ഷുഹൈബി​​െൻറ മാതാപിതാക്കളായ സി.പി. മുഹമ്മദും റസിയയും സമര്‍പ്പിച്ച ഹരജിയിലാണ് 2018 മാർച്ച് ഏഴിന് സിംഗിൾ ബെഞ്ച്​ അന്വേഷണം സി.ബി.ഐക്ക്​ വിട്ടത്​്​​. ആരോപണ വിധേയരായവർക്ക്​ ഭരിക്കുന്ന പാർട്ടിയുമായി ബന്ധമുള്ള സാഹചര്യത്തിൽ സംസ്​ഥാന പൊലീസി​​െൻറ അന്വേഷണം ഫലപ്രദമാകില്ലെന്ന ആശങ്കയിൽ കഴമ്പുണ്ടെന്നായിരുന്നു സിംഗിൾ ബെഞ്ചി​​െൻറ വിലയിരുത്തൽ. നിയമവിരുദ്ധ പ്രവർത്തനങ്ങൾ തടയൽ (യു.എ.പി.എ) നിയമപ്രകാരം അന്വേഷിക്കണമെന്നും സിംഗിൾ ബെഞ്ച്​ ചൂണ്ടിക്കാട്ടിയിരുന്നു.

എന്നാൽ, പ്രതികളുടെ ഉദ്ദേശ്യം ഭീകരാക്രമണമാണെന്ന്​ തെളിയിക്കാനാവുന്ന വസ്​തുതകൾ കോടതിയുടെ മുന്നിലില്ലാതിരിക്കെ യു.എ.പി.എ കുറ്റം ചുമത്തണമെന്ന്​ നിർദേശിക്കാനാവില്ലെന്ന്​ ഡിവിഷൻ ബെഞ്ച്​ വ്യക്തമാക്കി. അന്വേഷണത്തി​​െൻറ ആദ്യഘട്ടത്തിൽ തന്നെയാണ്​ സി.ബി.ഐ അന്വേഷണം ആവശ്യപ്പെട്ട്​ ഹരജി എത്തിയത്​. അതിനാൽ, നിലവിലെ അന്വേഷണം ശരിയായ ദിശയിലല്ലെന്ന്​ വിലയിരുത്താനാവുന്ന വിധം പൂർണമായ രേഖകൾ സിംഗിൾ ബെഞ്ചിന്​ മുന്നിൽ ഉണ്ടായിരുന്നില്ല.​ ഹരജിയില്‍ നിലപാട് വ്യക്തമാക്കാന്‍ സര്‍ക്കാറിന് അവസരം നല്‍കുകയോ കേസ് ഡയറി പരിശോധിക്കുകയോ ചെയ്​തിട്ടില്ല​. ഉന്നത സി.പി.എം നേതാക്കളുമായി പ്രതികള്‍ക്ക് അടുത്ത ബന്ധമുണ്ടെന്ന്​ ആരോപിക്കുന്നു​െവങ്കിലും തെളിവുകൾ ഹാജരാക്കിയിരുന്നില്ല. മാത്രമല്ല, ഗൂഢാലോചന നടത്തിയെന്ന്​ ആരോപിക്കുന്നവരെ ഹരജിയിൽ കക്ഷിചേർക്കാത്തതിനാൽ അവരുടെ വിശദീകരണം​ കേട്ടിട്ടുമില്ല.

മുഖ്യപ്രതികളെ അറസ്​റ്റ്​ ചെയ്തയുടൻ ആയുധങ്ങൾ കണ്ടെടുത്തില്ലെന്നതാണ് അന്വേഷണം ശരിയായ രീതിയിലല്ലെന്ന ആരോപണത്തി​​െൻറ അടിസ്ഥാനം. എന്നാൽ, സംഭവം നടന്ന് മൂന്നാഴ്ചക്കകം ആറ്​ പ്രതികളെ അറസ്​റ്റ്​ ചെയ്ത് ആയുധങ്ങൾ കണ്ടെത്തിയ കാര്യം സിംഗിൾ ബെഞ്ച്​ കണക്കിലെടുത്തിട്ടില്ല. പൊലീസ് കുറ്റപത്രം സമർപ്പിച്ചെങ്കിലും ഒരുഘട്ടത്തിലും ഹരജിക്കാർ ഇതിനെതിരെ മജിസ്ട്രേട്ട് കോടതിയെ സമീപിച്ചിട്ടില്ല. തുടരന്വേഷണ ആവശ്യവും ഉണ്ടായില്ല. ഇൗ നിഷ്ക്രിയ നിലപാട് അന്വേഷണം ശരിയായ ദിശയിലല്ലെന്ന ഹരജിക്കാരുടെ വാദത്തി​​െൻറ ഉദ്ദേശ്യശുദ്ധിയെ ചോദ്യംചെയ്യുന്നതാണെന്നും ഡിവിഷൻ ബെഞ്ച് ചൂണ്ടിക്കാട്ടി.

പൊതു പണമുപയോഗിച്ച്​ സർക്കാർ നീതി അട്ടിമറിച്ചു - ഷുഹൈബി​​െൻറ പിതാവ്​
കണ്ണൂർ: എടയന്നൂരിലെ യൂത്ത്​ കോൺഗ്രസ്​ നേതാവ്​ ഷുഹൈബ്​ വധക്കേസിൽ സി.ബി.ഐ ​അന്വേഷണത്തിന്​ തടയിട്ട സംസ്​ഥാന സർക്കാർ പൊതുപണമുപയോഗിച്ച്​ നീതി അട്ടിമറിച്ചിരിക്കുകയാണെന്ന്​ പിതാവ്​ സി.പി. മുഹമ്മദ്​. കേസിൽ സി.ബി.ഐ അന്വേഷണം വേണ്ടെന്ന ഹൈകോടതി വിധിയെക്കുറിച്ച്​ പ്രതികരിക്കുകയായിരുന്നു അദ്ദേഹം. അവരുടെ കൈയിൽ ഭരണമുണ്ട്​. സർക്കാർ ഖജനാവിലെ പണമുണ്ട്​. സുപ്രീംകോടതിയിൽ നിന്നുവരെ വലിയ വക്കീലുമാരെ കൊണ്ടുവന്നു വാദിച്ച്​ ഞങ്ങളെ തോൽപിച്ചു. നിരാശയുണ്ട്​, എങ്കിലും തളരില്ല. പിന്മാറാൻ ഒരുക്കവുമല്ല. സുപ്രീംകോടതിയെ സമീപിക്കും. അവിടെ​ നിന്ന്​ നീതി കിട്ടുമെന്ന പ്രതീക്ഷയുണ്ട്​. പൊലീസ്​ അന്വേഷണത്തിൽ ​വാടകക്കൊലയാളികളെ മാത്രമാണ്​ പിടികൂടിയത്​. കൊല്ലാൻ കൽപിച്ചവരെ തൊട്ടിട്ടില്ല. എന്തിന്​ എ​​െൻറ മകനെ കൊന്നു​വെന്ന്​ ഇപ്പോഴും ഞങ്ങൾക്കറിയില്ല. അത്​ അറിയണം. അതിന്​ കൊല്ലിച്ചവരെ പിടികൂടണം. അതുവരെ പിന്നോട്ടില്ല.

ഷുഹൈബിനെ കൊന്നത്​ തങ്ങളല്ലെന്നാണ്​ സി.പി.എം ആദ്യം പറഞ്ഞത്​. പിന്നീട്​ പാർട്ടി അ​ന്വേഷണം നടത്തി​ നേതൃത്വത്തിന്​ പങ്കില്ലെന്ന്​ വിശദീകരിച്ചു. കൊലപാതകത്തിൽ പ​ങ്കെടുത്ത ഏതാനും പ്രവർത്തകരെ പുറത്താക്കിയെന്ന്​ പറഞ്ഞു. എല്ലാം കണ്ണിൽ പൊടിയിടൽ തന്ത്രം മാത്രമായിരുന്നു. ​പുറത്താക്കിയെന്ന്​ പറയപ്പെടുന്നവർക്ക്​ എല്ലാ സഹായവും പാർട്ടി തന്നെ നൽകുന്നു. സി.ബി.ഐ വരാതിരിക്കാൻ സർക്കാർ ഖജനാവിൽനിന്ന്​ കോടികളെടുത്ത്​ വാദിക്കുന്നു. പിന്നെന്ത്​ നീതിയാണ്​ ഞങ്ങൾക്ക്​ കിട്ടുക. യഥാർഥ പ്രതികൾ ഇപ്പോഴും സ്വതന്ത്രമായി വിഹരിക്കുകയാ​െണന്നും ഷുഹൈബി​​െൻറ പിതാവ്​ പറഞ്ഞു.

ഷുഹൈബ് വധം: വിധിക്കെതിരെ അപ്പീല്‍ പോകും -രമേശ് ചെന്നിത്തല
തിരുവനന്തപുരം: ഷുഹൈബ് വധക്കേസിൽ സി.ബി.ഐ അന്വേഷണം വേണ്ടെന്ന ഹൈകോടതി ഡിവിഷന്‍ ​െബഞ്ച് വിധിക്കെതിരെ സുപ്രീംകോടതിയില്‍ അപ്പീല്‍ നല്‍കുമെന്ന് പ്രതിപക്ഷനേതാവ് രമേശ് ചെന്നിത്തല പറഞ്ഞു. വിധിപകര്‍പ്പ് പരിശോധിച്ചശേഷം അപ്പീൽകാര്യം ഗൗരവമായി ആലോചിക്കും. ഷുഹൈബി​​െൻറ കുടുംബവും സുപ്രീംകോടതിയില്‍ പോകുന്നതിനെപ്പറ്റി ആലോചിക്കുന്നുണ്ട്​. കുടുംബത്തിന് എല്ലാ സഹായവും കോണ്‍ഗ്രസ്​ നൽകുമെന്നും ചെന്നിത്തല പറഞ്ഞു.

നീതിക്കുവേണ്ടിയുള്ള നിലവിളിക്കേറ്റ തിരിച്ചടി -ഉമ്മന്‍ ചാണ്ടി
തിരുവനന്തപുരം: ഷുഹൈബ്​ വധക്കേസ്​ അന്വേഷണം സി.ബി.ഐക്ക്​ വിടേണ്ടതില്ലെന്ന ഹൈകോടതി ഡിവിഷന്‍ ​െബഞ്ചി​​െൻറ ഉത്തരവ് നീതിക്കുവേണ്ടിയുള്ള ഒരു പാവപ്പെട്ട പിതാവി​​െൻറ നിലവിളിക്കേറ്റ തിരിച്ചടിയാണെന്ന്​ എ.ഐ.സി.സി ജന. സെക്രട്ടറി ഉമ്മന്‍ ചാണ്ടി. ഇടതുസര്‍ക്കാര്‍ 56 ലക്ഷം രൂപ കൊടുത്തുവാങ്ങിയ വിധിയാണിത്. ഇതിനെതിരെ നിയമപോരാട്ടം നടത്താന്‍ ഷുഹൈബി​​െൻറ പിതാവിന് എല്ലാ പിന്തുണയും നൽകുമെന്നും ഉമ്മന്‍ ചാണ്ടി പ്രതികരിച്ചു.

വിധി നിർഭാഗ്യകരം, നീതിനിഷേധം -സുധീരൻ
തിരുവനന്തപുരം: ഷുഹൈബ് വധക്കേസിൽ സി.ബി.ഐ അന്വേഷണം വേണ്ടെന്ന വിധി നിർഭാഗ്യകരവും തികഞ്ഞ നീതിനിഷേധവുമാണെന്ന്​ വി.എം. സുധീരൻ ഫേസ്​ബുക്കിൽ കുറിച്ചു. രാഷ്​ട്രീയകൊലപാതകങ്ങളും കുറ്റകൃത്യങ്ങളും വർധിച്ചുവരുന്ന കേരളത്തിലെ സാഹചര്യം കൂടുതൽ വഷളാകുന്നതിന് വിധി ഇടവരുത്തും. മകനെ കൊലപ്പെടുത്തിയ ശക്തികളെ നിയമത്തിന് മുന്നിൽ എത്തിക്കാൻ സി.ബി.ഐ അന്വേഷണം വേണമെന്ന ഷുഹൈബി​​െൻറ പിതാവി​​െൻറ ആവശ്യം ന്യായമാണ്. എന്നാൽ, കോടതിവിധി നീതിക്ക് വേണ്ടി നിലകൊള്ളുന്ന ആർക്കും ഉൾക്കൊള്ളാനാകാത്തതാണെന്നും അദ്ദേഹം പറഞ്ഞു.

ഷുഹൈബ്​ വധം: സുപ്രീംകോടതിയെ സമീപിക്കും -കെ. സുധാകരൻ
ന്യൂഡൽഹി: ഷുഹൈബ്​ വധത്തിൽ സി.ബി.​െഎ അന്വേഷണം വേണ്ടെന്ന ഹൈകോടതി വിധിക്കെതിരെ സുപ്രീംകോടതിയെ സമീപിക്കുമെന്ന്​ കോൺ​ഗ്രസ്​ എം.പി കെ. സുധാകരൻ. ഷുഹൈബിന്​ നീതി ലഭിക്കാൻ ഏതറ്റം വരേയും പോകും. സി.ബി.​െഎ അന്വേഷണത്തിന്​ വിടാമെന്ന്​ കണ്ണൂരിൽ നടന്ന സമാധാന യോഗത്തിൽ സർക്കാറി​​െൻറ ​പ്രതിനിധിയായി പ​െങ്കടുത്ത മന്ത്രി എ.കെ. ബാലൻ ഉറപ്പുനൽകിയതാണ്​. ഇതു ലംഘിച്ചിരിക്കുകയാണ്​.

സി.ബി​.​െഎ അന്വേഷണം വരാതിരിക്കാൻ ഗൂഢാലോചന നടന്നു. പൊലീസ്​ 100 ശതമാനം കൃത്യത​​േയാടെ അന്വേഷണം നടത്തി എന്നുപറയുന്ന സർക്കാർ സി.ബി​.​െഎ അന്വേഷണത്തെ ഭയക്കുന്നത്​ എന്തിനാണ്​. പൊതു ഖജനാവിൽനിന്നും 50 ലക്ഷം രൂപ നൽകിയാണ്​ ആർക്കും അറിയാത്ത അസം സ്വദേശിയായ വക്കീലിനെ കൊണ്ടുവന്ന്​ പ്രതികൾക്കു​ വേണ്ടി സർക്കാർ​ കേസ്​ വാദിച്ചത്​​. സാമ്പത്തിക വകുപ്പുപോലും അറിയാതെ മുഖ്യമന്ത്രി നേരിട്ട്​ പണം ചെലവഴിച്ച്​ കേസിൽ ഇടപെടുകയായിരുന്നുവെന്നും കെ. സുധാകരൻ ഡൽഹിയിൽ മാധ്യമങ്ങളോട്​ പ്രതികരിച്ചു.