അഭ്യാസ പ്രകടനം: ടൂറിസ്റ്റ്​ ബസിന്​ തീപടർന്ന സംഭവത്തിൽ സ്വമേധയാ ഹരജിയുമായി ഹൈകോടതി​

കൊ​ച്ചി: കോ​ള​ജി​ൽ​നി​ന്ന്​ വി​നോ​ദ​യാ​ത്ര പു​റ​പ്പെ​ടും മു​മ്പ്​ അ​പ​ക​ട​ക​ര​മാ​യ രീ​തി​യി​ൽ പൂ​ത്തി​രി ക​ത്തി​ച്ച്​ അ​ഭ്യാ​സ​പ്ര​ക​ട​നം ന​ട​ത്തു​ന്ന​തി​നി​ടെ ടൂ​റി​സ്റ്റ്​ ബ​സി​ന്​ മു​ക​ളി​ൽ തീ​പ​ട​ർ​ന്ന സം​ഭ​വം ഹൈ​കോ​ട​തി സ്വ​മേ​ധ​യാ ഹ​ര​ജി​യാ​യി പ​രി​ഗ​ണി​ക്കു​ന്നു.

കൊ​ല്ലം പെ​രു​മ​ൺ എ​ൻ​ജി​നീ​യ​റി​ങ്​ കോ​ള​ജ്​ വി​ദ്യാ​ർ​ഥി​ക​ൾ വി​നോ​ദ​യാ​ത്ര പു​റ​പ്പെ​ടും മു​മ്പു​ണ്ടാ​യ സം​ഭ​വ​ത്തി​ന്‍റെ ദൃ​ശ്യ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പ്ര​ച​രി​ച്ച​തി​ന്‍റെ അ​ടി​സ്ഥാ​ന​ത്തി​ലാ​ണ്​ മോ​ട്ടോ​ർ വാ​ഹ​ന ച​ട്ട ലം​ഘ​ന​വു​മാ​യി ബ​ന്ധ​പ്പെ​ടു​ത്തി ജ​സ്റ്റി​സ് അ​നി​ൽ കെ. ​ന​രേ​ന്ദ്ര​ൻ, ജ​സ്റ്റി​സ് പി.​ജി. അ​ജി​ത് കു​മാ​ർ എ​ന്നി​വ​ര​ട​ങ്ങു​ന്ന ഡി​വി​ഷ​ൻ​ബെ​ഞ്ച്​ വി​ഷ​യം സ്വ​മേ​ധ​യാ പ​രി​ഗ​ണി​ച്ച​ത്. സം​ഭ​വ​ത്തി​ൽ സ​ർ​ക്കാ​റി​നോ​ട്​ വി​ശ​ദീ​ക​ര​ണം തേ​ടി​യ കോ​ട​തി ഹ​ര​ജി വീ​ണ്ടും വ്യാ​ഴാ​ഴ്ച പ​രി​ഗ​ണി​ക്കും. ജൂ​ൺ 26നാ​ണ് വി​ദ്യാ​ർ​ഥി​ക​ൾ വി​നോ​ദ​യാ​ത്ര പോ​കാ​ൻ ഏ​ർ​പ്പെ​ടു​ത്തി​യ ബ​സി​നു തീ​പി​ടി​ച്ച​ത്. വി​നോ​ദ​യാ​ത്ര​ക്ക് കൊ​ഴു​പ്പേ​കാ​ൻ ബ​സി​നു മു​ക​ളി​ൽ പൂ​ത്തി​രി ക​ത്തി​ച്ച​തി​നെ​ത്തു​ട​ർ​ന്നാ​ണ് തീ​പ​ട​ർ​ന്ന​ത്. ഉ​ട​ൻ കെ​ടു​ത്തി​യ​തി​നാ​ൽ വ​ൻ ദു​ര​ന്തം ഒ​ഴി​വാ​യി.

തി​ങ്ക​ളാ​ഴ്ച വി​ഷ​യം പ​രി​ഗ​ണി​ച്ച ഡി​വി​ഷ​ൻ ബെ​ഞ്ച് കേ​ന്ദ്ര, സം​സ്ഥാ​ന സ​ർ​ക്കാ​ർ അ​ഭി​ഭാ​ഷ​ക​രു​ടെ അ​ഭി​പ്രാ​യം തേ​ടി​യ ശേ​ഷ​മാ​ണ്​ ന​ട​പ​ടി സ്വീ​ക​രി​ച്ച​ത്. ബ​സി​ന്​ തീ​പി​ടി​ക്കു​ന്ന ദൃ​ശ്യ​ങ്ങ​ൾ കോ​ട​തി​യി​ൽ പ്ര​ദ​ർ​ശി​പ്പി​ച്ചു.

ഇ​ത്ത​രം പ്ര​വൃ​ത്തി​ക​ൾ ത​ട​യാ​ൻ മോ​ട്ടോ​ർ വാ​ഹ​ന ച​ട്ട​ത്തി​ൽ വ്യ​വ​സ്ഥ​ക​ളു​ണ്ടെ​ന്നും സം​സ്ഥാ​ന സ​ർ​ക്കാ​റാ​ണ് ന​ട​പ​ടി സ്വീ​ക​രി​ക്കേ​ണ്ട​തെ​ന്നും കേ​ന്ദ്ര​ത്തി​നു​വേ​ണ്ടി അ​സി. സോ​ളി​സി​റ്റ​ർ ജ​ന​റ​ൽ വി​ശ​ദീ​ക​രി​ച്ചു. ദൃ​ശ്യ​ങ്ങ​ളി​ൽ​നി​ന്ന് നി​യ​മ​ലം​ഘ​നം വ്യ​ക്ത​മാ​ണെ​ന്ന് വി​ല​യി​രു​ത്തി​യ ഡി​വി​ഷ​ൻ ബെ​ഞ്ച് മോ​ട്ടോ​ർ വാ​ഹ​ന വ​കു​പ്പ് ഇ​ക്കാ​ര്യ​ത്തി​ൽ എ​ന്തു ന​ട​പ​ടി​യെ​ടു​ത്തെ​ന്ന് ആ​രാ​ഞ്ഞു. ഇ​തി​ന്​ വി​ശ​ദീ​ക​ര​ണം ന​ൽ​കാ​ൻ സ​ർ​ക്കാ​ർ അ​ഭി​ഭാ​ഷ​ക​ൻ സ​മ​യം തേ​ടി​യ​തി​നെ തു​ട​ർ​ന്നാ​ണ് ഹ​ര​ജി മാ​റ്റി​യ​ത്. ടൂ​റി​സ്റ്റ് ബ​സു​ക​ൾ ഡാ​ൻ​സി​ങ്​ ഫ്ലോ​റു​ക​ളാ​ക്ക​രു​തെ​ന്നും അ​നു​വ​ദ​നീ​യ​മ​ല്ലാ​ത്ത ലൈ​റ്റു​ക​ളും മ്യൂ​സി​ക്-​സൗ​ണ്ട് സം​വി​ധാ​ന​ങ്ങ​ളും പാ​ടി​ല്ലെ​ന്നും ഹൈ​കോ​ട​തി ദി​വ​സ​ങ്ങ​ൾ​ക്ക്​ മു​മ്പ്​ ഉ​ത്ത​ര​വി​ട്ടി​രു​ന്നു.