Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകാമ്പസുകളിൽ ഇനി ചോര...

കാമ്പസുകളിൽ ഇനി ചോര വീഴരുതെന്ന്​ ഹൈകോടതി

text_fields
bookmark_border
കാമ്പസുകളിൽ ഇനി ചോര വീഴരുതെന്ന്​ ഹൈകോടതി
cancel

കൊച്ചി: രാഷ്​ട്രീയത്തി​​​െൻറ പേരിൽ കാമ്പസുകളിൽ ജീവൻ പൊലിയുന്നത്​ ഇനി അനുവദിക്കാനാവില്ലെന്ന്​ ഹൈകോടതി. വിദ്യാഭ്യാസം നൽകലും വിജ്​ഞാനം പകരലുമാണ്​ കാമ്പസുകളുടെ ലക്ഷ്യം. വിദ്യാർഥികൾക്ക്​ രാഷ്​ട്രീയ കാഴ്​ചപ്പാടുണ്ടാകുന്നത്​ തെറ്റല്ലെങ്കിലും അത്​ മറ്റുള്ളവർക്ക്​ മേൽ അടിച്ചേൽപ്പിക്കുന്നത്​ പ്രശ്​നമാണ്​​. ബലപ്രയോഗത്തിലൂ​െടയുള്ള ആശയ പ്രചാരണമാണിത്​. രാഷ്​ട്രീയ പാർട്ടികളുടെ അത്തരം പ്രവർത്തനങ്ങൾ വിദ്യാർഥി രാഷ്​ട്രീയത്തിലേക്ക്​ കലർത്തുന്നത്​ അനുവദിക്കാനാവില്ല. കാമ്പസ് രാഷ്​ട്രീയം നിരോധിക്കാൻ നടപടി ആവശ്യപ്പെട്ട്​ ചെങ്ങന്നൂർ സ്വദേശി എൽ.എസ്. അജോയ് നൽകിയ ഹരജിയിലാണ്​ ആക്ടിങ് ചീഫ് ജസ്​റ്റിസ് അധ്യക്ഷനായ ബെഞ്ചി​​​െൻറ പരാമർശം.

കാമ്പസ്​ രാഷ്​ട്രീയം വേണ്ടെന്ന മുൻ കോടതി ഉത്തരവുകൾ കര്‍ശനമായി പാലിക്കാന്‍ സംസ്ഥാന സര്‍ക്കാറിനും വിദ്യാഭ്യാസ വകുപ്പിനും ഡി.ജി.പിക്കും നിര്‍ദേശം നല്‍കണമെന്നായിരുന്നു ഹരജിയിലെ ആവശ്യം. കലാലയ രാഷ്​ട്രീയത്തിന്​ നിയന്ത്രണങ്ങള്‍ ഏര്‍പ്പെടുത്തണമെന്ന മുൻ ഉത്തരവുകള്‍ പാലിക്കാമെന്ന ഉറപ്പ്​ സര്‍ക്കാര്‍ ലംഘിച്ചതിനാലാവാം മഹാരാജാസ് കോളജില്‍ ദൗര്‍ഭാഗ്യകരമായ സംഭവമുണ്ടായതെന്ന്​ കോടതി  നിരീക്ഷിച്ചു. അഭിമന്യുവി​​​െൻറ കൊലപാതകം ഒറ്റപ്പെട്ട സംഭവമല്ല. ​െതരഞ്ഞെടുപ്പ് കാലത്ത് കോളജുകളില്‍ അക്രമം നിത്യസംഭവമാണെങ്കിലും ​ഇതു ദാരുണമായിപ്പോയി. 

സ്വകാര്യ കോളജുകളിലെ അക്രമം സംബന്ധിച്ച് ഹരജികള്‍ സ്ഥിരമായി വരുന്നുണ്ട്​. സ്വകാര്യ കോളജുകളാണ്​ ഇത്തരം ഹരജികളുമായി കൂടുതൽ എത്താറുള്ളത്​. ഇപ്പോള്‍ സര്‍ക്കാര്‍ കോളജിലാണ് അക്രമം നടന്നത്. ചില കോളജുകളില്‍ രാഷ്​ട്രീയ പാർട്ടികളുടെ ഒാഫിസുകളും പ്രവർത്തിക്കുന്നതായി ആ​േക്ഷപമുണ്ട്​​. അടിയന്തര പരിഹാരം കാണേണ്ട​ ഗൗരവമുള്ള വിഷയമാണിത്​. 2009ലുൾപ്പെടെ കലാലയ രാഷ്​ട്രീയം അനുവദിക്കാനാവില്ലെന്ന് വ്യക്​തമാക്കി ഹൈകോടതി ഉത്തരവുണ്ട്​. 

കാമ്പസ് രാഷ്​ട്രീയം നിയന്ത്രിക്കണമെന്ന കോടതി വിധികള്‍ ഏറെയുണ്ടായെങ്കിലും നടപ്പാക്കാൻ സര്‍ക്കാര്‍ മതിയായ നടപടി സ്വീകരിച്ചിട്ടില്ലെന്ന്​ വ്യക്​തമാണ്​. രാഷ്​ട്രീയത്തി​​​െൻറ പേരില്‍ കൊല്ലുന്ന സാഹചര്യം ഇല്ലാതാക്കണം. അഭിമന്യുവി​​​െൻറ കൊലപാതകം സമൂഹത്തെ ഉണര്‍ത്തുന്ന സംഭവമായി മാറണം. സാമൂഹികമായി പിന്നാക്കം നില്‍ക്കുന്ന പ്രദേശങ്ങളില്‍ നിന്നുള്ള കുട്ടികള്‍ എന്ത് ഉറപ്പിലാണ് കോളജില്‍ പഠിക്കാനെത്തുകയെന്ന്​ കോടതി ചോദിച്ചു. കാമ്പസ്​ രാഷ്​ട്രീയവുമായി ബന്ധപ്പെട്ട മുന്‍ ഉത്തരവുകള്‍ നടപ്പാക്കുന്നത് സംബന്ധിച്ച് സ്വീകരിച്ചതും സ്വീകരിക്കുന്നതുമായ നടപടികള്‍ വ്യക്​തമാക്കി മൂന്നാഴ്ചക്കകം റിപ്പോർട്ട്​ സമര്‍പ്പിക്കാൻ കോടതി സർക്കാറിനോട്​ നിർദേശിച്ചു. 

Show Full Article
TAGS:Campus Politic&39;s Ban Abhimanyu Murder maharajas high court kerala news malayalam news 
News Summary - high court on campus politics-kerala news
Next Story