ജേക്കബ്​ തോമസി​െൻറ നടപടി പദവിക്ക്​​  യോജിക്കാത്തതെന്ന്​ ഹൈകോടതി

കൊച്ചി: മുൻ വിജിലൻസ്​ ഡയറക്​ടർ ജേക്കബ്​ തോമസി​​​​​െൻറ നടപടികൾ ഡി.ജി.പി പദവിക്ക്​​ യോജിച്ചതല്ലെന്ന്​ ഹൈകോടതി. അച്ചടക്കത്തി​​​​​െൻറ പാഠങ്ങൾ പഠിപ്പിക്കേണ്ട സമയം അതിക്രമിച്ചിരിക്കുകയാണെങ്കിലും അദ്ദേഹത്തി​​​​​െൻറ നടപടികളെ അവജ്ഞയോടെ തള്ളി വിഷയം അവസാനിപ്പിക്കുകയാണെന്നും കോടതി വ്യക്തമാക്കി. പാറ്റൂർ കേസിലെ വിജിലൻസ്​ എഫ്​.​െഎ.ആർ റദ്ദാക്കിയ വിധിയിലാണ്​ കോടതിയുടെ രൂക്ഷവിമർശം. 

അധികാരമുണ്ടായിരിക്കുക എന്നതിലല്ല, അത്​ ഉപയോഗിക്കുന്ന രീതിയിലാണ്​ മഹത്വം. ആരോപണ വിധേയമായ പാറ്റൂർ ഭൂമിയുടെ സെറ്റില്‍മ​​​​െൻറ്​ രജിസ്​റ്റര്‍ വ്യാജമായി നിര്‍മിച്ചതാണെന്നാണ്​ ജേക്കബ് തോമസ് ലോകായുക്തയെ അറിയിച്ചത്. ഇക്കാര്യം വിശദീകരിക്കാന്‍ നേരിട്ട്​ വിളിച്ചുവരുത്തിയപ്പോള്‍ നിലപാട് മാറ്റി. വിശദീകരണം എഴുതിനല്‍കാന്‍ അവസരം നല്‍കിയെങ്കിലും അതുണ്ടായില്ല.

താനുന്നയിച്ച ആരോപണം തെറ്റാണെന്ന്​ കോടതി പറയു​േമ്പാൾ കേസിലെ പ്രതികളെ സാമൂഹിക മാധ്യമങ്ങളിലൂടെ സ്വഭാവഹത്യ നടത്തിയ നടപടി മര്യാദലംഘനമാണ്​. കോടതിയില്‍നിന്ന് അദ്ദേഹം അപ്രത്യക്ഷനായത് സോഷ്യല്‍ മീഡിയയില്‍ പ്രത്യക്ഷപ്പെടാനായിരുന്നു. അതുകൊണ്ടാണ് കോടതിയില്‍ വിശദീകരണം നല്‍കാതെ ഈ വിഷയത്തില്‍ ഫേസ്ബുക്കില്‍ പോസ്​റ്റിട്ടത്. ഇൗ കേസുമായി ബന്ധപ്പെട്ട ജേക്കബ് തോമസി​​​​​െൻറ നടപടികള്‍ കോടതിയലക്ഷ്യമാണ്. നടപടി ആവശ്യവുമാണ്​​. എങ്കിലും ഇത്തരം നടപടികളെ അവജ്ഞയോടെ പരിഗണിച്ച്​ വിഷയം അവസാനിപ്പിക്കുന്നതാണ്​ ഉചിതമെന്ന്​ തോന്നുന്നു. 

സെറ്റിൽമ​​​​െൻറ്​ രജിസ്​റ്റർ കെട്ടിച്ചമച്ചതാണോ എന്നതിന്​ അദ്ദേഹം വിശദീകരണം നൽകിയിട്ടില്ല. തർക്കസ്ഥലം അദ്ദേഹം സന്ദർശിച്ചിട്ടില്ല. എന്നിട്ടും, സർക്കാർ നിയമിച്ച സമിതിയുടെ നേതൃത്വത്തിൽ നടത്തിയ അളവ്​ നിർണയം തെറ്റാണെന്നാണ്​ അദ്ദേഹത്തി​​​​​െൻറ റിപ്പോർട്ട്​. ത​​​​​െൻറ ഊഹത്തി​ൽ തയാറാക്കി ലോകായുക്തയില്‍ സമര്‍പ്പിച്ച റ​ിപ്പോർട്ടി​​​​​െൻറ അടിസ്ഥാനത്തില്‍ സ്വമേധയാ ആണ് കേസെടുത്തത്. ഇത് സുപ്രീംകോടതി വിധികളുടെ ലംഘനമാണ്.

മുന്‍വിധി, മിഥ്യാബോധം, പക്ഷപാതം, മുന്‍നിശ്ചയം എന്നിവയുടെ അടിസ്ഥാനത്തില്‍ കേസ് രജിസ്​റ്റര്‍ ചെയ്യാൻ പാടില്ല; പ്രത്യേകിച്ചും അഴിമതി തടയല്‍ നിയമപ്രകാരമുള്ള കേസുകള്‍. സ്ഥലമെടുപ്പുമായി ബന്ധപ്പെട്ട പല രേഖകളും കാണാനില്ലെന്നും അദ്ദേഹം പറയുന്നു. സ്ഥലം ഏറ്റെടുക്കൽതന്നെ ഉണ്ടായിട്ടില്ലെങ്കിൽ അതുമായി ബന്ധപ്പെട്ട രേഖകൾ കാണാനില്ലെന്ന്​ പറയുന്നതിൽ കഴമ്പി​െല്ലന്നും കോടതി വ്യക്തമാക്കി.