നിയമവിരുദ്ധ ഫ്ലക്​സ്​: മുഖ്യമന്ത്രിയുടെ ഒരു ഫോണ്‍കാളില്‍ തീരുന്ന പ്രശ്‌നമെന്ന്​ ഹൈകോടതി

കൊച്ചി: വിവിധ വിഷയങ്ങളിൽ ഫോൺകാളി​​​െൻറ അടിസ്​ഥാനത്തിൽ പോലും കർശന നിലപാട്​ സ്വീകരിക്കുന്ന മുഖ്യമന്ത്രി നിയമവിരുദ്ധ ഫ്ലക്​സുകളുടെ കാര്യത്തിൽ ഇടപെടാത്തതെന്തുകൊണ്ടെന്ന്​ ഹൈകോടതി.

മുഖ്യമന്ത്രിയുടെ ഒരു ഫോണ്‍കാളില്‍ തീരുന്ന പ്രശ്‌നങ്ങളേ ഇക്കാര്യത്തിലുള്ളൂവെന്നും സിംഗിൾ ബെഞ്ച്​ ചൂണ്ടിക്കാട്ടി. നിയമവിരുദ്ധ ഫ്ലക്​സ്​ ബോര്‍ഡുകളുമായി ബന്ധപ്പെട്ട ഹരജി പരിഗണിക്കുന്നതിനിടെയാണ്​ കോടതിയുടെ വാക്കാൽ പരാമർശമുണ്ടായത്​. തുടർന്ന്​ സംസ്​ഥാന പൊലീസ്​ മേധാവി​െയയും തെരഞ്ഞെടുപ്പ്​ കമീഷനെയും കേസിൽ കക്ഷി ചേർത്തു.

രാഷ്​ട്രീയ പാര്‍ട്ടികള്‍ ഫ്ലക്​സുകൾ സ്​ഥാപിക്കുന്നത്​ ഇപ്പോഴും തുടരുന്നതായി​ കോടതി ചൂണ്ടിക്കാട്ടി. തെരഞ്ഞെടുപ്പ്​ അടുത്തുവരുന്ന സാഹചര്യത്തിൽ ഇത്​ കൂടുതൽ ഉത്​കണ്​ഠജനകമാണ്​. നിയമവിരുദ്ധ ബോര്‍ഡുകള്‍ക്കെതിരെ സര്‍ക്കാര്‍ നടപടി സ്വീകരിക്കുമ്പോള്‍തന്നെ ഭരണകക്ഷിയടക്കമുള്ള പാര്‍ട്ടികള്‍ ഫ്ലക്​സുകള്‍ സ്ഥാപിക്കുന്നത് ശരിയല്ല. വികസിതരാജ്യങ്ങളില്‍ എവിടെയും ഫ്ലക്​സ്‌ ബോര്‍ഡുകളില്ല.

സംസ്​ഥാനത്തി​​​െൻറ വിവിധ ഭാഗങ്ങളില്‍നിന്നായി 30,000ത്തിലധികം നിയമവിരുദ്ധ ബോര്‍ഡുകള്‍ എടുത്തുമാറ്റിയെന്നാണ് അറിയുന്നത്. ശുദ്ധമായ അന്തരീക്ഷത്തില്‍ ജീവിക്കാനുള്ള പൗര​​​െൻറ അവകാശങ്ങളെ ഹനിക്കുന്നതാണ്​ ഇത്തരം ബോർഡുകൾ. കോടതിവിധിയെ അപഹസിക്കുന്ന വിധം നിയമവിരുദ്ധ ബോര്‍ഡുകള്‍ പല കോടതികള്‍ക്കുമുന്നിലും ഉയർന്നിട്ടുള്ളതായി കോടതി ചൂണ്ടിക്കാട്ടി. കേസ്​ പിന്നീട്​ പരിഗണിക്കാനായി മാറ്റി.