സംസ്​ഥാനത്തും കേന്ദ്ര ഇൻറലിജൻസ്​ ജാഗ്രത നിർദേശം

തി​രു​വ​ന​ന്ത​പു​രം: ക​ശ്മീ​ർ സ്​​ഫോ​ട​ന​ത്തി​​െൻറ പ​ശ്ചാ​ത്ത​ല​ത്തി​ൽ സം​സ്​​ഥാ​ന​ത്തും അ​തീ​വ ജാ​ഗ്ര ​ത പു​ല​ർ​ത്ത​ണ​മെ​ന്ന്​ കേ​ന്ദ്ര ഇ​ൻ​റ​ലി​ജ​ൻ​സ് വി​ഭാ​ഗ​ത്തി​​െൻറ മു​ന്ന​റി​യി​പ്പ്.

രാ​ജ്യ​ത്ത് ഇ​ നി​യും സ്ഫോ​ട​ന പ​ര​മ്പ​ര​ക​ൾ​ക്ക്​ സാ​ധ്യ​ത​യു​ണ്ടെ​ന്ന ര​ഹ​സ്യാ​ന്വേ​ഷ​ണ വി​ഭാ​ഗ​ങ്ങ​ളു​ടെ മു​ന്ന​റി ​യി​പ്പി​നെ​തു​ട​ർ​ന്നാ​ണ് ജ​ന​ങ്ങ​ൾ കൂ​ടു​ത​ലാ​യി എ​ത്തു​ന്ന സ്​​ഥ​ല​ങ്ങ​ളി​ൽ​ അ​തീ​വ​ജാ​ഗ്ര​ത പു​ല​ർ​ത്ത​ണ​മെ​ന്ന നി​ർ​ദേ​ശം ന​ൽ​കി​യി​ട്ടു​ള്ള​ത്.

റെ​യി​ൽ​വേ സ്​​റ്റേ​ഷ​നു​ക​ൾ, ബ​സ് സ്​​റ്റാ​ൻ​ഡു​ക​ൾ, പാ​ർ​ക്കു​ക​ൾ ഉ​ൾ​പ്പെ​ടെ​യു​ള്ള സ്​​ഥ​ല​ങ്ങ​ളി​ൽ പ്ര​ത്യേ​ക നി​രീ​ക്ഷ​ണം വേ​ണ​മെ​ന്നും നി​ർ​ദേ​ശം ന​ൽ​കി​യി​ട്ടു​ണ്ട്. ഇ​തി​​െൻറ അ​ടി​സ്​​ഥാ​ന​ത്തി​ൽ സം​സ്​​ഥാ​ന പൊ​ലീ​സും മു​ൻ​ക​രു​ത​ലു​ക​ൾ സ്വീ​ക​രി​ച്ച്​ തു​ട​ങ്ങി. ആ​റ്റു​കാ​ൽ പൊ​ങ്കാ​ല​യു​മാ​യി ബ​ന്ധ​പ്പെ​ട്ട്​ ജ​ന​ങ്ങ​ൾ തി​ങ്ങി​ക്കൂ​ടു​ന്ന പ്ര​ദേ​ശ​ങ്ങ​ളി​ൽ പ്ര​ത്യേ​കം ജാ​ഗ്ര​ത പു​ല​ർ​ത്ത​ണ​മെ​ന്ന നി​ർ​ദേ​ശ​ത്തി​​െൻറ അ​ടി​സ്​​ഥാ​ന​ത്തി​ൽ പ്ര​ത്യേ​ക നി​രീ​ക്ഷ​ണ​വും ശ​ക്​​ത​മാ​ക്കി​യി​ട്ടു​ണ്ട്.

തീ​ര​ദേ​ശ മേ​ഖ​ല​ക​ളി​ൽ പൊ​ലീ​സ്​ പ​ട്രോ​ളി​ങ്​ കൂ​ടു​ത​ൽ ശ​ക്​​ത​മാ​ക്കി. ഹോ​ട്ട​ലു​ക​ൾ, ലോ​ഡ്​​ജു​ക​ൾ എ​ന്നി​വി​ട​ങ്ങ​ളി​ലും പ​രി​ശോ​ധ​ന വ്യാ​പ​ക​മാ​ക്കി. അ​പ​രി​ചി​ത​രെ ശ്ര​ദ്ധ​യി​ൽ​പെ​ട്ടാ​ൽ ഉ​ട​ൻ പൊ​ലീ​സി​ൽ വി​വ​ര​മ​റി​യി​ക്ക​ണ​മെ​ന്ന്​ ഹോ​ട്ട​ൽ അ​ധി​കൃ​ത​ർ​ക്ക്​ പൊ​ലീ​സ്​ നി​ർ​ദേ​ശം ന​ൽ​കി​യി​ട്ടു​ണ്ട്.

പൊ​തു​സ്​​ഥ​ല​ങ്ങ​ളി​ൽ ഉ​പ​യോ​ഗ​ശൂ​ന്യ​മാ​യി ബാ​ഗു​ക​ളോ ക​വ​റു​ക​ളോ ശ്ര​ദ്ധ​യി​ൽ​പെ​ട്ടാ​ൽ വി​വ​രം പൊ​ലീ​സി​നെ അ​റി​യി​ക്ക​ണ​മെ​ന്നും ആ​വ​ശ്യ​പ്പെ​ട്ടി​ട്ടു​ണ്ട്​. ആ​രാ​ധാ​നാ​ല​യ​ങ്ങ​ളു​ടെ സു​ര​ക്ഷ​യും ഇ​വി​ട​ങ്ങ​ളി​ലെ പ​ട്രോ​ളി​ങ്​​ ശ​ക്​​ത​മാ​ക്കാ​നു​ള്ള ന​ട​പ​ടി​ക​ളും ആ​രം​ഭി​ച്ചു.