നിസ്സാര കേസുകൾ മറച്ചുവെക്കുന്നത്ജോലിയിൽനിന്ന് പുറത്താക്കാൻ കാരണമല്ല

കൊ​ച്ചി: നി​സ്സാ​ര​മാ​യ ക്രി​മി​ന​ൽ കേ​സു​ക​ൾ മ​റ​ച്ചു​വെ​ച്ച​തി​ന്‍റെ പേ​രി​ൽ ജീ​വ​ന​ക്കാ​രെ പി​രി​ച്ചു​വി​ടാ​നാ​വി​ല്ലെ​ന്ന് ഹൈ​കോ​ട​തി. മൈ​ന​ർ കേ​സു​ക​ൾ വെ​ളി​പ്പെ​ടു​ത്തി​യി​ല്ലെ​ന്ന​ത് ജോ​ലി​യി​ൽ​നി​ന്ന് പി​രി​ച്ചു​വി​ടാ​ൻ മ​തി​യാ​യ കാ​ര​ണ​മ​ല്ലെ​ന്ന സു​പ്രീം​കോ​ട​തി വി​ധി​യ​ട​ക്കം ഉ​ദ്ധ​രി​ച്ചാ​ണ് ജ​സ്റ്റി​സ് സി.​കെ. സിം​ഗി​ന്‍റെ ഉ​ത്ത​ര​വ്. ജ​ന​റ​ൽ റി​സ​ർ​വ് എ​ൻ​ജി​നീ​യ​റി​ങ്​ ഫോ​ഴ്സി​ലെ മെ​ക്കാ​നി​ക്ക​ൽ ഡ്രൈ​വ​റാ​യി​രു​ന്ന കൊ​ല്ലം ശ​ക്തി​കു​ള​ങ്ങ​ര സ്വ​ദേ​ശി എ​സ്. ഹ​രി​ലാ​ൽ ന​ൽ​കി​യ ഹ​ര​ജി​യി​ലാ​ണ് കോ​ട​തി​യു​ടെ നി​രീ​ക്ഷ​ണം. പു​റ​ത്താ​ക്കി​യ ന​ട​പ​ടി പു​നഃ​പ​രി​ശോ​ധി​ക്കാ​നും ഉ​ത്ത​ര​വി​ട്ടു.

ജോ​ലി​യി​ൽ പ്ര​വേ​ശി​ച്ച​പ്പോ​ൾ നി​ല​വി​ലു​ണ്ടാ​യി​രു​ന്ന ര​ണ്ട് ക്രി​മി​ന​ൽ കേ​സു​ക​ൾ മ​റ​ച്ചു​െ​വ​ച്ചു എ​ന്ന പൊ​ലീ​സ് റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​ണ് ഹ​ര​ജി​ക്കാ​ര​നെ പി​രി​ച്ചു​വി​ടാ​ൻ ക​മാ​ൻ​ഡി​ങ്​ ഓ​ഫി​സ​ർ ന​ട​പ​ടി​യെ​ടു​ത്ത​ത്. എ​ന്നാ​ൽ, ത​നി​ക്കെ​തി​രാ​യ ആ​ക്ര​മ​ണ​ക്കേ​സ് ഹൈ​കോ​ട​തി റ​ദ്ദാ​ക്കി​യ​താ​യും റോ​ഡ് ഗ​താ​ഗ​തം ത​ട​സ്സ​പ്പെ​ടു​ത്തി​യെ​ന്ന കേ​സ് പി​ഴ അ​ട​ച്ച് തീ​ർ​പ്പാ​ക്കി​യ​താ​യും ഹ​ര​ജി​ക്കാ​ര​ൻ വാ​ദി​ച്ചു.

കോ​ള​ജ് വി​ദ്യാ​ർ​ഥി​യാ​യി​രു​ന്ന കാ​ല​ത്തെ കേ​സു​ക​ളാ​ണി​തെ​ന്നും ചൂ​ണ്ടി​ക്കാ​ട്ടി. ജോ​ലി നേ​ടി​യ സ​മ​യ​ത്ത് നി​ല​നി​ന്നി​രു​ന്ന കേ​സു​ക​ൾ മ​റ​ച്ചു​െ​വ​ച്ച​ത് അ​യോ​ഗ്യ​ത​യാ​ണെ​ന്നാ​യി​രു​ന്നു കേ​ന്ദ്ര​സ​ർ​ക്കാ​റി​ന്‍റെ വാ​ദം. ഹ​ര​ജി​ക്കാ​ര​നെ​തി​രാ​യ ഈ ​കു​റ്റ​ങ്ങ​ൾ ഗു​രു​ത​ര ധാ​ർ​മി​ക പ്ര​ശ്ന​ങ്ങ​ൾ ഉ​യ​ർ​ത്തു​ന്ന​ത​ല്ലെ​ന്നും കേ​സു​ക​ൾ തീ​ർ​പ്പാ​യ​താ​ണെ​ന്നും കോ​ട​തി വി​ല​യി​രു​ത്തി. തു​ട​ർ​ന്നാ​ണ് പു​റ​ത്താ​ക്കി​യ ന​ട​പ​ടി പു​നഃ​പ​രി​ശോ​ധി​ക്കാ​ൻ നി​ർ​ദേ​ശി​ച്ച​ത്. ഹ​ര​ജി​ക്കാ​ര​നെ​ക്കൂ​ടി കേ​ട്ട് ഒ​രു​മാ​സ​ത്തി​ന​കം നി​യ​മ​പ​ര​മാ​യ തീ​രു​മാ​ന​മെ​ടു​ക്കാ​നും ക​മാ​ൻ​ഡി​ങ്​ ഓ​ഫി​സ‌​ർ​ക്ക് നി​ർ​ദേ​ശം ന​ൽ​കി.