കുളിദൃശ്യം പകർത്തി; ​​ഹോട്ടൽ അടിച്ചു തകര്‍ത്തു

വടകര: പുതിയ ബസ്​സ്​റ്റാൻഡിനടുത്ത ഹോട്ടലിൽ മുറിയെടുത്ത കുടുംബത്തിലെ യുവതികള്‍ കുളിക്കുന്ന ദൃശ്യങ്ങള്‍ ജീവ നക്കാരൻ പകർത്തി. യുവതിയുടെ കൂടെയുണ്ടായിരുന്നവർ ജീവനക്കാരനെ പിടികൂടി പൊലീസിലേൽപിച്ചു. സംഭവമറിഞ്ഞെത്തിയ നാട ്ടുകാർ ഹോട്ടൽ​ അടിച്ചുതകർത്തു.

തിരുവനന്തപുരത്തുനിന്നെത്തിയ കുടുംബമാണ്​ ഹോട്ടലിൽ മുറിയെടുത്തിരുന്നത ്​. കുളിമുറിയുടെ വ​െൻറിലേറ്ററിനരികെനിന്ന്​ ശനിയാഴ്ച രാത്രി 11ഓടെ ജീവനക്കാരൻ വയനാട് സ്വദേശി സജേഷ് കുമാറിനെ (21) ഇവരോടൊപ്പമുള്ളവര്‍ പിടികൂടുകയായിരുന്നു. ജീവനക്കാര​​െൻറ മൊബൈല്‍ പിടിച്ചുവാങ്ങിയ ശേഷമാണ്​ വിവരം വടകര പൊലീസിനെ അറിയിച്ചത്​. പരാതിയില്ലാത്തതിനാല്‍ പൊതുശല്യം ഉണ്ടാക്കിയതിനു​ മാത്രമാണ്​ സജേഷി‍െനതിരെ കേസെടുത്തത്​.

നിലവിലെ താമസക്കാര്‍ ഒഴിഞ്ഞാല്‍ വ​െൻറിലേറ്റര്‍ സംവിധാനം സുരക്ഷിതമാക്കിയശേഷം മാത്രമേ ഹോട്ടൽ പ്രവർത്തിക്കാവൂവെന്ന് ഉടമക്ക്​ പൊലീസ് നിർദേശം നൽകി. ഇതു സംബന്ധിച്ച് നഗരസഭക്ക്​ റിപ്പോർട്ട് നല്‍കുമെന്ന്​ പൊലീസ് പറഞ്ഞു. സംഭവത്തില്‍ പ്രതിഷേധിച്ച് ഡി.വൈ.എഫ്.ഐ, യൂത്ത് കോണ്‍ഗ്രസ്, യൂത്ത് ലീഗ്, ബി.ജെ.പി എന്നീ സംഘടനകള്‍ ലോഡ്ജിലേക്ക് മാര്‍ച്ച് നടത്തി. ലോഡ്ജിന് പൊലീസ് കാവലും ഏര്‍പ്പെടുത്തി.