Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'ഒരു മിന്നലുപോലെ...

'ഒരു മിന്നലുപോലെ അതങ്ങ്​ പോയി'- തലനാരിഴയ്​ക്ക്​ രക്ഷ​​പ്പെട്ട ആ ഭാഗ്യവാൻ ഇതാണ്​

text_fields
bookmark_border
ഒരു മിന്നലുപോലെ അതങ്ങ്​ പോയി- തലനാരിഴയ്​ക്ക്​ രക്ഷ​​പ്പെട്ട ആ ഭാഗ്യവാൻ ഇതാണ്​
cancel

കൊല്ലം: 'ഒരു മിന്നലുപോലെ ആ വണ്ടി പോയി. എന്താണ്​ നടക്കുന്നതെന്ന്​ എനിക്ക്​ മനസ്സിലായതേയില്ല. ഞെട്ടൽ മാറിയപ്പോൾ തിരിച്ച്​ ഒാടി. അര മണിക്കൂർ നേരത്തേക്ക്​ ഇരുന്നുപോയി. പിന്നെയാണ്​ സ്​ഥലകാല ബോധം വന്നത്​'- ആ നിമിഷം ഒാർത്തെടുക്കു​േമ്പാൾ ചവറ മേനാമ്പള്ളി ചേമത്ത് തെക്കതിൽ ശ്രീകുമാറിന്​ (52) ഞെട്ടൽ വിട്ടുമാറുന്നില്ല.

ശ്രീകുമാർ ആരാണെന്നല്ലേ? സമൂഹ മാധ്യമങ്ങളിൽ വൈറലായ, തലനാരിഴയ്ക്ക് ജീവൻ തിരിച്ചു കിട്ടിയ കാൽനടക്കാരനായ ആ ഭാഗ്യവനാണ്​ ശ്രീകുമാർ. വഴിയെ നടന്നുപോകു​േമ്പാൾ തൊട്ടു​തൊട്ടില്ല എന്ന മട്ടിൽ പാഞ്ഞുപോയ വാനിടിക്കാതെ രക്ഷപ്പെട്ട ഇയാളെ തേടുകയായിരുന്നു കേരളം ഇന്നലെ. തമിഴ്​നാട്​ മധുര സ്വദേശിയും നിര്‍മ്മാണ തൊഴിലാളിയുമായ ശ്രീകുമാറി​െൻറ തൊട്ടരികിലൂടെ വാന്‍ നിയന്ത്രണം വിട്ട് പാഞ്ഞുപോകുന്ന ദൃശ്യം സമൂഹ മാധ്യമങ്ങളിൽ വൈറലായിരുന്നു. കൊല്ലം ചവറ തട്ടാശേരി വിജയ ഹോട്ടലിലെ സി.സി.ടി.വിയിൽ പതിഞ്ഞ ദൃശ്യമാണ്​ പ്രചരിച്ചത്​.

ലോകത്തെ ഏറ്റവും വലിയ ഭാഗ്യവാനെന്ന്​ സമൂഹ മാധ്യമങ്ങൾ വിശേഷിപ്പിച്ച ശ്രീകുമാറി​െൻറ രക്ഷപ്പെടൽ വിഡിയോ തലയിൽ കൈവെച്ചാണ്​ എല്ലാവരും കണ്ടുതീർത്തത്​. വെള്ളിയാഴ്ച രാവിലെയായിരുന്നു സംഭവം. മുഴക്കോലുമായി ജോലിക്ക് പോവുകയായിരുന്ന ശ്രീകുമാറി​െൻറ പിന്നിലൂടെ വാൻ പാഞ്ഞെത്തുന്നതും വഴിയിൽ നിന്ന്​ മാറി ഇയാളുടെ ഇടതുവശത്തു കൂടി ശരവേഗത്തിൽ പോകുന്നതുമാണ്​ വിഡിയോയിലുള്ളത്​. റോഡരികിൽ കെട്ടിക്കിടക്കുന്ന വെള്ളം ദേഹത്ത്​ തെറിച്ചുവീഴു​േമ്പാഴാണ്​ ശ്രീകുമാർ സംഭവം അറിയുന്നത്​ തന്നെ. അപ്പോഴേക്കും വാഹനം റോഡരികിലെ കാമറത്തൂണിലിടിച്ച്​ നിർത്താതെ പോയിക്കഴിഞ്ഞിരുന്നു. ഞെട്ടലിൽ ശ്രീകുമാർ സ്​തബ്​ദനായി നിൽക്കുന്നതും പിന്നോട്ട്​ ഒാടുന്നതുമെല്ലാം കാണാം.

കുറേ മുന്നോട്ട് പോയശേഷം വാൻ നിന്നു. മരണം മുന്നിൽക്കണ്ട ശ്രീകുമാർ ജോലിക്ക് പോകാതെ വീട്ടിലേക്ക് മടങ്ങുകയും ചെയ്​തു. പിന്നീട്​ വിഡിയോ കണ്ടപ്പോളാണ്​ താൻ രക്ഷ​പ്പെട്ടതെങ്ങിനെയെന്ന്​ മനസ്സിലായത്​. പാലുമായി പോകുകയായിരുന്ന വാനിലെ ഡ്രൈവര്‍ ഉറങ്ങിപ്പോയതാണെന്നും ആളപായമില്ലാത്തതിനാലും കാമറ പുനഃസ്ഥാപിച്ചു നൽകാമെന്ന് സമ്മതിച്ചതിനാലും കേസെടുത്തില്ലെന്നും ചവറ പൊലീസ് പറഞ്ഞു.



Show Full Article
TAGS:viral escape videos narrow escape from accident in kollam chavara 
News Summary - Here is that lucky man who escaped from accident
Next Story