അബൂദബിയിൽ നിന്ന്​ ദുരിതബാധിതർക്ക്​ അവശ്യവസ്​തുക്കളുമായി പ്രത്യേക വിമാനം കരിപ്പൂരിൽ

കരിപ്പൂർ: സംസ്ഥാനത്തെ പ്രളയബാധിത പ്രദേശങ്ങളിലേക്ക്​ അവശ്യവസ്​തുക്കളുമായി അബൂദബിയിൽ നിന്ന്​ പ്രത്യേക വിമാനം. 14 ടൺ അവശ്യസാധനങ്ങളുമായാണ്​ പ്രത്യേക വിമാനം​ കോഴിക്കോട്​ വിമാനത്താവളത്തിലെത്തിയത്​. അബൂദബിയിലെ യൂനിവേഴ്​സൽ ആശുപ​ത്രി എം.ഡി ഡോ. ഷബീർ നെല്ലിക്കോടി​​​​​െൻറ നേതൃത്വത്തിൽ സമാഹരിച്ച സാധനങ്ങളാണ്​ ​ഇവ. ദുബൈ, അബൂദബി, അൽ-​െഎൻ എന്നിവിടങ്ങളിൽ നിന്നായി ശേഖരിച്ചവയാണിതെന്ന്​ ഡോ. ഷബീർ​ ​െനല്ലിക്കോട്​ മാധ്യമത്തോട്​ പറഞ്ഞു. 

പ്രളയം ​ഏറെ നാശം വിതച്ച ​ചെങ്ങന്നൂർ, ആലുവ, വയനാട്​ എന്നിവിടങ്ങളിൽ വിതരണം ചെയ്യാനാണ്​ ഉദ്ദേശിക്കുന്നത്​. ​െകാച്ചി കേന്ദ്രമായി പ്രവർത്തിക്കുന്ന അഭിഭാഷക കൂട്ടായ്​മക്കും കോഴിക്കോട്​ ട്രോമാ​െകയറിനും സാധനങ്ങൾ കൈമാറും. നാല്​ ദിവസങ്ങളിലായി ശേഖരിച്ച സാധനങ്ങളാണ്​ ഇവയെല്ലാം. ശേഖരിച്ചവയിൽ ബാക്കിയുള്ളവ വ്യത്യസ്​ത വിമാനങ്ങളിലായി കേരളത്തിൽ എത്തിച്ചിരുന്നതായും ഡോ. ഷബീർ പറഞ്ഞു. 

കരിപ്പൂരിലെ കസ്​റ്റംസ്​ നടപടികൾ പൂർത്തിയായ ശേഷം ബന്ധപ്പെട്ട ഏജൻസികൾക്ക്​ സാധനങ്ങൾ കൈമാറും. ചൊവ്വാഴ്​ച രാത്രി അബൂദബിയിൽ നിന്ന്​ പുറപ്പെട്ട വിമാനം ഇന്ധനം നിറക്കുന്നതിനായി കറാച്ചിയിൽ ഇറങ്ങിയിരുന്നു. തുടർന്ന്​ ബുധനാഴ്​ച രാവിലെയാണ്​ കരിപ്പൂരിലെത്തിയത്. ഉച്ചയോ​െട വിമാനം തിരിച്ചുപോയി.