You are here

തൃശൂരിൽ കെ.എസ്.ഇ.ബി അസി. എൻജിനീയർ മുങ്ങിമരിച്ചു

14:49 PM
09/08/2019
തോണി മറിഞ്ഞു മരിച്ച ബൈജു

തൃശൂർ: ചാവക്കാട് താലൂക്കിലെ പുന്നയൂർക്കുളത്ത് കെ.എസ്.ഇ.ബി അസി. എൻജിനീയർ മുങ്ങിമരിച്ചു. കെ.എസ്.ഇ.ബി വിയ്യൂർ ഓഫീസിലെ അസി. എൻജിനീയർ ബൈജു ആണ് മരിച്ചത്.

വൈദ്യുതി ടവറിന്‍റെ അറ്റകുറ്റപണിക്കായി പോകവേ തോണി മറിഞ്ഞാണ് അപകടം ഉണ്ടായത്.

കുറ്റിപ്പുറത്തും തവനൂരും 200 ഓളം വീടുകളിൽ വെള്ളം കയറി

മലപ്പുറം: തവനൂർ, കുറ്റിപ്പുറം എന്നിവിടങ്ങളിൽ 200 ഓളം വീടുകളിൽ വെള്ളം കയറി. തവനൂർ കോളനി, വെള്ളാഞ്ചേരി, നരിപ്പറമ്പ് പ്രദേശങ്ങളിലാണ് വെള്ളം കയറിയത്. കുറ്റിപ്പുറത്ത്​ പുഴനമ്പറം, ഹയർ സെക്കൻഡറി സ്കൂൾ എന്നിവിടങ്ങളിലാണ്​ വെള്ളം കയറിയത്​.

പ്രളയ ബാധിതർ ബന്ധുവിടുകളിലേക്ക് മാറി. തവനൂർ കാർഷിക കോളജിൽ ക്യാമ്പ് തുറന്നു. കുറ്റിപ്പുറം മിനി പമ്പ, നിളയോരം പാർക്ക് അടച്ചിട്ടു. തിരൂർ കുറ്റിപ്പുറം റോഡിൽ ചെമ്പിക്കൽ ഭാഗത്ത് വെള്ളം കയറി റോഡ് തൽക്കാലികമായി അടച്ചിട്ടു. കുറ്റിപ്പുറം മിനി പമ്പയിൽ ശിവ പ്രതിമ മുങ്ങി.

Loading...
COMMENTS