മ​ഴ ക​ന​ത്തു, നാ​ശ​ന​ഷ്ടം, മൂന്നു മ​ര​ണം കൂടി; ബു​ധ​നാ​ഴ്ച മു​ത​ൽ മ​ഴ ദു​ർ​ബ​ല​മാ​കു​മെ​ന്ന് റിപ്പോർട്ട്

തി​രു​വ​ന​ന്ത​പു​രം: ശ​ക്ത​മാ​യ മ​ഴ​യി​ൽ സം​സ്ഥാ​ന​ത്ത് ക​ന​ത്ത നാ​ശ​ന​ഷ്ടം. രണ്ടു കുട്ടികൾ ഉൾപ്പെടെ മൂന്നു മരണം. പാ​ല​ക്കാ​ട് മ​ണ്ണാ​ർ​ക്കാ​ട് വീ​ടി​ന്‍റെ തെ​ങ്ക​ര മ​ണ​ല​ടി​യി​ൽ പ​ള്ളി​യാ​ലി​ൽ താ​മ​സി​ക്കു​ന്ന ല​ക്ഷം വീ​ട്ടി​ൽ പാ​ത്തു​മ്മാ​ബി​ (80) മ​രി​ച്ചു.

കാ​സ​ർ​കോ​ട് ജി​ല്ല​യി​ൽ എ​ട്ടു വ​യ​സ്സു​കാ​രാ​യ ര​ണ്ട് കു​ട്ടി​ക​ൾ മു​ങ്ങി​മ​രി​ച്ചു. എ​ൻ​മ​ക​ജെ ബാ​ഡൂ​ർ ഓ​ണ​ബാ​ഗി​ലു സ്വ​ദേ​ശി മു​ഹ​മ്മ​ദി​ന്റെ​യും ഖ​ദീ​ജ​ത്ത് കു​ബ്റ​യു​ടെ​യും മ​ക​ൾ ഫാ​ത്തി​മ ഹി​ബ ക​ല്ലു​വെ​ട്ട് കു​ഴി​യി​ൽ വീ​ണും ബ​ന്തി​യോ​ട് കൊ​ക്ക​ച്ചാ​ലി​ലെ സാ​ദാ​ത്തി​ന്റെ മ​ക​ൻ സു​ൽ​ത്താ​ൻ ഒ​ഴു​ക്കി​ൽ​പെ​ട്ടു​മാ​ണ് മ​രി​ച്ച​ത്.

ക​ണ്ണൂ​ർ കൊ​ട്ടി​യൂ​ർ ക്ഷേ​ത്ര​ത്തി​ൽ ദ​ർ​ശ​ന​ത്തി​നെ​ത്തി​യ ര​ണ്ടു​പേ​രെ ബാ​വ​ലി​പ്പു​ഴ​യി​ൽ ഒ​ഴു​ക്കി​ൽ​പെ​ട്ട് കാ​ണാ​താ​യി. കോ​ഴി​ക്കോ​ട് അ​ത്തോ​ളി സ്വ​ദേ​ശി നി​ഷാ​ദ് (40), കാ​സ​ർ​കോ​ട് ഹോ​സ്ദു​ർ​ഗ് സ്വ​ദേ​ശി അ​ഭി​ജി​ത്ത് (28) എ​ന്നി​വ​രെ​യാ​ണ് കാ​ണാ​താ​യ​ത്. ഇ​വ​ർ​ക്കാ​യി തി​ര​ച്ചി​ൽ തു​ട​രു​ക​യാ​ണ്. ദേ​ശീ​യ​പാ​ത ബൈ​പാ​സ് ക​ട​ന്നു​പോ​കു​ന്ന ത​ളി​പ്പ​റ​മ്പ് പു​ളി​മ്പ​റ​മ്പ് മ​ഞ്ച​ക്കു​ഴി ഭാ​ഗ​ത്ത് വീ​ണ്ടും മ​ണ്ണി​ടി​ഞ്ഞു. പ​ട്ടു​വം ഭാ​ഗ​ത്തേ​ക്ക് ഗ​താ​ഗ​തം പൂ​ർ​ണ​മാ​യി നി​രോ​ധി​ച്ചു.

മ​ഴ തു​ട​ങ്ങി​യ​തു​മു​ത​ൽ പ്ര​ദേ​ശ​ത്ത് വ്യാ​പ​ക​മാ​യി മ​ണ്ണി​ടി​യു​ക​യാ​ണ് ക​ട​ലാ​ക്ര​മ​ണം രൂ​ക്ഷ​മാ​യ​തി​നെ തു​ട​ർ​ന്ന് കൊ​ച്ചി ക​ണ്ണ​മാ​ലി​യി​ൽ എ​ട്ടു വീ​ടു​ക​ൾ ത​ക​ർ​ന്നു. തി​രു​വ​ന​ന്ത​പു​രം മു​ത​ൽ കാ​സ​ർ​കോ​ട് വ​രെ​യു​ള്ള തീ​ര​പ്ര​ദേ​ശ​ങ്ങ​ളി​ൽ ഇ​ന്ന് റെ​ഡ് അ​ല​ർ​ട്ട് പു​റ​പ്പെ​ടു​വി​ച്ചി​ട്ടു​ണ്ട്.

ചൊ​വ്വാ​ഴ്ച മു​ത​ൽ തെ​ക്ക​ൻ കേ​ര​ള​ത്തി​ലും ബു​ധ​നാ​ഴ്ച മു​ത​ൽ സം​സ്ഥാ​ന​ത്തും മ​ഴ ദു​ർ​ബ​ല​മാ​കു​മെ​ന്ന് കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം അ​റി​യി​ച്ചു. വ​ട​ക്ക​ൻ കേ​ര​ള​ത്തി​ലെ റെ​ഡ് അ​ല​ർ​ട്ടു​ക​ൾ പി​ൻ​വ​ലി​ച്ചി​ട്ടു​ണ്ട്. ചൊ​വ്വാ​ഴ്ച ക​ണ്ണൂ​ർ, കാ​സ​ർ​കോ​ട്​ ജി​ല്ല​ക​ൾ ഓ​റ​ഞ്ച് അ​ല​ർ​ട്ടി​ലാ​ണ്.