തകർത്ത് പെയ്ത് മഴ; സംസ്ഥാനത്ത് പരക്കെ നാശം

തി​രു​വ​ന​ന്ത​പു​രം: പ​തി​യെ തു​ട​ങ്ങി, ക​രു​ത്തു കാ​ണി​ച്ചു​തു​ട​ങ്ങി​യ കാ​ല​വ​ർ​ഷ​ത്തി​ൽ ന​ന്നാ​യി ന​ന​ഞ്ഞ് കേ​ര​ളം; ഒ​പ്പം ക​ന​ത്ത നാ​ശ​ന​ഷ്ട​വും. ചൊ​വ്വാ​ഴ്ച മൂന്നു മ​ര​ണ​ങ്ങ​ളുണ്ടായത്. ഒ​രാ​ളെ കാ​ണാ​താ​യി. പാ​ല​ക്കാ​ട് വ​ട​ക്ക​ഞ്ചേ​രി​യി​ൽ പാ​ട​ത്ത് ജോ​ലി​ക്കി​ടെ തെ​ങ്ങു​വീ​ണ് വീ​ട്ട​മ്മ​യും തൃ​ശൂ​ർ ഇരിങ്ങാലക്കുടയിൽ തോട്ടിൽ വീണ് പോ​ളി​ടെ​ക്നി​ക് വി​ദ്യാ​ർ​ഥി​യും പത്തനംതിട്ട അ​ടൂ​രിൽ ഓ​ട്ടോ തോ​ട്ടി​ലേ​ക്ക് മ​റി​ഞ്ഞ് ഡ്രൈ​വ​റുമാണ് മ​രി​ച്ച​ത്.

കോ​ഴി​ക്കോ​ട്ട് ഒ​രാ​ളെ ഒ​ഴു​ക്കി​ൽ​പ്പെ​ട്ട് കാ​ണാ​താ​യി. ശ​ക്ത​മാ​യ കാ​റ്റി​ലും മ​ഴ​യി​ലും സം​സ്ഥാ​ന​ത്തു​ട​നീ​ളം 137 വീ​ടു​ക​ൾ ഭാ​ഗി​ക​മാ​യും ഒ​രു വീ​ട് പൂ​ർ​ണ​മാ​യും ത​ക​ർ​ന്നു. റോ​ഡി​ലും റെ​യി​ൽ​പാ​ള​ത്തി​ലും മ​ര​ങ്ങ​ൾ ക​ട​പു​ഴ​കി റെ​യി​ൽ ഗ​താ​ഗ​ത​വും റോ​ഡ് ഗ​താ​ഗ​ത​വും ത​ട​സ്സ​പ്പെ​ട്ടു. ഇ​ടു​ക്കി, ക​ണ്ണൂ​ർ, കാ​സ​ർ​കോ​ട് ജി​ല്ല​ക​ളി​ൽ വൈ​കീ​ട്ട് ഏ​ഴ്​ മു​ത​ൽ രാ​വി​ലെ ആ​റു​വ​രെ​ മ​ല​യോ​ര മേ​ഖ​ല​ക​ളി​ലൂ​ടെ​യു​ള്ള രാ​ത്രി​യാ​ത്ര നി​രോ​ധി​ച്ചു.

ബു​ധ​നാ​ഴ്ച തി​രു​വ​ന​ന്ത​പു​രം, കൊ​ല്ലം ഒ​ഴി​കെ 12 ജി​ല്ല​ക​ളും ഓ​റ​ഞ്ച് അ​ല​ർ​ട്ടി​ലാ​ണ്. കോ​വ​ളം മു​ത​ൽ കാ​സ​ർ​കോ​ടു​വ​രെ തീ​ര​പ്ര​ദേ​ശ​ങ്ങ​ളി​ൽ ശ​ക്ത​മാ​യ ക​ട​ലാ​ക്ര​മ​ണ​ത്തി​നും ഉ​യ​ർ​ന്ന തി​ര​മാ​ല​ക്കും സാ​ധ്യ​ത​യു​ണ്ട്. ക​ന​ത്ത മ​ഴ​യി​ൽ വ​യ​ലി​ലേ​ക്ക് വീ​ണ തെ​ങ്ങി​ന​ടി​യി​ൽ​പ്പെ​ട്ട് വ​ട​ക്ക​ഞ്ചേ​രി ക​ണ​ക്ക​ൻ​തു​രു​ത്തി പ​ല്ലാ​റോ​ഡി​ലെ മി​ച്ച​ഭൂ​മി​യി​ൽ താ​മ​സി​ക്കു​ന്ന മ​ണി​യു​ടെ ഭാ​ര്യ ത​ങ്ക​മ​ണി​യാ​ണ് (53) മ​രി​ച്ച​ത്. ത​ങ്ക​മ​ണി​യു​ടെ മ​ക്ക​ൾ: വി​നു, വി​നി​ത, വി​ൻ​സി, ജി​ൻ​സി, വി​നീ​ഷ്, ജി​നീ​ഷ്. മ​രു​മ​ക്ക​ൾ: മു​ര​ളി, സ​ന്തോ​ഷ്, പ്ര​വീ​ൺ​കു​മാ​ർ, സൗ​മ്യ. സം​സ്കാ​രം ബു​ധ​നാ​ഴ്ച ഐ​വ​ർ​മ​ഠ​ത്തി​ൽ.

ഇ​രി​ങ്ങാ​ല​ക്കു​ട​യി​ൽ കൂ​ട്ടു​കാ​ർ​ക്കൊ​പ്പം മീ​ന്‍പി​ടി​ക്കു​ന്ന​തി​നി​ടെ കാ​ല്‍ വ​ഴു​തി തോ​ട്ടി​ല്‍ വീ​ണാ​ണ് അ​രി​പ്പാ​ലം വ​ള​വ​ന​ങ്ങാ​ടി കൊ​ല്ല​മാം​പ​റ​മ്പി​ല്‍ ആ​ന്റ​ണി​യു​ടെ മ​ക​ന്‍ വെ​റോ​ൺ (19) മ​രി​ച്ച​ത്. ക​ല്ലേ​റ്റും​ക​ര പോ​ളി​ടെ​ക്നി​ക്കി​ലെ ഒ​ന്നാം വ​ര്‍ഷ വി​ദ്യാ​ര്‍ഥി​യാ​ണ്. മൃ​ത​ദേ​ഹം ഇ​രി​ങ്ങാ​ല​ക്കു​ട ജ​ന​റ​ല്‍ ആ​ശു​പ​ത്രി മോ​ര്‍ച്ച​റി​യി​ല്‍. മാ​താ​വ്: ലി​സ. സ​ഹോ​ദ​ര​ന്‍: സോ​ള​മ​ൻ.

അ​ടൂ​ർ ബി​നോ​ബാ​ജി ന​ഗ​റി​ൽ തോട്ടിലേക്ക് ഓട്ടോ വീണ് ത​ട്ട മ​ല്ലി​ക മി​നി​ഭ​വ​നി​ൽ വി​മു​ക്ത ഭ​ട​ൻ ഉ​ണ്ണി​കൃ​ഷ്ണ​ക്കു​റു​പ്പാ​ണ്​ (53) മ​രി​ച്ച​ത്. ഓ​ട്ടോ​യു​ടെ അ​ടി​യി​ൽ​പെ​ട്ട ഉണ്ണികൃഷ്ണക്കുറുപ്പിന് ​ര​ക്ഷ​പ്പെ​ടാ​ൻ കഴിഞ്ഞില്ല. ഭാ​ര്യ: ദീ​പ. മ​ക​ൾ: ഐ​ശ്വ​ര്യ.

കോ​ഴി​ക്കോ​ട്ട് ഇ​രു​വ​ഴി​ഞ്ഞി​പ്പു​ഴ​യി​ലി​റ​ങ്ങി ഒ​ഴു​ക്കി​ൽ​പെ​ട്ട് കൊ​ടി​യ​ത്തൂ​ർ കാ​ര​ക്കു​റ്റി സ്വ​ദേ​ശി സി.​കെ. ഉ​സ്സ​ൻ കു​ട്ടി​യെ (65) കാ​ണാ​താ​യി. തി​ര​ച്ചി​ൽ തു​ട​രു​ന്നു. സം​സ്ഥാ​ന​ത്ത് ഇ​തു​വ​രെ മൂ​ന്ന് ദു​രി​താ​ശ്വാ​സ ക്യാ​മ്പു​ക​ൾ തു​റ​ന്നു. ഇ​വി​ടെ ഏ​ഴു കു​ടും​ബ​ങ്ങ​ളി​ലാ​യി 25 പേ​രെ മാ​റ്റി​പ്പാ​ർ​പ്പി​ച്ചു.

ആ​ല​പ്പു​ഴ​യി​ൽ 75 വീ​ടു​ക​ൾ ഭാ​ഗി​ക​മാ​യി ത​ക​ർ​ന്നു. തി​രു​വ​ന​ന്ത​പു​ര​ത്ത് 10 വീ​ടു​ക​ളും കൊ​ല്ല​ത്ത് 14 വീ​ടു​ക​ളും പ​ത്ത​നം​തി​ട്ട​യി​ൽ 10 വീ​ടു​ക​ളും ഇ​ടു​ക്കി​യി​ൽ ര​ണ്ടു​വീ​ടു​ക​ളും കോ​ട്ട​യ​ത്ത് 15 വീ​ടു​ക​ളും ത​ക​ർ​ന്നു.

മ​ഴ​ക്കെ​ടു​തി നേ​രി​ടാ​ൻ സം​സ്ഥാ​നം സു​സ​ജ്ജ​മാ​ണെ​ന്ന് മ​ന്ത്രി കെ. ​രാ​ജ​ൻ അ​റി​യി​ച്ചു.

മ​ഴ​യോ​ടൊ​പ്പം ശ​ക്ത​മാ​യ കാ​റ്റു​മു​ള്ള​തി​നാ​ൽ ഇ​ടു​ക്കി, കോ​ട്ട​യം, പ​ത്ത​നം​തി​ട്ട ജി​ല്ല​ക​ളി​ൽ സ​വി​ശേ​ഷ ശ്ര​ദ്ധ വേ​ണം. പീ​രു​മേ​ട് ചൊ​വ്വാ​ഴ്ച 100 മി​ല്ലി മീ​റ്റ​ർ മ​ഴ ല​ഭി​ച്ച​താ​യാ​ണ് ക​ണ​ക്കെ​ന്ന് മ​ന്ത്രി പ​റ​ഞ്ഞു.

എ​ല്ലാ താ​ലൂ​ക്കി​ലും ഇ​ൻ​സി​ഡ​ൻ​സ് റെ​സ്പോ​ൺ​സ് സി​സ്റ്റം ത​യാ​റാ​യി​ട്ടു​ണ്ട്. കാ​ല​വ​ർ​ഷ​ക്കെ​ടു​തി നേ​രി​ടു​ന്ന പ്ര​ദേ​ശ​ങ്ങ​ളാ​യി നേ​ര​ത്തേ ക​ണ്ടെ​ത്തി​യ ഇ​ട​ങ്ങ​ളി​ലെ റ​വ​ന്യൂ ഉ​ദ്യോ​ഗ​സ്ഥ​രി​ൽ അ​വ​ധി​യി​ലു​ള്ള​വ​ർ 36 മ​ണി​ക്കൂ​റി​നു​ള്ളി​ൽ ഡ്യൂ​ട്ടി​ക്ക് ഹാ​ജ​രാ​ക​ണ​മെ​ന്ന് മ​ന്ത്രി നി​ർ​ദേ​ശം ന​ൽ​കി.