Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഅറബിക്കടലിലെ ന്യൂനമർദം...

അറബിക്കടലിലെ ന്യൂനമർദം ഭീഷണിയാകില്ല; ഒൻപത്​ ജില്ലകളിൽ ശക്​തമായ മഴക്ക് സാധ്യത

text_fields
bookmark_border
rain, heavy rain
cancel
camera_alt

photo: പി.ബി. ബിജു

തിരുവനന്തപുരം: അറബിക്കടലിലെ ന്യൂനമർദം കേരള തീരത്തിന്​ ഭീഷണിയാകില്ലെന്ന്​ കാലാവസ്ഥ നിരീക്ഷണ കേന്ദ്രം. ഗോവ-മഹാരാഷ്​ട്ര തീരത്ത് സ്ഥിതി ചെയ്യുന്ന ന്യൂനമർദം പടിഞ്ഞാറ്​, വടക്കുപടിഞ്ഞാറ്​ ദിശയിൽ സഞ്ചരിച്ച്​ അടുത്ത 48 മണിക്കൂറിൽ ശക്തി പ്രാപിക്കും. ബംഗാൾ ഉൾക്കടലിലെ ന്യൂനമർദം പടിഞ്ഞാറ്​ ദിശയിൽ സഞ്ചരിച്ച്​ വെള്ളിയാഴ്​ച തെക്കൻ ആന്ധ്രപ്രദേശ് തീരത്തെത്തും.

അതേസമയം, പത്തനംതിട്ട, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ വ്യാഴാഴ്​ച ശക്തമായ മഴക്ക്​ സാധ്യതയുണ്ട്​. ഇവിടെ മഞ്ഞ അലർട്ട്​ ബാധകമാക്കി. പത്തനംതിട്ട, കോട്ടയം, എറണാകുളം, ഇടുക്കി, പാലക്കാട്, മലപ്പുറം ജില്ലകളിൽ വെള്ളിയാഴ്​ചയും മഞ്ഞ അലർട്ടാണ്​. മലയോര മേഖലകളിൽ ഒറ്റപ്പെട്ട ശക്തമായ ഇടിയോടുകൂടിയ മഴക്ക് സാധ്യതയുണ്ട്​.

തെക്കുപടിഞ്ഞാറൻ ബംഗാൾ ഉൾക്കടലിലും ആന്ധ്ര തീരത്തും വടക്കൻ തമിഴ്നാട് തീരങ്ങളിലും മധ്യ കിഴക്കൻ അറബിക്കടലിലും മഹാരാഷ്​ട്ര തീരത്തും ശക്തമായ കാറ്റിന്​ സാധ്യതയുണ്ട്​. മണിക്കൂറിൽ 40 മുതൽ 50 കി. മീറ്റർ വരെ വേഗത്തിലും ചിലപ്പോൾ 60 കി. മീറ്റർ വരെ വേഗത്തിലും കാറ്റ്​ വീശാം. കേരള തീരത്ത് വിഴിഞ്ഞം മുതൽ കാസർകോട്​ വരെ വ്യാഴാഴ്​ച രാത്രി 11.30 വരെ 2.5 മുതൽ 3.2 മീറ്റർ വരെ ഉയരത്തിൽ തിരമാലക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Low pressureHeavy rain
News Summary - Heavy rains expected in nine districts
Next Story