മരണം ഏഴായി; ഏ​ഴ് ജി​ല്ല​ക​ളി​ൽ റെ​ഡ് അ​ല​ർ​ട്ട്, ക​ണ്‍ട്രോ​ള്‍റൂം തു​റ​ന്നു

തിരുവനന്തപുരം: ബം​ഗാ​ൾ ഉ​ൾ​ക്ക​ട​ലി​ൽ രൂ​പം​കൊ​ണ്ട ച​ക്ര​വാ​ത​ച്ചു​ഴി ശ​ക്തി​പ്രാ​പി​ച്ച​തി​നെ​തു​ട​ർ​ന്ന് സം​സ്ഥാ​ന​ത്ത് അ​തി​ശ​ക്ത​മാ​യ മ​ഴ തുടരുന്നു. ചൊ​വ്വാ​ഴ്ച തി​രു​വ​ന​ന്ത​പു​രം, കൊ​ല്ലം, പ​ത്ത​നം​തി​ട്ട, ആ​ല​പ്പു​ഴ, കോ​ട്ട​യം, എ​റ​ണാ​കു​ളം, ഇ​ടു​ക്കി ജി​ല്ല​ക​ളി​ൽ റെ​ഡ് അ​ല​ർ​ട്ട് പ്ര​ഖ്യാ​പി​ച്ചു. ഈ ​ജി​ല്ല​ക​ളി​ലെ ഒ​റ്റ​പ്പെ​ട്ട​യി​ട​ങ്ങ​ളി​ലാ​ണ് അ​തി​തീ​വ്ര മ​ഴ സാ​ധ്യ​ത. 24 മ​ണി​ക്കൂ​റി​ൽ 204.5 മി.​മീ​റ്റ​റി​ൽ കൂ​ടു​ത​ൽ മ​ഴ ല​ഭി​ക്കു​മെ​ന്നാ​ണ് പ്ര​വ​ച​നം. തൃ​ശൂ​ർ, പാ​ല​ക്കാ​ട്, മ​ല​പ്പു​റം, കോ​ഴി​ക്കോ​ട് ജി​ല്ല​ക​ളി​ൽ ഓ​റ​ഞ്ചും മ​റ്റ് ജി​ല്ല​ക​ളി​ൽ യെ​ല്ലോ അ​ല​ർ​ട്ടു​മാ​ണ്. ആ​ഗ​സ്റ്റ് അ​ഞ്ചു​വ​രെ കേ​ര​ള, ല​ക്ഷ​ദ്വീ​പ്, ക​ർ​ണാ​ട​ക തീ​ര​ങ്ങ​ളി​ൽ മ​ത്സ്യ​ബ​ന്ധ​നം നി​രോ​ധി​ച്ചു.

എ​ല്ലാ ജി​ല്ല ക​ല​ക്ട​റേ​റ്റു​ക​ളി​ലും താ​ലൂ​ക്ക്​ ഓ​ഫി​സു​ക​ളി​ലും തു​റ​ന്ന ക​ണ്‍ട്രോ​ള്‍ റൂ​മു​ക​ള്‍ക്കു പു​റ​മെ, സെ​ക്ര​ട്ടേ​റി​യ​റ്റി​ലെ റ​വ​ന്യൂ​മ​ന്ത്രി​യു​ടെ ഓ​ഫി​സി​ലും 24 മ​ണി​ക്കൂ​റും പ്ര​വ​ര്‍ത്തി​ക്കു​ന്ന ക​ണ്‍ട്രോ​ള്‍ റൂം ​തു​റ​ന്നു. ന​മ്പ​ര്‍: 807 8548 538. മു​ഴു​വ​ന്‍ ത​ദ്ദേ​ശ​സ്ഥാ​പ​ന​ങ്ങ​ളി​ലും ക​ണ്‍ട്രോ​ള്‍ റൂ​മു​ക​ള്‍ ആ​രം​ഭി​ച്ച് 24 മ​ണി​ക്കൂ​റും പ്ര​വ​ര്‍ത്തി​ക്ക​ണം.

മരണം ഏഴായി

പ​ത്ത​നം​തി​ട്ട പു​റ​മ​റ്റം ക​ല്ലു​പാ​ല​ത്ത് കാ​ർ നി​യ​ന്ത്ര​ണം വി​ട്ട് തോ​ട്ടി​ലേ​ക്ക് മ​റി​ഞ്ഞ് അ​ച്ഛ​നും ര​ണ്ട് പെ​ണ്‍മ​ക്ക​ളും മ​രി​ച്ചു. തി​രു​വ​ന​ന്ത​പു​രം വി​ഴി​ഞ്ഞ​ത്ത് ക​ട​ൽ​ക്ഷോ​ഭ​ത്തി​ൽ വ​ള്ളം മ​റി​ഞ്ഞ് ത​മി​ഴ്നാ​ട് സ്വ​ദേ​ശി​യാ​യ മ​ത്സ്യ​ത്തൊ​ഴി​ലാ​ളി മ​രി​ച്ചു. ക​ന്യാ​കു​മാ​രി ഇ​ന​യം പു​ത്ത​ൻ​തു​റ സ്വ​ദേ​ശി ഗി​ൽ​ബ​ർ​ട്ട് - കെ​ല​ൻ ദ​മ്പ​തി​ക​ളു​ടെ മ​ക​ൻ കി​ൽ​സ്റ്റ​ൺ (22) ആ​ണ് മ​രി​ച്ച​ത്. ഇ​തോ​ടെ മ​രി​ച്ച​വ​രു​ടെ എ​ണ്ണം ഏ​ഴാ​യി. ക​ന​ത്ത മ​ഴ​യി​ൽ ഇ​ടു​ക്കി, കോ​ട്ട​യം ജി​ല്ല​ക​ളി​ലെ പ​ല​യി​ട​ങ്ങ​ളി​ലും ഉ​രു​ൾ​പൊ​ട്ടി. വി​വി​ധ ജി​ല്ല​ക​ളി​ലാ​യി അഞ്ചു പേ​രെ കാ​ണാ​താ​യി.

മ​ല​പ്പു​റ​ത്ത് ഒ​രാ​ളെ കാ​ണാ​താ​യി. തൃ​ശൂ​ർ മു​ന​ക്ക​ക​ട​വ് അ​ഴി​മു​ഖ​ത്തി​ന് സ​മീ​പ​ം ഫൈ​ബ​ർ വ​ഞ്ചി മ​റി​ഞ്ഞ് ര​ണ്ടു മ​ത്സ്യ​ത്തൊ​ഴി​ലാ​ളി​ക​ളെ കാ​ണാ​താ​യി. നാ​ലു​പേർ നീ​ന്തി ര​ക്ഷ​പ്പെ​ട്ടു. മ​ണി​യ​ൻ, ഗി​ൽ​ബ​ർ​ട്ട് എ​ന്നി​വ​രെ​യാ​ണ് കാ​ണാ​താ​യ​ത്. പു​ല്ലു​വി​ള സ്വ​ദേ​ശി​ക​ളാ​യ സു​നി​ൽ, വ​ർ​ഗീ​സ്, സ്റ്റ​ല്ല​സ്, സ​ന്തോ​ഷ് എ​ന്നി​വ​രാ​ണ് ര​ക്ഷ​പ്പെ​ട്ട​ത്.

കോ​ട്ട​യം കൂ​ട്ടി​ക്ക​ൽ ച​പ്പാ​ത്തി​ൽ ചു​മ​ട്ടു​തൊ​ഴി​ലാ​ളി​യായ ക​ന്നു​പ​റ​മ്പി​ൽ റി​യാ​സി​നെ​ കാ​ണാ​താ​യി. പ​ത്ത​നം​തി​ട്ട ജി​ല്ല​യി​ലെ അ​ത്തി​ക്ക​യ​ത്ത്​ പ​മ്പ​യാ​റ്റി​ൽ നാ​റാ​ണം​മൂ​ഴി സ​ർ​വി​സ് സ​ഹ​ക​ര​ണ ബാ​ങ്കി​ലെ സെ​യി​ൽ​മാ​നും അ​ത്തി​ക്ക​യം സ്വ​ദേ​ശി​യു​മാ​യ ചീ​ങ്ക​യി​ൽ സി.​ജെ. റെ​ജി​യെ​യാ​ണ് (52) കാ​ണാ​താ​യ​ത്. തി​ങ്ക​ളാ​ഴ്ച രാ​വി​ലെ ഏ​ഴ​ര​യോ​ടെ​യാ​ണ് സം​ഭ​വം.