സംസ്​ഥാനത്ത്​ ഇന്നും കനത്ത മഴക്ക്​ സാധ്യത

തിരുവനന്തപുരം: മധ്യ -വടക്കൻ കേരളത്തിൽ വ്യാഴാഴ്​ച ശക്തമായ മഴക്ക്​ സാധ്യതയെന്ന്​ കാലാവസ്​ഥ നിരീക്ഷണകേന്ദ്രം അറിയിച്ചു. എറണാകുളം, ഇടുക്കി, തൃ​ശൂർ, മലപ്പുറം, കോഴിക്കോട്​, വയനാട്​, കണ്ണൂർ, കാസർകോട്​ തുടങ്ങിയ ജില്ലകളിൽ യെല്ലോ അലർട്ട്​ ​പ്രഖ്യാപിച്ചു. തെക്കൻ കേരളത്തിൽ മഴ കുറവായിരിക്കും. 

കോഴിക്കോട്​ ജൂൺ 13 വരെ യെല്ലോ അലർട്ട്​ പ്രഖ്യാപിച്ചതിനെ തുടർന്ന്​ ജാഗ്രത ശക്തമാക്കി. ഒറ്റപ്പെട്ടയിടങ്ങിൽ 64.5 മി.മീ മുതൽ115.5 മി.മീ വരെ മഴ ലഭിക്കാൻ സാധ്യതയുണ്ടെന്നും കേന്ദ്ര കാലാവസ്​ഥ നിരീക്ഷണകേന്ദ്രം അറിയിച്ചു. 

മലങ്കര അണക്കെട്ടിലെ ജലനിരപ്പ്​ ക്രമീകരിക്കുന്നതിനായി ആറ്​ ഷട്ടറുകളും വ്യാഴാഴ്​ച രാവിലെ എട്ടുമുതൽ ഘട്ടം ഘട്ടമായി ഉയർത്തുമെന്ന്​ എറണാകുളം ജില്ല കലക്​ടർ അറിയിച്ചു.