ദുരഭിമാനം വെടിഞ്ഞ് രക്ഷാപ്രവർത്തനത്തിന് സൈന്യത്തെ വിളിക്കണം-ചെന്നിത്തല

തിരുവനന്തപുരം: കേരളം കൈകോർത്ത്​ പിടിച്ചിട്ടും ദുരിതക്കയത്തിൽനിന്ന് ജനങ്ങളെ രക്ഷിക്കാൻ കഴിയാത്ത അവസ്ഥയിൽ മുഖ്യമന്ത്രിയും സർക്കാറും ദുരഭിമാനം വെടിഞ്ഞ് രക്ഷാപ്രവർത്തനത്തിന് സൈനിക വിന്യാസം ഉറപ്പാക്കണമെന്ന്​ പ്രതിപക്ഷനേതാവ് രമേശ് ചെന്നിത്തല. തൊഴുകൈകളോടെ താനിത് അഭ്യർഥിക്കുകയാണെന്നും അദ്ദേഹം വാർത്തസമ്മേളനത്തിൽ പറഞ്ഞു. 

ദുരിതാശ്വാസപ്രവർത്തനങ്ങളിലെ വീഴ്ചകൾ പരിഹരിക്കാനാകണം. ഭരണ-പ്രതിപക്ഷ ഭേദമില്ലാതെ എം.എൽ.എമാർ കരഞ്ഞുവിളിക്കുകയാണ്. സർക്കാറുമായി പൂർണമായി സഹകരിച്ചാണ്​ പ്രതിപക്ഷം നിൽക്കുന്നത്. ഈ ഘട്ടത്തിൽ കുറ്റം പറയുകയാണെന്ന് കരുതരുത്. സൈന്യത്തെ പൂർണമായി രക്ഷാപ്രവർത്തനം ഏൽപിച്ചിരുന്നെങ്കിൽ ഇത്രപ്രശ്നം വരില്ലായിരുന്നു. ഇത് ദേശീയദുരന്തമല്ലെങ്കിൽ പിന്നെ ഏതാണ് ദേശീയ ദുരന്തമാവുക?

ചെങ്ങന്നൂരിലും ആലപ്പുഴയിലും മറ്റും ആളുകൾ ബോധം നഷ്​ടപ്പെട്ട്​ വീഴുകയാണ്. താനിതിലൊന്നും രാഷ്​ട്രീയം കാണുകയല്ല. ദുരിതക്കയത്തിൽനിന്ന് ജനങ്ങളെ രക്ഷിക്കാനായില്ലെങ്കിൽ പിന്നെയെന്തിന് ഞങ്ങൾ ജനപ്രതിനിധികളായി തുടരണം. വയനാട് പൂർണമായി ഇല്ലാതായി. ഇടുക്കി ഒറ്റപ്പെട്ടു. തമിഴ്നാട്ടിലേക്കുള്ള റോഡും അടഞ്ഞു. പെട്രോളും ഡീസലും പച്ചക്കറികളും പലവ്യഞ്​ജനങ്ങളുമൊന്നും കിട്ടാനില്ല. ദുരിതബാധിതർക്ക് ഭക്ഷണവും വെള്ളവും മരുന്നും മറ്റ് ആശ്വാസങ്ങളുമെത്തിക്കാൻ സന്നദ്ധസംഘങ്ങളും സാമൂഹികപ്രവർത്തകരും ഐ.എം.എയുമെല്ലാം രംഗത്തിറങ്ങണം. പ്രധാനമന്ത്രി ആയിരം കോടിയെങ്കിലും സഹായധനമായി പ്രഖ്യാപിക്കുമെന്ന് പ്രതീക്ഷിച്ചു. 500 കോടിയെങ്കിലും പ്രഖ്യാപിച്ചത് നന്നായി. കേന്ദ്രത്തിൽനിന്ന് കൂടുതൽ സഹായം പ്രതീക്ഷിക്കുന്നു.

രക്ഷാപ്രവർത്തനത്തിന്​ സൈന്യത്തെ വിളിക്കണമെന്ന്​ പറഞ്ഞത്​ പട്ടാളഭരണത്തിന് വേണ്ടിയല്ലെന്നും ചെന്നിത്തല പ്രതികരിച്ചു. സൈന്യത്തെ കേരളഭരണം ഏൽപിക്കണമെന്നല്ല. ജീവൻ രക്ഷക്കായി വിലപിക്കുന്ന ജനങ്ങളെ സഹായിക്കാനാണെന്നും ഭരണം പട്ടാളത്തെ ഏൽപിക്കണമെന്നാണ് ചെന്നിത്തല ആഗ്രഹിക്കുന്നതെങ്കിൽ നടപ്പില്ലെന്ന കോടിയേരി ബാലകൃഷ്ണ​​​െൻറ പരാമർശത്തിന് മറുപടിയായി പ്രതിപക്ഷനേതാവ് പറഞ്ഞു. 

രക്ഷാപ്രവർത്തനം പട്ടാളത്തെ ഏൽപിക്കേണ്ട ആവശ്യമില്ല -കോടിയേരി
തിരുവനന്തപുരം: പ്രളയദുരന്തത്തി​​​െൻറ സന്ദർഭംനോക്കി കേരള ഭരണം പട്ടാളത്തെ ഏൽപിക്കണമെന്നാണ്​ രമേശ്​ ചെന്നിത്തല ഉദ്ദേശിക്കുന്നതെങ്കിൽ അതി​​​െൻറ ആവശ്യമില്ലെന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ. കേരള ഭരണംതന്നെ പട്ടാളത്തെ ഏൽപിക്കണമെന്ന്​ സി.പി.എം ആവശ്യ​പ്പെടുന്നില്ല. ചെങ്ങന്നൂരിൽ 50,000ത്തോളം പേർ മരിച്ചുപോകുമെന്ന എം.എൽ.എ സജി ചെറിയാ​​​െൻറ കഴിഞ്ഞദിവസത്തെ പ്രസ്​താവന ജനങ്ങളുടെ പരിഭ്രാന്തിയാണെന്നും കോടിയേരി മാധ്യമങ്ങളോട്​ പ്രതികരിച്ചു. 

പട്ടാളത്തി​​​െൻറ സഹായവും ഹെലികോപ്​ടറുകളും ധാരാളമായി ഉപയോഗി​േക്കണ്ടിവരും. അതിനുള്ള സഹായം നൽകാമെന്ന്​ കേന്ദ്രം പറ​െഞ്ഞങ്കിലും കൃത്യസമയത്ത്​ അത്​ ലഭിച്ചില്ല. ഇതുകാരണം ചില ആശയക്കുഴപ്പം ഉണ്ടായിട്ടുണ്ട്​. സൈന്യത്തി​​​െൻറ സേവനമാണ്​ നമുക്ക്​ ആവശ്യമുള്ളത്​. പ്രളയത്തെതുടർന്ന്​ വിവിധ ഇടങ്ങളിൽ ഒറ്റപ്പെട്ടുപോയ ജനങ്ങളെ രക്ഷിക്കാൻ നേരത്തെ സൈന്യത്തി​​​െൻറ സഹായം കേന്ദ്രത്തോട്​ ആവശ്യപ്പെട്ടതാണ്​. എന്നാൽ ഇൗ സഹായം ലഭിക്കാൻ വൈകുകയായിരു​െന്നന്നും കോടിയേരി പറഞ്ഞു. 

ചെങ്ങന്നൂരിലടക്കം പ്രാദേശികസഹായത്തോടെ തിരച്ചിൽ നടത്തണമെന്ന്
തിരുവനന്തപുരം: മഹാദുരന്തഭൂമിയിൽ നിന്ന്​ ഉയരുന്ന സഹായരോദനത്തിന്​​ മുന്നിൽ പകച്ച്​ ദുരന്തനിവാരണ അതോറിറ്റി. ഒ​േട്ടറെ ആളുകൾ കുടുങ്ങിക്കിടക്കുന്നുവെന്ന്​ കരുതുന്ന ചെങ്ങന്നൂരിലടക്കം പ്ര​ാദേശികസഹായത്തോടെ ​സംഘം​ തിരിഞ്ഞ്​ രക്ഷാപ്രവർത്തനം നടത്തുകയാണ്​ പോംവഴി. ഇപ്പോൾ രക്ഷാപ്രവർത്തനത്തിനുള്ള മത്സ്യത്തൊഴിലാളികൾക്കും നാവിക-കരസേനാംഗങ്ങൾക്കും റോഡും തോടും തിരിച്ചറിയില്ല. നീന്തൽ അറിയുന്ന മത്സ്യത്തൊഴിലാളികളെയും ചെറുസംഘങ്ങളാക്കി തിരിച്ച്​ പ്രാദേശികമായി വീടുകൾ അറിയുന്ന ബൂത്ത്​ ലെവൽ പോളിങ്​​ ഒാഫിസർ, പൊതുപ്രവർത്തകർ എന്നിവരുടെ കൂടി സഹായ​ത്തോടെ തിരച്ചിൽ നടത്തുകയാണ്​ ​ഇനി വേണ്ടതെന്ന്​ ദുരന്തനിവാരണരംഗത്ത്​ പ്രവർത്തിച്ചിരുന്നവർ പറയുന്നു.

അടഞ്ഞുകിടക്കുന്ന വീടുകൾ തുറന്ന്​ പരിശോധന നടത്തണം. മരുന്നും ഭക്ഷണവും ലഭിക്കാതെ വീട്ടിനുള്ളിൽ തളർന്ന്​ കിടക്കുന്നവരുണ്ടാകും. പ്രായമായവരായിരിക്കും ഇത്തരത്തിൽ ഏറെയും. ക്യാമ്പുകളിൽ എത്താ​െത ബന്ധുവീടുകളിലും​ ദേവാലയങ്ങളിലും അഭയം തേടി ഭക്ഷണം പോലുമില്ലാതെ കഴിയുന്നവരും നിരവധിയുണ്ട്​. ഇവരുടെ സ്​ഥലം കണ്ടുപിടിക്കാൻ കഴിയാത്തതിനാൽ ആകാശമാർഗം രക്ഷിക്കാൻ കഴിയില്ല. ഭക്ഷണവും എത്തിച്ച്​ നൽകാനാകില്ല. രക്ഷാപ്രവർത്തനം പരാജയപ്പെട്ടതായി പ്രതിപക്ഷനേതാവ്​ രമേശ്​ ചെന്നിത്തല ആരോപിച്ചു. രക്ഷാപ്രവർത്തനം താളംതെറ്റിയതായും കേന്ദ്രസേനകൾ ദൗത്യം ഏറ്റെടുക്കണമെന്നും ആവശ്യപ്പെട്ട്​ എൻ.കെ. പ്രേമചന്ദ്രൻ എം.പി പ്രധാനമന്ത്രിക്ക്​ കത്ത്​ നൽകി.