കനത്ത മഴ തുടരുന്നു; ഭൂതത്താൻകെട്ട് റോഡ് രണ്ടായി പിളർന്ന്​ അപകടം

കൊച്ചി: തെക്കൻ ജില്ലകളിലും കാലവർഷക്കെടുതി തുടരുന്നു. ഇടുക്കിയിലും ആലപ്പുഴയിലും ഉരുൾ പൊട്ടലും വ്യാപക കൃഷിനാശവും റിപ്പോർട്ട്​ ചെയ്യപ്പെട്ടു. കൊച്ചിയുടെ കിഴക്കേ അറ്റത്തുള്ള കോതമംഗലത്ത് കനത്ത മഴയിൽ ഭൂതത്താൻകെട്ട് റോഡ് രണ്ടായി പിളർന്ന്​ ബൈക്ക് യാത്രക്കാർക്ക് പരിക്ക്.

റോഡിലെ ഗർത്തത്തിലേക്ക് ബൈക്ക് മറിഞ്ഞ് ഗുരുതരമായി പരിക്കേറ്റ ഭൂതത്താൻകെട്ട് ഐപ്പിള്ളിൽ വീട്ടിൽ ജയൻ (36)  സഹോദരൻ വിജയൻ (33 എന്നിവരെ കോതമംഗലം ബസേലിയോസ് ആശുപത്രിയിൽ പ്രവേശിപ്പിച്ചു

പുലർച്ചയായതിനാലാണ്​ വൻ ദുരന്തമൊഴിവായത്​. ഇതേടെ അവിടേക്കുള്ള ബസ് സർവീസുകൾ നിലച്ചു. ഇടമലയാർ വടാട്ടുപാറയിലേക്കുള്ള ഏക ഗതാഗത മാർഗ്ഗമായ ഭൂതത്താൻകെട്ട് ഡാമിന് 200 മീറ്റർ അകലെ ജംഗിൾ പാർക്കിന് മുന്നിലുള്ള റോഡാണ് രണ്ടായി പിളർന്നത്.