കനത്ത മഴ തുടരുന്നു; രണ്ടു മരണം, പലയിടങ്ങളിലും ഉരുൾപൊട്ടൽ

തിരുവനന്തപുരം: സം​സ്ഥാ​ന​ത്ത് വിവിധയിടങ്ങളിൽ ക​ന​ത്ത മഴ തുടരുന്നു​. തെ​ക്ക​ൻ ജി​ല്ല​ക​ളി​ലും മ​ല​യോ​ര മേ​ഖ​ല​യി​ലും തി​മി​ർ​ത്തു​പെ​യ്ത മ​ഴ​യി​ൽ ന​ദി​ക​ൾ ക​ര​ക​വി​ഞ്ഞു. പലയിടങ്ങളിലും ഉ​രു​ൾ​പൊ​ട്ട​ലു​ണ്ടായിട്ടുണ്ട്. കൊല്ലം, പത്തനംതിട്ട ജില്ലകളിലായി രണ്ടുപേർ മരിച്ചു.നീ​രൊ​ഴു​ക്ക് ശ​ക്ത​മാ​യ​തോ​ടെ വി​വി​ധ ഡാ​മു​ക​ളു​ടെ ഷ​ട്ട​റു​ക​ൾ തു​റ​ന്നു. വ​ന്യ​ജീ​വി ഡി​വി​ഷ​നു​ക​ളി​ലെ ഇ​ക്കോ ടൂ​റി​സം കേ​ന്ദ്ര​ങ്ങ​ൾ അ​ട​ച്ചു.

പത്തനംതിട്ട പലകക്കാവില്‍ ഒഴുക്കില്‍പെട്ട് യുവാവ് മരിച്ചു

പത്തനംതിട്ട വെച്ചൂച്ചിറ കൊല്ലമുള പലകക്കാവില്‍ ഒഴുക്കില്‍പെട്ട് കൊല്ലമുള സ്വദേശി പൊക്കണാമറ്റത്തില്‍ അദ്വൈതാണ്​ (22) മരിച്ചത്. സന്ധ്യയോടെ മലവെള്ളപ്പാച്ചിലില്‍ വെള്ളം കയറിയ തോട്​ മുറിച്ചുകടക്കുന്നതിനിടെയാണ് അപകടം. ഒപ്പമുണ്ടായിരുന്ന സാമുവല്‍ എന്ന യുവാവ്​ നീന്തിക്കയറി. വെച്ചൂച്ചിറ പൊലീസും അഗ്​നിരക്ഷാസേനയും നാട്ടുകാരും നടത്തിയ തിരച്ചിലിലാണ്​ മൃതദേഹം കണ്ടെത്തിയത്​.

കൊല്ലം കും​ഭാ​വു​രു​ട്ടി​യി​ൽ ത​മി​ഴ്നാ​ട് സ്വദേശി മലവെള്ളപ്പാച്ചിലിൽ മ​രി​ച്ചു

കൊല്ലം പു​ന​ലൂ​ർ അ​ച്ച​ൻ​കോ​വി​ൽ കും​ഭാ​വു​രു​ട്ടി​യി​ൽ കു​ളി​ക്കാ​നെ​ത്തി​യ ത​മി​ഴ്നാ​ട് മധുര സ്വ​ദേ​ശി കു​മരൻ (50) ആണ് മലവെള്ളപ്പാച്ചിലിൽ മ​രി​ച്ച​ത്. ര​ണ്ടു​പേ​ർ​ക്ക് ഗു​രു​ത​ര പ​രി​ക്കേ​റ്റു. അ​ഞ്ചു​പേ​രെ ര​ക്ഷ​പ്പെ​ടു​ത്തി. ഞാ​യ​റാ​ഴ്ച വൈ​കീ​ട്ട് മൂ​ന്ന​ര​യോ​ടെ​യാ​ണ് അ​പ​ക​ടം. ഈ​റോ​ഡ് സ്വ​ദേ​ശി കി​ഷോ​റി​നെ​യാ​ണ് (27) ഗു​രു​ത​രാ​വ​സ്ഥ​യി​ൽ പു​ന​ലൂ​ർ താ​ലൂ​ക്കാ​ശു​പ​ത്രി​യി​ൽ പ്ര​വേ​ശി​പ്പി​ച്ചത്. പ​രി​ക്കേറ്റ് തി​രു​നെ​ൽ​വേ​ലി മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ച മ​റ്റൊ​രാ​ളെ തി​രി​ച്ച​റി​ഞ്ഞി​ട്ടി​ല്ല. സ്ത്രീകളും കുട്ടികളും അടക്കം നിരവധി ആളുകൾ ജലപാതത്തിൽ കുളിക്കുമ്പോഴാണ് മുകളിൽനിന്ന്​ വൻതോതിൽ വെള്ളം താഴേക്ക് പതിച്ചത്. ജലപാതത്തിന് നേരെ താഴെ ഉണ്ടായിരുന്നവരാണ് അപകടത്തിലായത്.

മൂ​ല​മ​റ്റ​ത്ത്​ ഉ​രു​ൾ​പൊ​ട്ടി; കു​ള​മാ​വി​ൽ മ​ണ്ണി​ടി​ഞ്ഞു

ഇ​ടു​ക്കി ജി​ല്ല​യി​ൽ വീ​ണ്ടും മ​ഴ ശ​ക്​​തി​പ്പെ​ട്ടു. മൂ​ല​മ​റ്റ​ത്ത്​ ഉ​രു​ൾ​പൊ​ട്ടി. കു​ള​മാ​വി​ൽ മ​ണ്ണി​ടി​ഞ്ഞു. ആ​ള​പാ​യ​മി​ല്ല. മൂ​ല​മ​റ്റം ക​ണ്ണി​ക്ക​ൽ മ​ല​യി​ൽ ഉ​രു​ൾ​പൊ​ട്ടി മ​ണ​പ്പാ​ടി, ക​ച്ചി​റ​മ​റ്റം പാ​ല​ങ്ങ​ൾ വെ​ള്ള​ത്തി​ന​ടി​യി​ലാ​യി. പ​മ്പാ​ന​ദി​യി​ൽ ജ​ല​നി​ര​പ്പ് ഉ​യ​ർ​ന്നി​ട്ടു​ണ്ട്. കു​രു​മ്പ​ൻ​മൂ​ഴി കോ​സ്​​വേ വീ​ണ്ടും മു​ങ്ങി. എ​ന്നാ​ൽ, ജ​ന​ങ്ങ​ൾ ആ​ശ​ങ്ക​പ്പെ​ടേ​ണ്ട സാ​ഹ​ച​ര്യ​മി​ല്ലെ​ന്നാ​ണ് വി​ല​യി​രു​ത്ത​ൽ.

കോട്ടയം മൂന്നിലവിൽ റോഡ് തകർന്ന് കുടുങ്ങിയ വിനോദ സഞ്ചാരിയെ രക്ഷപ്പെടുത്തി

കോട്ടയം മീനച്ചിൽ താലൂക്കിൽ മൂന്നിലവ് ചക്കിക്കാവിൽ മലവെള്ളപാച്ചിലിൽ റോഡ് തകർന്ന് കുടുങ്ങിയ വിനോദ സഞ്ചാരിയെ നാട്ടുകാര്‍ രക്ഷപ്പെടുത്തി. ഇല്ലിക്കൽ കല്ല് സന്ദർശിക്കാനെത്തിയ പതിനഞ്ചിലധികം പേരെ രക്ഷപ്പെടുത്തി മേച്ചിൽ സി.എസ്.ഐ പള്ളിയിലേക്ക് മാറ്റി. മൂന്നിലവ് ഗ്രാമപഞ്ചായത്ത് ഓഫീസിൽ വെള്ളം കയറി. മീനച്ചിൽ, മണിമല നദികളിൽ ജലനിരപ്പ് ഉയരുന്നു. മീനച്ചിൽ, കാഞ്ഞിരപ്പള്ളി താലൂക്ക് പരിധിയിലെ ഗ്രാമപഞ്ചായത്തുകളിൽ ജാഗ്രത പുലർത്താൻ ജില്ല കലക്ടർ വിവിധ വകുപ്പുകൾക്ക് നിർദ്ദേശം നൽകി.

ഇ​ക്കോ ടൂ​റി​സം കേ​ന്ദ്ര​ങ്ങ​ളി​ലേ​ക്ക് യാ​ത്ര​വി​ല​ക്ക്

തി​രു​വ​ന​ന്ത​പു​രം പൊ​ന്മു​ടി, ക​ല്ലാ​ർ, മ​ങ്ക​യം, ഇ​ക്കോ ടൂ​റി​സം കേ​ന്ദ്ര​ങ്ങ​ളി​ലേ​ക്ക് യാ​ത്ര​വി​ല​ക്ക് ഏ​ർ​പ്പെ​ടു​ത്തി. ന​ദി​ക​ൾ ക​ര​ക​വി​ഞ്ഞൊ​ഴു​കു​ക​യാ​ണ്. ക​ല്ലാ​ർ മീ​ൻ​മു​ട്ടി​യി​ൽ കു​ടു​ങ്ങി​യ സ​ഞ്ചാ​രി​ക​ളെ നാ​ട്ടു​കാ​രും പൊ​ലീ​സും അ​ഗ്നി​ര​ക്ഷാ​സേ​ന​യും ചേ​ർ​ന്ന് ര​ക്ഷ​പ്പെ​ടു​ത്തി. വ​ന്യ​ജീ​വി ഡി​വി​ഷ​നി​ലെ നെ​യ്യാ​ർ, കോ​ട്ടൂ​ർ, പേ​പ്പാ​റ ഇ​ക്കോ ടൂ​റി​സം കേ​ന്ദ്ര​ങ്ങ​ളും അ​ട​ച്ച​താ​യി അ​ധി​കൃ​ത​ർ അ​റി​യി​ച്ചു.

അതിജാഗ്രത പുലർത്തണമെന്ന്​ മുഖ്യമന്ത്രി

തിരുവനന്തപുരം: മഴ കനക്കുന്ന സാഹചര്യത്തിൽ ജനങ്ങൾ അതിജാഗ്രത പുലർത്തണമെന്ന്​ മുഖ്യമന്ത്രി പിണറായി വിജയൻ. പൊലീസ്, അഗ്നിരക്ഷാ സേന, മറ്റ് സർക്കാർ സംവിധാനങ്ങൾ എന്നിവ ജാഗരൂകരായിരിക്കാൻ നിർദേശം നൽകിയിട്ടുണ്ട്. മത്സ്യത്തൊഴിലാളികൾ ഒരു കാരണവശാലും കടലിൽ പോകരുത്. ഉരുൾപൊട്ടൽ, മണ്ണിടിച്ചിൽ സാധ്യതയുള്ള പ്രദേശങ്ങളിൽനിന്ന് ആളുകളെ മാറ്റിപ്പാർപ്പിക്കാൻ നിർദേശം നൽകി. ആവശ്യമെങ്കിൽ ക്യാമ്പുകളിലേക്ക് മാറ്റണം. ക്യാമ്പുകളിൽ സൗകര്യങ്ങൾ ഉറപ്പാക്കും​. നദികൾ, ജലാശയങ്ങൾ, തോടുകൾ തുടങ്ങിയ സ്ഥലങ്ങളിൽ കുളിക്കാനോ അലക്കാനോ മൃഗങ്ങളെ കുളിപ്പിക്കാനോ ഇറങ്ങരുത്. രാത്രി യാത്രകൾ പരമാവധി ഒഴിവാക്കണമെന്നും മുഖ്യമന്ത്രി നിർദേശിച്ചു.

കോട്ടയത്ത് നാളെ അവധി

കനത്ത മഴയെത്തുടർന്ന് മീനച്ചിൽ, കാഞ്ഞിരപ്പള്ളി താലൂക്കിലെ എല്ലാ വിദ്യാഭ്യാസ സ്ഥാപനങ്ങൾക്കും തിങ്കളാഴ്ച അവധിയായിരിക്കുമെന്ന് ജില്ല കലക്ടർ ഡോ. പി.കെ. ജയശ്രീ അറിയിച്ചു.

നെടുമങ്ങാട് താലൂക്കിൽ അവധി

നെടുമങ്ങാട് താലൂക്കിലെ അംഗൻവാടികൾ, സർക്കാർ, എയ്ഡഡ്, അൺ എയ്ഡഡ് സ്ക്കൂളുകൾക്ക് ജില്ല കലക്ടർ തിങ്കളാഴ്ച അവധി പ്രഖ്യാപിച്ചു.

ഏഴ്​ ജില്ലകളിൽ ഓറഞ്ച്​ അലർട്ട്

സം​സ്ഥാ​ന​ത്ത്​ അ​തി​തീ​വ്ര​മ​ഴ​ക്ക്​ സാ​ധ്യ​ത​യെ​ന്ന്​ കാ​ലാ​വ​സ്ഥ വ​കു​പ്പ് അറിയിച്ചു. തി​ങ്ക​ളാ​ഴ്ച തി​രു​വ​ന​ന്ത​പു​രം, കൊ​ല്ലം, പ​ത്ത​നം​തി​ട്ട, ആ​ല​പ്പു​ഴ, കോ​ട്ട​യം, എ​റ​ണാ​കു​ളം, ഇ​ടു​ക്കി ജി​ല്ല​ക​ളി​ൽ ഓ​റ​ഞ്ച്​ അ​ല​ർ​ട്ട്​ പ്ര​ഖ്യാ​പി​ച്ചു. തൃ​ശൂ​ർ, പാ​ല​ക്കാ​ട്, മ​ല​പ്പു​റം, കോ​ഴി​ക്കോ​ട്, ക​ണ്ണൂ​ർ ജി​ല്ല​ക​ളി​ൽ മ​ഞ്ഞ അ​ല​ർ​ട്ടും ബാ​ധ​ക​മാ​ക്കി.