കലാലയങ്ങൾ തുറക്കൽ 20ലേക്ക് മാറ്റി

സംസ്ഥാനത്തെ പോളിടെക്‌നിക്കുകൾ അടക്കമുള്ള ഉന്നതവിദ്യാഭ്യാസ സ്ഥാപനങ്ങൾ വീണ്ടും തുറന്ന് പ്രവർത്തിക്കുന്നത് ഒക്ടോബർ 20ലേക്ക് മാറ്റിയതായി ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആർ ബിന്ദു അറിയിച്ചു. സംസ്ഥാനത്തിന്റെ വിവിധ ഭാഗങ്ങളിൽ കനത്ത മഴ തുടരുന്ന സാഹചര്യത്തിലാണിത്. 19 വരെ മഴ തുടരുമെന്നും മുന്നറിയിപ്പുണ്ട്. മുഖ്യമന്ത്രി വിളിച്ചു ചേർത്ത ഉന്നതതല യോഗവും ഇതാണ് നിർദ്ദേശിച്ചിരിക്കുന്നത് -മന്ത്രിയുടെ ഒാഫീസ്​ അറിയിച്ചു.